YESAYA 53:7 - WUKE SUSI WATTI'U AL᷊AL᷊USASSA

⁷ I tou nihesekka ringannu maṛṛagissa, arawe mangke uapasanna ringannu sabbare. I tou tawe namu'a moṛṛongnge naal᷊ihidda ana'u domba apan iapidda su tampan pallaṛṛatanna ara'e naal᷊ihidda inangngu domba apan huntinganna wambul᷊une.

YESAYA 53:7 Referans Kwoze

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

MARKUS 14:61

Arawe Mawu Yesus mal᷊annaba. I Tou tawe sinumimbakka saran paassa. See imam bahewa udde naiwal᷊o paassa lai si Tou, “Ete I'o Ratum Punnu Sal᷊amatta, Ana'u Ruata Lembo Naukkassa?”

YOHANES 19:9

Ne i tou nabelengnga sinumutta sulal᷊ummu wal᷊en araratuanna wuṛṛu napawe Mawu Yesus niapidde sulal᷊umme, i Pilatus naiwal᷊o si Tou, “I'o indi daranta-Nu wuassuapa?” Arawe Mawu Yesus tawe sinumimbakka.

LUKAS 23:9

Ana waugu udde i Herodes manambonaiwal᷊o si Tou, arawe Mawu Yesus tawe sinumimbakka saran paassa.

MARKUS 15:5

Arawe Mawu Yesus tawe sumimbakka sara n adio'a, na'oman sara Pilatus naherangnga.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

SONDAPPA 5:6

Wua'udde i ya'u naasilo sambau Ana'u Domba apan uarisikka supattangngannu adderan araratuanna udde, papal᷊iwutannu sire appata riadianna wuṛṛu anambon piaṛṛange. Ana'u Domba udde aellehanna naal᷊ihida ere suete nipototta. I tou pia pitu tatandu'a wuṛṛu pitu mata; eteudde pitu Ghaṛṛahon Ruata apan suete nirolokka su ahewallu runia.

DARALO 44:22

Ruata sarun maasingkata, ana waugu i Tou maatutukka addapingu naungngi yami.

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

YEREMIA 11:19

I ya'u naal᷊ihidda domba apan ringannu tawe antimma lal᷊eo niapidda sutampa pamamototanna. I ya'u wagga manungku ete i ya'u apan maola'a punnu manga hol᷊agi mangitou apan dal᷊eo udde. I mangitou nabbisara, “Wette i ite manuwangnga alu indi tantal᷊anna i tou ta'e mangngonggollu wuane; i ite mamate si tou tadea'u aranne abbul᷊ianannu taumata.”

DARALO 38:14

Arawe i ya'u naal᷊ihidda taumata wengella apan tawe maaringikka, naal᷊ihidda taumata mou apan tawe maawisara.

DARALO 38:15

Atonna, i ya'u naal᷊ihidda taumata tawe maaringikka, wuṛṛu ana waugu udde tawe sumongga.

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.