YESAYA 51:7 - WUKE SUSI WATTI'U AL᷊AL᷊USASSA

⁷ Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

YESAYA 51:7 Referans Kwoze

DARALO 37:31

Titan Ruatane sasahipunanna sulal᷊ummu naungnge, i tou tawe sumewadda tita udde.

MATIUS 5:11

Lal᷊umanna'a si yamin amungkangngu iapaasal᷊a, sassansaranna, wuṛṛu aaddio'anna ana waugu i Ya'u.

YEHEZKIEL 2:6

Arawe i'o, ei taumata apan mattate, arie mata'uttu manga lumal᷊awangnga udde, ara'e manga apa apan iwisara mangitou. I mangitou sarun lumawangnga wuṛṛu mangadio'a si'o, na'oman sara ereola'u i'o mabbiakka su pattangngannu kalajengkinga. Salaiwe aroddi, arie paata'utta.

1 PETRUS 4:14

I yamiu naauntungnga amungkangu i yamiu aal᷊uandahanna ana waugu i yamiu mallal᷊aṛṛenggenni Kristus. Udde atappasanne Ghaṛṛaho apan mawantuga, eteudde Ghaṛṛahon Duata udde sulal᷊ummu naungngu.

YESAYA 51:1

Mawu nabbisara, “Paddaringikke si Ya'u, ei i yamiu apan mappulu iapasal᷊amatta wuṛṛu rantate ringang-Ku paddorongnga aontolla. Naungete wowone watu wuassuapa i yamiu nipaangnga, wuṛṛu ma'al᷊i watu wuassuapa i yamiu nial᷊i.

1 PETRUS 4:4

Orassa indi taumata apan tawe maaillal᷊a Mawu, tinumiangnga manungku i yamiu tawe nabbiakka ere i mangitou, ma'ola'a rosa walate apulune. Ana waugu udde i mangitou mangngal᷊uandaga si yamiu.

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

2 KORINTUS 3:3

I mangitou sassane wotongnge maasilo manungku tuṛṛangnga naola'a suratta apan niwoṛṛetti Kristus, wuṛṛu niapaapidda si yami. Suratta udde wal᷊ine niwoṛṛettu tinta, arawe ringannu Ghaṛṛahon Duata apan wiakka; wal᷊ine lai su wowon batu pamamoṛṛetanna, arawe sulal᷊ummu naungngu taumata.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

DARALO 40:8

Ana see i ya'u nabbisara, “Indete i ya'u, sulal᷊ummu lul᷊unnu wuke niwoṛetta si ya'u.

IBRANI 10:16

“ ‘Ete indi pa'aire apan sarun olaang-Ku ringanni mangitou miallo-miallo apan sarun rumanta’, unnu wisara Mawu, ‘I Ya'u sarun mantaṛṛon tita-U sulal᷊ummu naungngi mangitou, wuṛṛu mamoṛṛettu tita udde su lal᷊ummu ṛingiṛṛanni mangitou.’ ”

FILIPI 3:10

Tumba'u sambau apan ipaapulu'u eteudde tadea'u i ya'u maaillal᷊a si Kristus, wuṛṛu maapendamma taṛṛino apan napaawiakki Tou wuassu papate. I ya'u maapulu matataṛṛanga suaddio'a ringanni Tou wuṛṛu maola'a uasul᷊ungnga ere i Tou su ola'u papate-Ne.

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 54:4

Arie pa'ata'utta, i'o sarun tawe pansilianna; tawe aal᷊uandahanna wuṛṛu tappissi'anna. I'o sarun maabul᷊i lal᷊awangngu sutempo ta'e dario'a; tate mannaungnga lai mabbiakka sassane ere inawal᷊uanna.

TAHIUL᷊E 6:6

Imbaṛṛangnga saran paassa ma'abul᷊i manga parenta-Ne apan ta'u nionggola si yamiu allo indi.

YESAYA 37:6

i Yesaya nandolokku manga daroloṛṛanna udde iapawal᷊on sasimbakke indi, “Mawu nabbisara, i tuangnga ariete mata'utta maaringikka wisaran manga allangngu ratun Asyur udde manungku Mawu tawe maapallossi ite.