YESAYA 53:5 - WUKE SUSI WATTI'U AL᷊AL᷊USASSA

⁵ Arawe i tou nilessa ana waugu manga rosan kite, wuṛṛu nipuulla ana waugu al᷊al᷊eo kite. I Tou niṛṛuumanna tadea'u i ite masal᷊amatta, ana waugu manga apapiane i ite niapa'apia.

YESAYA 53:5 Referans Kwoze

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

IBRANI 10:14

Nariaddi ringannu sasamba sambau, i Kristus napaasuungngu manga taumata apan suete niwaresi wuassu rosa.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

IBRANI 10:10

Yesus Kristus suete tinumuṛṛuta apa apan ipaapulun Ruata wuṛṛu nanantillu watanganne maola'a sassamba. Ringannu sasamba udde, apan niolangnge tumba'u paassa ma'oman sara mal᷊annu-l᷊annu, i ite sarangkanambone niwaresi wuassu rosa.

1 KORINTUS 15:3

Apa apan buatte ta'u niwal᷊o si yamiu eteudde apan buatte ta'u nisengkamma lai. Ahunanne eteudde, ere uawoṛṛetta sulal᷊ummu Wuke Susi, ya'u mabbatti'a si yamiu manungku Mawu Yesus nate ana waugu manga rosan kite;

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

IBRANI 5:8

Mawu Yesus uddewe Ana'u Ruata, arawe salaiwe aroddi, Tou mattingkaola'a matuṛṛuta sulal᷊ummu asasusa-Ne.

TAHIUL᷊E 11:2

Naungete orassa indi apan niasingkatanni yamiu ola'u Mawu, su wuassu al᷊o'engngu pabbiaṛṛannu. Manga anangngu taambe asingkatta su ola'u pabbiaṛṛanna udde. Ete i yamiu apan sidutu ual᷊ellega awawantugu Mawu Ruatanu, atatohan-Ne wuṛṛu taṛṛino-Ne

DARALO 30:2

I ya'u maddalo Si'o, oh Mawu, ana waugu I'o buatte nanal᷊amatta si ya'u wuṛṛu tawe namalan see'u mannampissi'u.

AMSAL 20:30

Taṛṛaassa ola'u pabbiaṛṛanna masahadda mammappassa al᷊al᷊eo, wuṛṛu mammaresi naungngu taumata.

YESAYA 6:7

I tou nangeṛṛetta wiwi'u ringannu waṛṛa udde, see nabbisara, “Waṛṛa indi buatte nieṛṛetta su wiwikku, orassa indi pasasal᷊anu buatte nipappassa wuṛṛu rosanu buatte niampungannu Mawu.”

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

AYUB 33:24

Ringannu u'akkanna mala'ekatta udde sarun mabbisara, ‘Pallosa'e i tou, tawe wotongnge i tou sumossokka su runian taumata nate. Indite roitta tatubbunne, tadea'u i tou mapallossa apia.’