YESAYA 52:7 - WUKE SUSI WATTI'U AL᷊AL᷊USASSA

⁷ Al᷊uassawe eteapa maasilo darantan daroloṛṛanna; i tou u'amatta malliu panenteanna wuṛṛu uaapiddu watti'a mapia, watti'u al᷊al᷊uassa, watti'u asasal᷊amatta su Sion; wisarane, “Ruatanu Ratu!”

YESAYA 52:7 Referans Kwoze

NAHUM 1:15

Pa'ellege, sangkatou daroloṛṛanna nirumanta niumamattu manga wowone, uaapiddu watti'u al᷊al᷊uassa, watti'u auntunganna. Ei walahannu Yehuda, laghua'e allo wahewanu wuṛṛu waeṛṛete paairenu su Ruata. Wanuanu tate lai allangannu taumata lal᷊eo. I mangitou mangke niṛṛimunsa'a na'oman sara nasue.

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

EFESUS 6:15

Ṛinone i yamiu sidutu mabbatti'u Watti'u Al᷊al᷊uassa apan mangngapiddu paddarame maola'a aampakku leddanu.

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

DARALO 93:1

Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YESAYA 24:23

Wul᷊anna sarun mabbal᷊i marandumma wuṛṛu matannallo tate lai semakke, ana waugu Mawu Apan Lembontaṛṛino sarun mamarenta maola'a sangkatou ratu. I Tou sarun mamarenta su Yerusalem, su Wuiddu Sion, wuṛṛu mapal᷊iatta'u awawantu-Ge su manga piaṛṛa'u uman-Ne.

DARALO 68:11

Ana see al᷊aṛṛanang-Ngu namanuate poiaroddi; sulal᷊ummu apapia-Nu, oh Ruata, I'o nappadul᷊i taumata asiangnga.

LUKAS 2:10

Arawe mala'ekatta udde nabbisara, “Arie pa'ata'utta! Ana waugu i ya'u nirumanta uaapiddu Watti'u Al᷊al᷊uassa si yamiu – watti'a apan maal᷊uassa anambon taumata.

MARKUS 13:10

Watti'u Al᷊al᷊uassa wuassu Ruata udde sarun iapasingkatta su anambon walahanna.

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

ANTARI MAWANTUGA 2:8

Paddaringikka! Tatuno naungku nirumanta! I Tou naal᷊ihidda ana'u rusa ara'e kijangnga. Sussassolo'a su manga wowone, sussassolo'a su manga wuidda. Pa'ellega, su samba'an darandungnga i tou uarisikka, ringannu matane i tou maddea'a; mallinge wuassu taralin jandela.

DARALO 99:1

Mawu uddewe Ratu; manga walahanna mangngiladda. I Tou ua'ianna su wowon mala'ekatta, runia niumio'a.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

DARALO 96:10

Wattia'e su manga walahanna, “Mawu udde Ratu! Runia matohassa tawe ia'io'a; i Tou sarun makkuungngu manga walahanna ringannu atatul᷊idda.”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

DARALO 59:13

Ana waugu i mangitou u'al᷊iomanna ringannu manga wisaran mangitou; wala'e i mangitou iasongngan awawungane, ana waugu i mangitou apulune mammontoga wuṛṛu mammahia.

DARALO 97:1

Mawu uddewe Ratu! Ṛinone runia udde lumala'a, wuṛṛu manga taṛṛanusa lumuassa.

YESAYA 41:27

Ya'u, Mawu, apan paarorone namasingkatta su Sion; i Ya'u napaapiddu mangangapiddu watti'u al᷊al᷊uassa su Yerusalem.

YESAYA 42:11

Ṛinone wadda'u anne wuṛṛu manga soane maddalo Mawu, mappianne tumana'u Kedar maddalo si Tou! Ṛinone tumana'u soa Sela umui lullala'a, wuṛṛu mangngintul᷊i wuassu puiddu wowone!

DARALO 98:2

Mawu nabbatti'u auntungan-Ne; i Tou napal᷊iatta'u atatul᷊iddu Mawu su manga walahanna.

DARALO 98:3

I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

NAHUM 2:1

Ei Niniwe, paddaringikka! Apan sarun manggohakka si'o nirumantate! Riagaite manga tanda'a watu pattillummanna! Lu'arete lalanna! Pandiahite mapapangalo. (