YESAYA 51:16 - WUKE SUSI WATTI'U AL᷊AL᷊USASSA

¹⁶ Ete i Ya'u apan namilattu langitta wuṛṛu nangaddon manga mal᷊ita'u runia. Ya'u nabbisara si Sion: Ete i'o uma-U; i Ya'u mangonggollu al᷊aṛṛa-U si'o wuṛṛu manillumma si'o ringannu taṛṛino-U.”

YESAYA 51:16 Referans Kwoze

YESAYA 59:21

I Ya'u nakkiinnu pa'aire ringanni yamiu: I yamiu onggol᷊annu taṛṛino-U wuṛṛu al᷊aṛṛa-U saran mal᷊annu-l᷊annu. Ara'e lai ionggolla su manga anangngu tadea'u i mangitou lai wotongnge mangaṛṛa'u udde su ana'a pulunne orassa indi maddatingngu saran mal᷊annu-l᷊annu.”

YESAYA 49:2

I Tou na'ola'a manga wisara'u aṛṛorone ere hal᷊ele, ringannu lima-Ne sassa i Tou mallindumma si ya'u. I Tou na'ola'a si ya'u ere anaanna apan niasa, wuṛṛu sinahipunna sulal᷊ummu lallutta tadea'u nasaddiate ipaatta.

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

TAHIUL᷊E 18:18

Wuassu walahanni mangitou sassane i Ya'u sarun mandolokka inai ringanni mangitou sangkatou nabi ere lai i'o. I Ya'u sarun mamasingkatta si tou apa apan ṛinone iwisarane, ana see i tou sarun mamasingkatta su walahanna udde apa apan Ta'u nirolokka.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YESAYA 66:22

Naal᷊ihidda langitta wakku wuṛṛu runia wakku sarun matatana'a ana waugu taṛṛino-U, aroddi lai pallaṛṛitenu wuṛṛu arannu sarun sidutu matatana'a.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

YESAYA 48:13

Lima-U nangaddon mal᷊ita'u runia wuṛṛu namil᷊attu winalanganna. Napawe i Ya'u mamaggo aranne, ringannu mal᷊ihakka i mangitou rumanta.

2 PETRUS 3:13

Arawe i ite uaṛṛaddo apa apan suete pina'iren Duata, eteudde langitta wakku wuṛṛu runia wakku, isudde mangke pia atatul᷊idda.

YESAYA 65:17

Mawu nabbisara, “I Ya'u sarun mandiaddi langitta apan bakku wuṛṛu runia apan bakku. Manga riaddianna tempon dorone sarun timbul᷊iananna wuṛṛu tate naunganna lai.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

DARALO 92:13

Taumata matul᷊idda mattumballa ere alu kurma, wuṛṛu tumuwo masuwukka ere alu cemaran Libanon.

TAHIUL᷊E 33:27

Ruata sarangkal᷊o'engnge mabbal᷊i mallal᷊u'addi yamiu, ta'iakku Ruata saran mal᷊annu-l᷊annu ua'ehetta si yamiu. I Tou nallimbuakka seetta wuassu saruannu wuṛṛu i yamiu nirolokka niapapate si mangitou.

SASABANGNGA 33:22

Su tempo semakku daranta-U sumabbi, i'o Ta'u itaṛṛo su sulal᷊ummu sambau loṛṛangngu wuidda watu udde wuṛṛu Ta'u sappingannu lima-U ma'oman sara i Ya'u sinumabbite.

SONDAPPA 1:1

Lal᷊oṛṛon wuke indi mabatti'a su ola'u apa apan suete niapaal᷊iatta'u Mawu Yesus su ola'u manga arariaddianna apan sarun mariaddi. Ruata namasingkata Mawu Yesus tadea'u i Tou mamasingkata su manga allangngu Ruata, apa apan ṛinone mal᷊ihakke mariaddi. Kristus nandolokku mala'ekan-Ne si Yohanes, allang-Nge, iapapasingkatu manga arariaddianna udde si tou.

ZAKARIA 8:8

wuṛṛu mangapiddi mangitou mabbelengnga wuassu ra'i wuṛṛu wuassu waṛṛatta, ma'oman sara i mangitou matana'a su Yerusalem apia. I mangitou sarun mabbal᷊i uma-U wuṛṛu i Ya'u Ruatan mangitou. I Ya'u sarun mamarenta si mangitou ringannu satia wuṛṛu atatul᷊idda.”

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

YESAYA 60:21

Tumana'u soanu mammanara ringannu ṛinone, i mangitou sarun manahuanna wanua saran mal᷊annu-l᷊annu. I mangitou naal᷊ihidda ranna cangkokka apan nisuang-Ku sassane, tadea'u mapal᷊iatta'u awawantu-U.

YESAYA 45:18

Ete Mawu apan nandiaddi langitta, Ete i Tou Ruata! Ete i Tou nandiaddi wuṛṛu namungkangu runia, niola'a matohassa wuṛṛu sidutu uarisikka. I tou tawe na'ola'a sambau tampa apan mal᷊anna-l᷊annaba, arawe tampa apan atatanaanna. Ete i Tou apan nabbisara, “Ete i Ya'u Mawu, wuṛṛu taweddu bal᷊ine.

DARALO 75:3

Ruata nabbisara, “Sutempo apan Ta'u nitantunna, i Ya'u sarun makkungnga ringannu atatul᷊idda.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

SASABANGNGA 4:15

Paggahattoten tou wuṛṛu wal᷊oa'a si tou apa apan ṛinone iwisarane. I Ya'u sarun mantul᷊ungngi raddua wuṛṛu mangaṛṛa'u apa apan ṛinone iwisara wuṛṛu olaanni raddua.

DARALO 91:4

I Tou sarun massirungnga si'o ringannu papaiddu Mawu, na'oman sara i'o mal᷊angnganna su al᷊ung-Nge; apapia-Ne naal᷊ihidda allungnga apan uasirungnga si'o.

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

YEREMIA 1:9

Wua'udde Mawu nangul᷊ukku lima-Ne, wuṛṛu namita moṛṛongku see nabbisara, “Paddaringikke wuṛṛu al᷊iata'e manga wisara apan Ta'u niapasingkatta indi.

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.