YESAYA 52:12 - WUKE SUSI WATTI'U AL᷊AL᷊USASSA

¹² I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

YESAYA 52:12 Referans Kwoze

YESAYA 58:8

Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.

TAHIUL᷊E 20:4

Mawu Ruatanu sarun tumantalongnga mantul᷊ungngi yamiu, wuṛṛu i Tou sarun mangonggolu auntunganna si yamiu.’

YESAYA 45:2

“i Ya'u sarun manaddia lal᷊annu; wowone wuṛṛu wuidda sarun Ta'u iratakka, manga ngara witu'a sarun Ta'u pesanganna, wuṛṛu manga papal᷊e atta'a sarun Ta'u paddianna.

MIKHA 2:13

I Ya'u sarun mamu'a lal᷊anna wuṛṛu mangapiddi yamiu sumabbangnga wuassu pamamuanganna. I yamiu sarun manggohakku manga ngara wahewalla wuṛṛu umamatta ringannu tawe singkal᷊one. I Ya'u, Mawu sassane, uddewe Ratunu, wuṛṛu i Ya'u sarun mamiaṛṛa'i yamiu sumabbangnga.”

1 TAWARIKH 14:15

Amungkangu i'o maaringikka ere lempangngu taumata mabbarissa su oto'u manga aaluanna udde, amatte, ana waugu i Ya'u sarun umamatta su saruannu mamaddon tantaran Filistin.”

REENGANNA 10:25

Panginsueanne inaite tantara apan uasirungnga su al᷊ungngu waneṛṛan ammul᷊annu ṛuanganni Dan. I mangitou uddewe mandariaga liuddu anambon ammul᷊anna. I mangitou u'amatta wuntuanna ringannu wuntuanna; i Ahiezer ana'i Amisyadai uapiaṛṛa'u warisannu ṛuanganni Dan.

SASABANGNGA 12:11

Su tempo umanna i yamiu uapeddete peddetu amatanna, ringannu silope su ledda wuṛṛu ta'inna su lima. I yamiu rinone paasaṛṛawutta umanna. Eteudde ramean Paskah ipangadatta si Ya'u, Mawu.

MAL᷊AṚṚUUNGNGA 4:14

Ana see i Debora nabbisara si Barak, “Wette, inaite! Ete Mawu apan mamiaṛangngu. Allo indi i Tou nangonggollu auntunganna si yamiu wuassi Sisera.” Ne i Barak sinumossokke wuassu Wowon Tabor suadio'a ringannu mapul᷊o ṛiwu taumatane,

SASABANGNGA 12:39

I mangitou nallol᷊o roti tawe ragine wuassu taponna apan niapiddi mangitou wuassu Mesir. I mangitou nilimbuaṛṛanna wua isudde ringannu namaṛṛindu'a, na'oman sara tawe naasaddia wal᷊unna.

SASABANGNGA 12:33

Manga taumata Mesir mammata'u taumatan Israel tadea'u paal᷊ihakka manantangngu wanua udde. Unni mangitou, “Yami sarangkanambone sarun mate amungkangu i yamiu tawe inai!”

YESAYA 51:14

Manga atawanna sarun mal᷊ihakke ipallossa; i mangitou sarun tawe asueannu anna, wuṛṛu sarun tawe mate wuṛṛu ilabbinga.

SASABANGNGA 14:8

Atonna Mawu na'ola'a ratu naungnge maattikka, na'oman sara i tou nangenggenna taumatan Israel tatantal᷊anna sulal᷊ummu amatanna manantangngu wanua udde sulal᷊ummu lu'addu Mawu.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

TAHIUL᷊E 16:3

Sasamban Paskah udde ṛinone landinannu roti tawe ragine. Pitu allo al᷊annune i yamiu ṛinone u'anna roti apan tawe ragine, ere lai su tempo i yamiu nanantangngu leta'u Mesir ringannu uasasaṛṛawutta. Ante roti udde, roti apan isassago roti pattataṛṛanga, tadea'u su al᷊o'engngu pabbiaṛṛannu i yamiu maanaungnga allo su tempo i yamiu nanantangngu Mesir, su tampa i yamiu uatataṛṛanga.

YESAYA 26:7

Taumata mapia su lal᷊anna matul᷊idda, ana waugu I'o, Mawu, namu'a lal᷊anni mangitou.

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 49:11

I Ya'u sarun ma'ola'a lal᷊anna sumabbi panenteanna, anambon dal᷊anna wahewalla sarun Ta'u iratakka.

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

YOSUA 4:11

Napawe sarangkanambone na'omate su samba'an sal᷊ukka, manga imam apan uapasanna Wantalu Pa'aire, niumamatta su saruanni mangitou.