YESAYA 51:1 - WUKE SUSI WATTI'U AL᷊AL᷊USASSA

¹ Mawu nabbisara, “Paddaringikke si Ya'u, ei i yamiu apan mappulu iapasal᷊amatta wuṛṛu rantate ringang-Ku paddorongnga aontolla. Naungete wowone watu wuassuapa i yamiu nipaangnga, wuṛṛu ma'al᷊i watu wuassuapa i yamiu nial᷊i.

YESAYA 51:1 Referans Kwoze

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

DARALO 94:15

Ne tita sarun iapaamatta apia su pallaṛṛuungnga, anambon taumata matul᷊idda sarun maapulun tita udde.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

YESAYA 48:12

Mawu nabbisara, “Paddaringikke Israel, umatta apan niwagoang-Ku, i Ya'u sidutu Ruatanu. Ete i Ya'u paarorone, wuṛṛu i Ya'u lai panguddusanne.

2 TIMOTIUS 2:22

Pangindau manga lal᷊umanna'u taumata dario'a. Pabbiakke tumuṛṛuttu apulun Duata, paatuṛṛutta su al᷊aṛṛang-Nge wuṛṛu paarangngu taumata sansul᷊unga, wuṛṛu pia atatammudu naungnga. Pabbiakke aroddi suadio'a ringanni mangitou apan sussal᷊ande madorongnga tul᷊unganna su Mawu ringannu naungnga waresi.

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

AMSAL 21:21

Isai mattinsahadda tadea'u atatul᷊idda wuṛṛu darangngu iapaamatta, sarun maasomba lal᷊umanna'a, aaddatta wuṛṛu uukka mal᷊o'engnga.

AMSAL 15:9

Mawu maddantinnu ola'u wiakku taumata marosa, arawe i Tou u'akkannu taumata apan mattinsahadda tuttuṛṛutta apulu-Ne.

1 TIMOTIUS 6:11

Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

FILIPI 3:13

Natantuna, manga tuṛṛangnga, atonna i ya'u tawe naapendamma manungku i ya'u suete naapangaṛṛo aonggola udde. Arawe pia sambau apan ta'u olaanna, eteudde timbul᷊ianante apa apan su liu'u wuṛṛu mangke mattinsahadde tadea'u maasomba apa su saruangku.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

MATIUS 5:6

Lal᷊umanna'a su taumata apan sidutu ma'ola'a apulun Ruata; Ruata sarun manuungngu apulu mangitou!

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

DARALO 24:6

Etearoddi taumata apan rumanta sumaruanna Ruata, apan rumanta massubba Ruatan Yakub.

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

YESAYA 51:4

Panutukke tingi-U, ei pabbawala-U, paddaringikke manga wisara-U, ei uma-U. I Ya'u nangongollu al᷊aṛṛa-U su manga walahanna, manga tita-U sarun manualaga si mangitou.

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

YESAYA 65:10

Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 TAWARIKH 15:4

Arawe sutempo i mangitou sulal᷊ummu asasusa, i mangitou ma'iontolla su Mawu Ruatan Israel. I mangitou naddorongnga tatantiro-Ne ne i Tou nangonggola.

YESAYA 48:1

Paddaringikke, ei papapulunni Yakub, papapulunni Yehuda apan mappa'attu arannu Israel, naudde i'o mangnga'u Ruatan Israel, wuṛṛu massalu ringannu arannu Mawu. Arawe manga wisaranu udde tawe suṛṛinone.