YESAYA 51:8 - WUKE SUSI WATTI'U AL᷊AL᷊USASSA

⁸ I mangitou sarun mate wuṛṛu mawul᷊i, naal᷊ihidda laubba niannu wa'u'a wuṛṛu mal᷊aṛṛenessa wambul᷊un domba niannu wa'u'a. Arawe asasal᷊amatta apan Ta'u nionggolla sidutu sarangkal᷊o'enge, auntungang-Ku uata'a sara maṛṛana'a mappulunna.”

YESAYA 51:8 Referans Kwoze

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

YESAYA 50:9

Atonna, Mawu Apan Atanggaṛṛanne mannamba'a si ya'u, isai waṛṛani mabbisara manungku i ya'u nassal᷊a? Sarangkanambone apan mangngansilla si ya'u sarun mawul᷊i naal᷊ihidda laṛṛeme niannu wa'u'a.

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.

HOSEA 5:12

Ana waugu udde i Ya'u sarun makkimunsa'a walahannu Israel, wuṛṛu mamate taumatan Yehuda.

YESAYA 66:24

Sutempo umamatte, i mangitou sarun maasilo winal᷊unannu manga taumata apan buatte nilumawangnga si Ya'u. Ul᷊idda apan u'inassa winal᷊unanni mangitou sarun tawe mate, wuṛṛu putungnga apan mannoṛṛobba si mangitou tawe mappadumma; sambau inolaanna aellehanna apan maata'utta su anambon taumata.”

AYUB 4:19

Nangillembote lai riadianna sussangngo wuassu leta'a riadianna awu apan wotongnge passu'anna itaddilla ere wa'u'a!

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

AYUB 13:28

Ne i ya'u nabbal᷊i maṛṛattu ere alu apan naṛṛenessa; naal᷊ihidda mal᷊aṛṛenessa niannu wa'u'a i ya'u nabbal᷊i ṛenessa.

YESAYA 14:11

Dorone i'o wabbantuhannu musikku kecapi, arawe orassa indi i'o su tampaten araratuannu runian taumata nate. Manga ul᷊idda maola'a lallowangannu wuṛṛu oa'a maola'a tatimbuṛṛunnu!’

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

YESAYA 54:9

“Ere sutempo i Nuh i Ya'u maddiandi manungku manawangnga wahewalla tate lai mangammon dunia, aroddi lai orassa indi Ya'u maddiandi manungku i Ya'u tate masa'u ara'e mamansaggi yamiu apia.