YESAYA 51:12 - WUKE SUSI WATTI'U AL᷊AL᷊USASSA

¹² Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YESAYA 51:12 Referans Kwoze

DARALO 118:6

I ya'u tawe mata'utta ana waugu Mawu uarundinganna si ya'u, taumata tawe maal᷊ore su saruangku.

1 PETRUS 1:24

Sulal᷊ummu Wuke Susi uawoṛṛetta arendi, “Anambon walahannu taumata ere nannal᷊o, wuṛṛu ahewallu awawantu-Ge ere wungan nannal᷊o. Nannal᷊o tinumolangnga, wungane lai natontonga;

YESAYA 2:22

Nariaddi, ariete pangantimma su taumata apan mattate, ana waugu i tou tawe aregane.

YOHANES 14:18

I yamiu tawe itantang-Ku sassane ere asisi tim pal᷊ussa. I Ya'u sarun mabelengnga ringanni yamiu.

YESAYA 66:13

I Ya'u sarun malluassa si yamiu su Yerusalem, ere sangkatou inangnga mallimbatta anangnge.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

AMSAL 29:26

Manambo taumata apan maddea'a aranna su tembonanne, arawe mangonggollu atatul᷊idda tumba'u Mawu sassane.

DARALO 146:4

Amungkangu i mangitou mate, i mangitou mabbelengnga su leta'a; allo udde lai anambon hol᷊agi mangitou mawul᷊i.

DARALO 92:7

Taumata woddo tawe maasunna, taumata longonna maaṛṛingidda.

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

1 SAMUEL 15:24

Naaringikka udde i Saul nanga'u si Samuel, wisarane, “Atonna ya'u buatte na'ola'a rosa. I ya'u nilumawangke parentan Mawu wuṛṛu tawe naddaringikka tatantiron Papa. I ya'u matta'uttu tantara'u, ana see ya'u nangutungngu darorongngi mangitou.

2 MARARATU 1:15

Su orassa udde lai mala'ekattu Mawu nabbisarate si Elia, “Arie pa'ata'utta! Tantalongke si tou sumossokka wuassu wuidda indi.” Ana waugu udde i Elia inaite suadio'a ringannu tembonannu tantara udde inaite ringannu ratu.

YESAYA 40:1

Etearendi wisaran Duatanu, “Liwuṛṛewe, liwuṛṛete pabbawala-U!

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 57:11

Mawu nabbisara, “Isaite manga monganna udde apan naaola'a si yamiu matta'utta, na'oman sara i yamiu mangngawusu wuṛṛu tate mannaungnga si Ya'u? Apa i yamiu tate massubba si Ya'u lai ana waugu i Ya'u tumanite mal᷊annu uatine?

YEREMIA 38:19

Ratu sinumimbakka, “I ya'u matta'uttu manga taumatan balahanni ite apan buatte tinumal᷊angnga ringannu taumatan Babel. Aṛṛengenne i ya'u itantilla si mangitou wuṛṛu sansaranna.”

YEHEZKIEL 2:6

Arawe i'o, ei taumata apan mattate, arie mata'uttu manga lumal᷊awangnga udde, ara'e manga apa apan iwisara mangitou. I mangitou sarun lumawangnga wuṛṛu mangadio'a si'o, na'oman sara ereola'u i'o mabbiakka su pattangngannu kalajengkinga. Salaiwe aroddi, arie paata'utta.

1 SAMUEL 17:11

Napawe i Saul wuṛṛu manga taumatane naaringikka wawansaga udde, i mangitou niṛṛumoro nabbal᷊i matta'utta.

1 SAMUEL 21:13

Ana waugu udde, su saruannu awadaalla i Daud namahia wewa. Sutempo i mangitou maannamma manaṛṛangnga, i tou ere ola'u tawe ṛingiranna; i tou mangngaṛṛudda ngaran soa wuṛṛu namalan luṛṛone mangngelekka su omengnge.

YESAYA 8:12

“Arie massunna komplotanna apan aellehanni mangitou komplotanna, wuṛṛu arie mata'uttu manga inolaanna apan iaata'utti mangitou.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;