YESAYA 51:11 - WUKE SUSI WATTI'U AL᷊AL᷊USASSA

¹¹ Ne manga taumata apan nipallossu Mawu sarun mapul᷊e i mangitou sumuttate su Yerusalem ringannu paggahahio hati mangitou matilangnga ana waugu al᷊al᷊uassa tutune. I mangitou lulluassa wuṛṛu lullala'a, asasusa wuṛṛu sasal᷊iomanna mangke nawul᷊ite.

YESAYA 51:11 Referans Kwoze

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

SONDAPPA 22:3

Sulal᷊ummu soa udde tawe saran sambau sarannapa apan niaṛṛinoannu wontogu Ruata. Adderan araratuannu Ruata wuṛṛu Ana'u Domba udde sarun iaddo sulal᷊ummu soa udde. Manga allang-Nge sarun mattaṛṛamawu si Tou,

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

SONDAPPA 21:1

See i ya'u naasilo langitta apan bakku wuṛṛu runia wakku. Langitta paarorone wuṛṛu runia paarorone nawul᷊ite, wuṛṛu tahal᷊oangnga lai nawul᷊i.

DARALO 126:5

Antimanna taumata apan mangngasi'a lapiddu lulluai, mangitingnga ringannu hio lulluassa.

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

YESAYA 55:12

I yamiu sarun manantangngu Babel ringannu al᷊al᷊uassa, wuṛṛu iuntudda sumabbangnga ringannu sal᷊amatta. Wowone wuṛṛu wuidda sarun lumuassa wuṛṛu maggio, manga aal᷊uanna su wawail᷊anna mattal᷊o'appu lima.

YESAYA 65:14

Mangke atonna, i mangitou sarun lumala'u al᷊al᷊uassa, arawe i yamiu lumuai ringannu sussangitta.

YEREMIA 31:13

Sutempo udde manga maṛṛuala sarun massal᷊aingnga ringannu naungnga mal᷊uassa. Timmadde wuṛṛu dario'a suadio'a lullala'a, ana waugu i Ya'u sarun malluassa naungngi mangitou. Asasusa mangitou Ta'u wal᷊uanna maola'a al᷊al᷊uassa, lal᷊uai mangitou Ta'u wal᷊uanna mabbal᷊i lal᷊umanna'a.

DARALO 126:2

I ite sidutu lullage wuṛṛu mangngantari lullala'a na'oman sara manga walahanna waine mabbisara, “Mawu buatte na'ola'a inolaanna apan wahewalla si mangitou!”