YESAYA 52:11 - WUKE SUSI WATTI'U AL᷊AL᷊USASSA

¹¹ Roote! Tantanga'e soan Babel, ei i yamiu apan uaapiddu aola'u wal᷊en Duata! Imbaṛṛangnga mangindinga saranapa tawe waresi, ukkasse watangannu tantal᷊anna taambe umamatta.

YESAYA 52:11 Referans Kwoze

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

EFESUS 5:11

Arie ma'ola'a inolaanna apan tawe gunane apan a'olaannu manga taumata apan mabbiakka su lal᷊ummu araranduma. Arawe ṛinone i yamiu mannualaga inolaanna ereudde. (

YESAYA 1:16

Raddassa watangannu ma'oman sara mawaresi. Illol᷊oa'e anambon al᷊al᷊eo apan a'olaanni yamiu udde. Ore, ariete lai ma'ola'a al᷊al᷊eo,

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

SONDAPPA 18:4

See i ya'u naaringikka tingikka waine wuassu surga nabbisara, “Sabbangke, al᷊aṛṛana-U! Sabbangke wuassu lal᷊umme! Imbaṛṛanga i yamiu tumantalongnga manga rosane, wuṛṛu tumuṛṛutta mamasanna ṛuumanne!

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

ROMA 14:14

Ana waugu i ya'u uaaukke ringannu Mawu Yesus, ne i ya'u mangke mangngimanna manungku tawe saran sambau anna apan maarosa; arawe olangnge udde maarosa sangkatou taumata, amungkangngu taumata udde massunna manungku udde maarosa.

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

WATTI'U MANGA RASUL 10:14

I Petrus sinumimbakka, “Tawe, Mawu! Taambe saran paassa i ya'u inumanna apa ipappalli ara'e ia'arantinna.”

YEHEZKIEL 44:23

Manga imam ṛinone mangaṛṛa'a uma-U tadea'u masingkatta mapaparala suapa apan niṛṛae si Ya'u wuṛṛu suapa tawe, suapa apan waresi tumuṛṛutu agama wuṛṛu suapa apan dal᷊eo.

YEREMIA 51:45

Ana waugu udde pangingkatte wua isudde, ei umattu Israel! Panal᷊amatte watangannu wuassu asasa'u-U apan bahewalla.

YEREMIA 51:6

Panal᷊amatte watangannu! Tal᷊angke wuassu Babel, arie i yamiu lai iapate ana waugu paddarosane! Ana waugu indete tempone i Ya'u mabbal᷊issa al᷊al᷊eon Babel, wuṛṛu makkuumanni tou uasul᷊ungngu inolaanne.

YEREMIA 50:8

Ei uma-U Israel, tal᷊angke watukku Babel! Ete i yamiu apan ṛinone paarorone inai, tadea'u ingana'a waine manantuṛṛutta.

IMAMATTA 11:47

I yamiu wotongnge ma'ellega paṛṛalane wuṛṛu ma'arantinna, su wallatu winatangngu apan botongnge inasanna wuṛṛu winatangnga apan tawe wotongnge inasanna.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

IMAMATTA 11:45

Ete i Ya'u Ruatanu apan nangapiddi yamiu sinumabbangnga wuassu Mesir, tadea'u i Ya'u wotongnge maola'a Ruatanu. Ṛinone i yamiu susi, ana waugu i Ya'u susi.

SASABANGNGA 30:19

Ua'e udde ua'en i Harun wuṛṛu manga anangnge tadea'u i mangitou wotongnge mamaresi lima wuṛṛu ledda

REENGANNA 8:6

“Ṛaea'e manga taumatan Lewi wuassu taumatan Israel waine wuṛṛu amata'e lal᷊aghu pangangukkassa si mangitou

REENGANNA 16:26

I Musa nabbisara su manga taumatan Israel, “Pangingkatte wuassu rasannu manga taumata lal᷊eo indi wuṛṛu imbaṛṛangnga mangeṛṛetta saranapa pussa'a mangitou. Amungkangngu i yamiu tawe maddaringikka, i yamiu sarun pateanna suadio'a ringanni mangitou ana waugu manga rosa mangitou.”

REENGANNA 19:11

Taumata apan nangeṛṛetta asuangnga mabbal᷊i ma'arantinna al᷊annune pitu allo.

REENGANNA 19:16

Suapan taumata apan naeṛṛetannu asuangngu taumata mate pateanna, ara'e nate sassane su wailla, mabbal᷊i ma'arantinna al᷊annune pitu allo. Aroddi lai taumata apan nangeṛṛetta labbingnga ara'e duṛṛi taumata nate.

YESAYA 66:20

Wuassu manga wanua udde i mangitou sarun mangapidda apia manga tuṛṛangngi yamiu sambalahanna maola'a aonggolla si Ya'u. I mangitou sarun mangapiddu manga taumata udde su wui-U apan susi su Yerusalem ringannu uasa'e awal᷊o, keledai wuṛṛu unta, wuṛṛu ringannu kereta see roda, ere inanaramannu taumatan Israel mangngapidda su Wal᷊en Mawu sasamba gandumma sulal᷊ummu tampane apan baresi.

YEREMIA 31:21

Tialaite manga lal᷊anna, pasia'e manga tatialane paddea'e lal᷊anna apan amatannu paarorone. Ei, Israel, apul᷊ete! Apul᷊ete su manga soanu apan dorone.

IMAMATTA 21:6

I tou pussaa-U apan niṛṛae wuṛṛu tawe wotongnge mandal᷊eo arang-Ku. I tou mangonggolu sasamba anna si Ya'u, nariaddi i tou ṛinone susi.

1 TAWARIKH 15:12

I Daud nabbisara si mangitou, “Ete i yamiu indi piaṛṛa'u ṛuanganna sulal᷊ummu ṛuanganni Lewi. Ana waugu udde, i yamiu wuṛṛu manga taumatan Lewi waine ṛinone mapa'ukkassu watanganne tadea'u wotongnge mangingkattu Wantallu Pa'airen Mawu, Ruatan Israel, sutampa apan buatte niriahi'u.

ZAKARIA 2:10

Mawu nabbisara, “Pangantarite ringannu lullala'a ei tumana'u Yerusalem! I ya'u sarun matana'a su pattangngannu!”

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.