YESAYA 51:15 - WUKE SUSI WATTI'U AL᷊AL᷊USASSA

¹⁵ Ana waugu ete i Ya'u Mawu Ruatanu, apan napatandi'u tahal᷊oangnga na'oman sara luangnge ruddapa. Apan Lembontaṛṛino uddewe arang-Ku.

YESAYA 51:15 Referans Kwoze

YEREMIA 31:35

Matannallo nisaddia Mawu ipanemakka allo; wul᷊anna wuṛṛu manga anumpitanna ipannemakka ṛabbi. Tahal᷊oangnga niongkene na'oman sara nallua'a, Mawu Apan Lembontaṛṛino, uddewe aranne.

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YESAYA 47:4

Ruata na'ukkassa su Israel namallossi ite, aran-Ne Mawu Apan Lembontaṛṛino.

DARALO 136:13

Tahal᷊oangngu Gelagah niwa'a-Ne; darangngu-Ne tawe panguddusanne;

DARALO 74:13

Ringannu atatohassa apan wahewalla I'o nama'a tahal᷊oangnga, wuṛṛu namesangnga puan manga naga su tahal᷊oangnga.

YESAYA 48:2

Salaiwe aroddi, i'o mangnga'u ringannu mal᷊uassa manungku i'o tumana'u soa na'ukkassa; wuṛṛu manungku i'o uaantimma Ruatan Israel apan isassaggo Mawu Apan Lembontaṛṛino.

AYUB 26:12

Tahal᷊oangnga uasuṛṛubbawa su taṛṛino-Ne wuṛṛu i Rahab nipuullu asingkan-Ne.

NEHEMIA 9:11

Su ipa'ola'a lal᷊anna hunan uman-Nu, tahal᷊oangnga niwaa-Nu; I'o nal᷊ium mangitou niapaamattu wantan tahal᷊oangnga apan masabbu. Manga mangangenggene nawul᷊ussa sulal᷊umme, ua'e apan mal᷊al᷊umma, naal᷊ihidda watu apan nawontolla su tahal᷊oangnga apan maata'utta.

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

DARALO 107:25

Wuassu parenta-Ne tinumiuppe anginna al᷊isusu wuṛṛu tahal᷊oangnga nattandi'e.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YEREMIA 51:5

I Ya'u, Mawu, Ruata Apan Lembontaṛṛino, Ruata Israel susi, sarun tawe manantangu Israel wuṛṛu Yehuda, salaiwe i mangitou buatte na'ola'a rosa su saruang-Ku.