YESAYA 54:4 - WUKE SUSI WATTI'U AL᷊AL᷊USASSA

⁴ Arie pa'ata'utta, i'o sarun tawe pansilianna; tawe aal᷊uandahanna wuṛṛu tappissi'anna. I'o sarun maabul᷊i lal᷊awangngu sutempo ta'e dario'a; tate mannaungnga lai mabbiakka sassane ere inawal᷊uanna.

YESAYA 54:4 Referans Kwoze

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

1 PETRUS 2:6

Ana waugu sulal᷊ummu Wuke Susi uawoṛṛetta arendi, “I Ya'u suete namile sambau watu maarega, apan Ta'u niaddo su Sion maola'a watu apianne; wuṛṛu taumata apan mangngimanna si Tou tawe iapaasusa naungnge.”

YEREMIA 31:19

I'o buatte tinal᷊i'uranni yami, arawe inolaanna udde iassasilli yami. Napawe I'o nakkuumanni yami, puang kami niumaruutta ana waugu massusa. I yami massili wuṛṛu nahelo ana waugu buatte na'ola'a rosa sutempo dario'a.’

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YEHEZKIEL 16:43

I Ya'u nakkuumannu ana waugu i'o tawe mannaungnga ereapa i Ya'u namaddul᷊i si'o sutempo i'o ta'e addio'a. I'o na'ola'a si Ya'u nasa'u ringannu al᷊awo'u inolaanna apan dal᷊eo udde. Anio al᷊awo'u inolaannu apan maarantinna udde ta'e lai tattambannu ringannu sussandaga? I Ya'u Mawu Apan Atanggaṛṛanne buatte nabbisara.”

YEHEZKIEL 16:22

Sulal᷊ummu pabbiaṛṛannu apan maarantinna ere sumasandaga udde, sara addio'a lai tate mannaungnga i'o ta'e addio'a dorone, sutempo i'o tantol᷊e wuṛṛu tuttondo sulal᷊ummu laikku daṛṛanu sassane.”

YESAYA 4:1

Sutempo udde siri pitu wawine sarun mangaggassa sangkatou esakka wuṛṛu mabbisara, “Wala'awe i yami manga'u si'o sangkatou awingnga, tadea'u i yami tawe mamasanna asasili ana waugu tawe na'awingnga. Anna wuṛṛu laubba udde singkatten kami sassane.”

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

YESAYA 29:22

Ana waugu udde Mawu, Ruatan Israel apan namallossi Abraham, orassa indi nabbisara, “Pabbawala-U, i yamiu tate lobbosanna lai wuṛṛu hatinu tate mamillossa lai ana waugu massili.

YESAYA 50:7

Ana waugu Mawu Ruata nantul᷊ungku, ne i ya'u tawe nipansilianna. I ya'u mannohassa naungku tadea'u masabbare; i ya'u masingkatta manungku i ya'u tawe pansilianna.

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

LAL᷊ALLU 1:1

Aroddi al᷊annabbe Yerusalem orassa indi, soa apan al᷊amonane rame atonna. Dorone tinumelengnga wuassu al᷊awo'u manga walahanna, orassa indi naola'e ere wawine wal᷊u. Dorone soa apan mangke raddaloanna, orassa indi niola'e allangnga.

YEHEZKIEL 36:15

Tate gunane lai leta'a indi maddaringikka aal᷊uandagu manga walahanna ara'e mamasanna hahelon taumata. Leta'a indi tate lai maaradda'a walahanna apan uatana'a isudde. I Ya'u Mawu Apan Atanggaṛṛanne buatte nabbisara.’ ”

YOEL 2:21

Arie paata'utta, ei wawail᷊ainna, paal᷊uasse naungngu; naungete inolaanna wahewalla apan manarannu Mawu si'o!

ZEFANYA 3:11

Sutempo udde, ei uma-U, i yamiu ariete paasili lai ana waugu buatte nilumawangnga si Ya'u. I Ya'u sarun mallimbuakka suapan taumata mawunga wuṛṛu matanggakka, wuṛṛu i yamiu tate lumawangnga apia si Ya'u su wui-U apan susi.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.

AYUB 11:16

ewe'e lai asasusanu tate lai naungannu; naal᷊ihidda manawangnga apan neṛṛotta, niabul᷊ianannu taumata.

YESAYA 65:16

Suapan taumata su wanua udde apan maddorongnga al᷊amatta, sarun maddorongnga al᷊amatannu Ruata apan satia. Suapan taumata apan massalu, sarun massalu ringannu arannu Ruata apan satia. Ana waugu asasusa apan dorone nawul᷊ite wuṛṛu nitimbul᷊ianante.”