YESAYA 54:1 - WUKE SUSI WATTI'U AL᷊AL᷊USASSA

¹ Yerusalem, dorone i'o naal᷊ihidda wawine tinna apan tawe wotongnge manungkangnga. Arawe orassa indi paggiote, wuṛṛu pangantarite ringannu lulluassa! Ana waugu manga anangngu marasai nilumebbe wuassu ana'a wawine apan tawe nitantangngu awingnge.

YESAYA 54:1 Referans Kwoze

GALATIA 4:27

Ana waugu sulal᷊ummu Wuke Susi uawoṛṛetta, “Paal᷊al᷊uasse i'o wawine tinna, apan tawe saran paassa nangunsiwe! Lallala'e wuṛṛu paggiote i'o apan saran paassa tawe namendama taddu'a mangngunsiwe! Ana waugu wawine apan tinantangu awingnge sarun maasomba ana'a lembon anamboanne wuassu wawine apan mabbiakka ringannu awingnge.”

YESAYA 62:4

Arannu wal᷊ine lai ‘Apan Nitantangnga’, wanuanu wal᷊ine lai ‘Apan Mal᷊annabba’. I'o sarun isaggo, ‘Apan Arangnguannu Ruata’, wuṛṛu wanuanu sarun isaggo, ‘Apan Buatte Naawingnga,’ ana waugu Mawu mappulunu, i Tou ere sangkatou awingnga su wanuanu.

1 SAMUEL 2:5

Taumata apan dorone mal᷊aidda ana waugu manambo anna, orassa indi nabbal᷊ite allangnga sassewanna tumba'u ana waugu see maasomba anna. Taumata apan dorone mal᷊unussa, orassa indi nal᷊aidde, anna manambote. Awingnge tinna, orassa indi lullala'a, ana'a pitu buatte niasungkange! Arawe inangnga apan manambo anangnge, nitantangnga, niwalane massusa.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

DARALO 113:9

I Tou nangonggolu manga ana'a su awingnga apan tinna, na'ola'a si tou inangnga apan lulluassa wuṛṛu aaddatanna su wal᷊ene. Paddalote Mawu!

ZEFANYA 3:14

Ei Israel, paggiote wuṛṛu pangantarite! Ei Yerusalem, lalluasse ringannu ahewallu naungnga!

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 49:20

Manga al᷊aṛṛana'a apan niasungkanga su leta'a waine sarun mabbisara si'o, ‘Wanua indi tumanite maṛṛipusi'a si ya'u, onggol᷊eten tampa tadea'u ia'i wotongnge mamanua isindi.’

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

ANTARI MAWANTUGA 8:8

I yami pia sangkatou tuari wawine apan ta'e addio'a susune. Apate apan ṛinone olaanni yami si tou amungkangngu piaddu rumanta mangonokka si tou?

PANDARIADDI 21:6

I Sara nabbisara, “Ruata buatte napal᷊age'u ana waugu lulluassa. Suapan taumata apan naaringikka olangnge indi sarun lumage lumuassa suadio'a ringangku.”

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 24:14

Manga taumata apan nasal᷊amatta sarun mangngantarin lal᷊uassa. Taumata su samba'an waṛṛatta sarun mabbatti'u awawantugu Mawu,

YESAYA 49:19

Wanuanu apan mamara wuṛṛu mal᷊annabba, orassa indi nabbal᷊ite maṛṛipusi'a su manga taumata apan mappulu mamanua isudde. Wuṛṛu manga taumata apan maapulu mamate si'o, maraute wua dingannu.

YESAYA 66:7

Soa susi-U ere sangkatou inangnga apan mangngunsiwe tantal᷊anna taambe naapendamma taddu'a; apan nanungkangngu ana'a esakka tantal᷊anna taambe namendamma taddu'a ṛumana'a.