YESAYA 52:5 - WUKE SUSI WATTI'U AL᷊AL᷊USASSA

⁵ Orassa indi apate manara-U isindi? Taumatan Babel nanawanna si yamiu ringannu walate apulune. I mangitou apan mangngallangnga si yamiu mammunga wuṛṛu sidutu mallobbossa si Ya'u.

YESAYA 52:5 Referans Kwoze

ROMA 2:24

Sulal᷊ummu Wuke Susi uawoṛṛetta arendi, “Ana waugu i yamiu, manga taumatan Yahudi, arannu Ruata nial᷊uandahanna su wallattu walahanna waine.”

ZEFANYA 1:10

“Su allo udde,” aroddi wisaran Mawu, “sarun aringiṛṛanna lal᷊allu su Ngaran Inassa. Tingikku lal᷊uai sarun aringiṛṛanna wuassu ampungnga wakku, wuṛṛu tingikku ahahohakka wahewalla sarun rumallu'a wuassu manga wuidda.

YEHEZKIEL 20:14

Arawe i Ya'u maddiri ma'ola'a udde waugu awawantugu arang-Ku, tadea'u arang-Ku tawe al᷊uandahannu manga walahanna apan naasilo si Ya'u nangapiddu Israel sumabbangnga wuassu Mesir.

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

LAL᷊ALLU 2:3

Sulal᷊ummu asasa'u-Ne apan lukkenggamma, atatohassu Israel nipaddi-Ne. Sutempo i ite nipangaloannu seetta, i Tou mappau mangonggollu aontolla. Naal᷊ihidda putungnga sussal᷊oi mannoṛṛobba al᷊awo'a, etearoddi Mawu nasa'u si ite sarangkanambone.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YESAYA 52:3

Mawu nabbisara uman-Ne, “I yamiu niwal᷊u'a ringannu tawe bawaekke, nariaddi orassa indi ipallosse ringannu tawe bawaekke lai.

YESAYA 51:23

Asasusa udde Ta'u nionggolla su mangangallangu, apan buatte nandolokku niapaatiilla su leta'a, wua'udde nakkinda si yamiu, ere ola'u i yamiu lal᷊anna apan a'amatannu taumata.”

YESAYA 51:20

Suapan pentakku lal᷊anna manga taumatanu nal᷊iundu'a niasueannu ikkatta ere rusa apan nul᷊ussa su pu'itta. I mangitou naṛṛiaannu asasa'u Mawu, wuṛṛu naṛṛinoannu lal᷊imbuakku Ruatanu.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YESAYA 37:28

Arawe i ya'u masingkattu al᷊awo'a su ola'u dirinu. I Ya'u masingkattu inolaannu wuṛṛu watukkuapa i'o umamatta. I Ya'u masingkatta manungku i'o tumaniten massa'u si Ya'u,

YESAYA 37:6

i Yesaya nandolokku manga daroloṛṛanna udde iapawal᷊on sasimbakke indi, “Mawu nabbisara, i tuangnga ariete mata'utta maaringikka wisaran manga allangngu ratun Asyur udde manungku Mawu tawe maapallossi ite.

YESAYA 22:16

“Su sunnanu i'o indi isai? Apate hakkanu na'oman sara i'o namaangnga labbingngu su wuiddu watu?

DARALO 74:18

Naungete ereapa seetta mallobbossa Si'o, oh Mawu, manga walahanna apan tawe maillal᷊a Si'o mangngadio'a aran-Nu.

DARALO 74:10

Maddatingngu tingngera, oh Ruata, seetta mangngeetta Si'o? Sarangkal᷊o'engnge i mangitou mallobbossa aran-Nu?

DARALO 44:16

Su al᷊o'engngu allo i ya'u iappasal᷊a, uapasanna asasili wuṛṛu amamea,

DARALO 44:12

I'o namalan kami niṛṛata ere domba, wuṛṛu I'o nanal᷊iawukki yami suwallatu manga walahanna.

MAL᷊AṚṚUUNGNGA 18:3

Napawe sumuttate su wal᷊en udde i mangitou naaringikka umbasannu Lewi udde nabbisara, ne i mangitou naaillal᷊a pabbawisarane. Nariaddi, i mangitou nirumanta ringanni tou wuṛṛu naiwal᷊o, “Anio, i'o isindi? Apa manaranu? Isai nangapiddu isindi?”

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

2 SAMUEL 12:14

Arawe ana waugu i Tuangnga buatte nangal᷊uandaga Mawu ringannu inolaannu udde, ana'i Tuangnga esakka apan wakkute niasungkanga udde sarun nate.”