YESAYA 54:10 - WUKE SUSI WATTI'U AL᷊AL᷊USASSA

¹⁰ Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

YESAYA 54:10 Referans Kwoze

DARALO 46:2

Ruata udde pattillumangku wuṛṛu atatohassi ite; I tou sidutu uasadia wuṛṛu maatul᷊ungnga sulal᷊ummu asasusa.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

ROMA 11:29

Ana waugu amungkangngu Ruata mamile taumata wuṛṛu mangal᷊amatta taumata udde, Ruata tawe mangul᷊e apia apa apan buatte niolang-Nge.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

MALEAKHI 2:5

Sulal᷊ummu paaire udde i Ya'u naddiandi si mangitou pabbiaṛṛanna apan matammudda wuṛṛu mal᷊angnganna, wuṛṛu i mangitou Ta'u nirolokka mangaddatta si Ya'u wuṛṛu matta'u-U.

YESAYA 54:8

Tumba'u tal᷊angkadio'a i Ya'u manantangngu ana waugu asasa'u-U apan bahewalla. Arawe ringannu darangngu tutune i Ya'u mandangngu si'o.” Ete aroddi wisaran Duata Mananal᷊amannu.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

2 SAMUEL 23:5

Aroddi lai papapulungku nial᷊amatannu Ruata, pa'aire-Ne si ya'u, tawe mawal᷊u, pa'aire-Ne udde mal᷊annu-l᷊annu wuṛṛu nasuungnga, mangke sidutu uaatokka su sarangkanambone. Ruata uariaga auntungangku wuṛṛu nangutungngu al᷊awo'u apulun naungku.

TITUS 3:5

I Tou nanal᷊amatta si ite, wal᷊ine ana waugu i ite suete na'ola'a apapia, ewe'e ana waugu i Tou sassane tinumal᷊antupi ite. I Tou nanal᷊amatta si ite sulal᷊ummu Ghaṛṛahon Duata, apan nangonggolu arariaddianna wakku si ite wuṛṛu wiakka wakku ringannu nangukkassu daṛṛa-Ne si ite.

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

IBRANI 12:27

Wisara “Paassa lai” mannantiro manungku ahewallu runia apan suete niolang-Nge sarun iio'a wuṛṛu iramme, tadea'u mallambe tumba'u sarannapa apan tawe umio'a.

SONDAPPA 6:14

Langitta nawul᷊i naal᷊ihidda ere suratta nilul᷊unna, wuṛṛu anambon bowone wuṛṛu manga taṛṛanusa niingkata wuassu tampane.

REENGANNA 25:12

Nariaddi wal᷊oa'a si Pinehas manungku i Ya'u ma'ola'a sambau pa'aire ringanni tou.

DARALO 102:26

dorone I'o nandiaddi runia; langitta lai lanna'u lima-Nu.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

YESAYA 55:12

I yamiu sarun manantangngu Babel ringannu al᷊al᷊uassa, wuṛṛu iuntudda sumabbangnga ringannu sal᷊amatta. Wowone wuṛṛu wuidda sarun lumuassa wuṛṛu maggio, manga aal᷊uanna su wawail᷊anna mattal᷊o'appu lima.

YESAYA 59:21

I Ya'u nakkiinnu pa'aire ringanni yamiu: I yamiu onggol᷊annu taṛṛino-U wuṛṛu al᷊aṛṛa-U saran mal᷊annu-l᷊annu. Ara'e lai ionggolla su manga anangngu tadea'u i mangitou lai wotongnge mangaṛṛa'u udde su ana'a pulunne orassa indi maddatingngu saran mal᷊annu-l᷊annu.”

YESAYA 61:8

Mawu nabbisara, “I Ya'u marangngu atatul᷊idda wuṛṛu maddantinnu pangangallanga se'e lai al᷊al᷊eo. I Ya'u sarun mangonggollu hadinu ringannu uaatokka, wuṛṛu mangiittu paddariandi sarangkal᷊o'enge ringanni yamiu.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YEREMIA 31:36

Mawu naddiandi, “Tantal᷊anna titan dunia tawe mawal᷊u Israel lai sidutu maola'a sambau walahanna.

YEHEZKIEL 16:42

Wakkute udde asasa'u-U umompo'a, wuṛṛu sarun maola'a matammuda apia. I Ya'u tate masa'u apia ara'e mallu'adda.

DARALO 46:3

Ne i ite tawe mata'utta, salaiwe runia umio'a, wuṛṛu manga wowone mawontolla su ṛanassu tahal᷊oangnga;

YESAYA 49:15

Mawu sinumimbakka, wisara-Ne, “Wotongngewe sangkatou inangnga maabul᷊in anangnge, wuṛṛu tawe mandangngu anangnge sidutu? Salaiwe i tou maabul᷊ine i Ya'u tawe maabul᷊inu!

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.