1 Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.
Ne mala'ekatta udde nabbisarate su manga mangangimbe su surga, “Rammea'e laubba nallal᷊uhuranna apan ual᷊uṛṛe su taumata indi.” Wuṛṛu si Yosua i tou nabbisara, “Rosanu buatte ta'u niramme, i'o ta'u onggol᷊annu laubba wakku.”
Soa apan dorone satia, orassa indi naalihidda ere sangkatou masandaga! Dorone anambon tumanangnge matul᷊idda wuṛṛu tawe awusune, arawe orassa indi niatana'ante manga taṛṛa pate.
Manga piaṛṛa'a namanuate su Yerusalem wuṛṛu tumana'a nandammen undi ipamile sambau amonanna wuassu suapan mapul᷊o amonanna apan ṛinone matana'a su soa susi Yerusalem. Apan tawe niapile wotongnge matana'a su manga soa waine.
Arawe iamangnge namago manga mangangimbene wuṛṛu nabbisara, ‘Paal᷊ihakka! Panganu laubba apianne, wuṛṛu luṛṛea'e si tou. Luṛṛea'a lai sinsingnga su tal᷊imadone, wuṛṛu sapatu su leddane.
Mawu Apan Lembontaṛṛino, Ruatan Israel nabbisara, “Napawe uma-U buatte Ta'u niola'a tumelengnga ere dorone, ne su wanua Yehuda wuṛṛu su manga ampungnge sarun aringiṛṛanna apia taumata mabbisara, ‘Antimanna Mawu mangal᷊amatta wuidda susi su Yerusalem tampa atatanaanna apan niṛṛae si Tou.’
I yamiu lau sarun Ta'u onggol᷊annu manga mallaṛṛuungnga wuṛṛu manga manananantiro ere dorone. Ne Yerusalem sarun isaggo soa apan matul᷊idda wuṛṛu satia.”
Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.
“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.