YESAYA 51:10 - WUKE SUSI WATTI'U AL᷊AL᷊USASSA

¹⁰ I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YESAYA 51:10 Referans Kwoze

YESAYA 43:16

Mawu buatte na'ola'a sambau lal᷊anna sumabbi tahal᷊oangnga, sumabbi ua'e apan matandi'a.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

SASABANGNGA 15:13

I'o nangehetta walahanna apan buatte niapasal᷊amatta indi, ana waugu I'o uanaungnga pa'aire-Nu. Ringannu atatohassa apan bahewalla i mangitou sasirungan-Nu, wuṛṛu niehen-Nu watukku leta'a apan susi.

YESAYA 42:15

Wowone wuṛṛu wuidda sarun Ta'u olaanna lol᷊okka, anambon sasuanne Ta'u iapatolangnga. Manga wawal᷊annu sal᷊ukka Ta'u wal᷊uanna mabbal᷊i wadda'u anne, anambon dano Ta'u olaanna mamara.

DARALO 74:13

Ringannu atatohassa apan wahewalla I'o nama'a tahal᷊oangnga, wuṛṛu namesangnga puan manga naga su tahal᷊oangnga.

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.

DARALO 106:9

Wuassu parenta-Ne Tahal᷊oangngu Gelagah namara, i Tou nangapiddu al᷊aṛṛanang-Nge niumamatta su tahal᷊oangnga, ere u'amatta su wadda'a.

DARALO 106:10

Ringannu aroddi i Tou nangal᷊amatta si mangitou wuassu ro'appa, i Tou namallossi mangitou wuassu taṛṛinon seetta.

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

YESAYA 11:16

Su uman-Ne lambene sarun pia dal᷊anna mal᷊oangnga tadea'u maasabbangnga wuassu Asyur, naal᷊ihidda sutempo Israel sinumabbangnga wuassu Mesir.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

YESAYA 35:9

Su tampa udde tawe singa, ara'e winatangnga mal᷊aṛṛaga waine. Manga taumata apan nisal᷊amattu Mawu sarun umamatta poiaroddi.

YESAYA 62:12

I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

ZAKARIA 10:11

Napawe i mangitou tumumbe tahal᷊oangngu asasusa, i Ya'u, Mawu sarun mamuulla manga lua'a; ne ṛanassu Sal᷊ukku Nil mabbali mamara-mara. Walahannu Asyur apan mawunga sarun iapawawo, wuṛṛu Mesir apan matohassa sarun iapawul᷊i taṛṛinone.

SASABANGNGA 14:29

Arawe su tempo taumatan Israel malliu tahal᷊oangnga, i mangitou u'amatta su wantane apan mamara, wuṛṛu ua'e naola'a darandungnga su aikkatanna wuṛṛu su aiṛṛine.

YESAYA 35:10

Manga taumata apan nipallossu Mawu sarun mapul᷊e; i mangitou sumuttate soan Yerusalem ringannu u'ui, hati mangitou matilangnga ana waugu lal᷊umanna'a awasa. I mangitou sarun lumuassa wuṛṛu lumala'a; asasusa wuṛṛu sasal᷊iomanna mangke nawul᷊ite.

MIKHA 7:15

Pa'ola'a al᷊aṛṛindu'a si yami, oh Mawu, ere buatte niolang-Ngu dorone sutempo I'o nangapiddi yami sinumabbangnga wuassu Mesir.