YESAYA 51:2 - WUKE SUSI WATTI'U AL᷊AL᷊USASSA

² Naungete iupungngu al᷊amonanu i Abraham wuṛṛu i Sara apan nanungkangngi yamiu; sutempo i Ya'u namaggo si Abraham, i tou tawe ana'a; wua'udde i Ya'u nangal᷊amatta si tou wuṛṛu Ta'u nionggol᷊annu pallaṛṛite apan manambo.

YESAYA 51:2 Referans Kwoze

YEHEZKIEL 33:24

“Ei taumata apan mattate, manga taumata apan uatana'a su winalal᷊annu manga soa su leta'u Israel mabbisara, ‘i Abraham naasomba ahewallu leta'a indi, sumbal᷊i i tou tumba'u sangkatou. I ite indi manambo reenganne, nariaddi leta'a indi mabbal᷊i pussa'ang kite.’ ”

YESAYA 29:22

Ana waugu udde Mawu, Ruatan Israel apan namallossi Abraham, orassa indi nabbisara, “Pabbawala-U, i yamiu tate lobbosanna lai wuṛṛu hatinu tate mamillossa lai ana waugu massili.

PANDARIADDI 24:35

Mawu lembon nangal᷊amatta mawu'u udde wuṛṛu na'ola'a si tou ala manasai. Mawu buatte nangonggollu manambo domba, ambinga, sapi, unta, keledai, wuṛṛu lai sal᷊a'a, wul᷊awanna, see allangnga esakka wuṛṛu wawine.

PANDARIADDI 24:1

I Abraham timmadete atonna, wuṛṛu i tou nial᷊amatannu Mawu sulal᷊ummu al᷊awo'u manara.

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

YOSUA 24:3

Ana see i Ya'u mangal᷊appa si Abraham, iamangngu al᷊amonanu udde, wuassu wanua su samba'an Efrat udde, wuṛṛu nandolokki tou namal᷊intaddu ahewallu wanua Kanaan. I Ya'u nangonggolu manambo papapulunna si tou. Paarorone i Ishak Ta'u nionggola si tou,

TAHIUL᷊E 1:10

Mawu Ruatanu buatte na'ola'a reengannu a'atambana anambone ere anumpitanna su langitta.

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

YESAYA 43:27

Iupungngu al᷊amonanu paarorone buatte na'ola'a rosa, manga piaṛṛangngu buatte namangalo si Ya'u,

YESAYA 60:22

Ewe'e lai amonanna apan addio'a wuṛṛu masa'ina sarun mabbal᷊i walahanna apan bahewalla wuṛṛu matohassa. I Ya'u Mawu sarun mal᷊ihakke mammanara sutempo apan na'etta'a ara'e natantunna.”

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

TAHIUL᷊E 26:5

Wua'udde su saruannu Mawu Ruatanu, i'o ṛinone mabbisara manga wisara indi: ‘Oh Mawu, iupungngu al᷊amona'u sangkatou taumatan Aram apan lullalele. I tou nangapiddu amonanne watukku Mesir natana'a poiaroddi ere tumatal᷊angnga. Su tempo inai poiaroddi reenganni mangitou tumba'u addio'a, arawe i mangitou naola'a walahanna apan bahewalla wuṛṛu matohassa.

YESAYA 48:1

Paddaringikke, ei papapulunni Yakub, papapulunni Yehuda apan mappa'attu arannu Israel, naudde i'o mangnga'u Ruatan Israel, wuṛṛu massalu ringannu arannu Mawu. Arawe manga wisaranu udde tawe suṛṛinone.