YESAYA 50:8 - WUKE SUSI WATTI'U AL᷊AL᷊USASSA

⁸ Ana waugu Ruata marani, i Tou namasingkatta i ya'u tawe sal᷊ane. Isaite apan maapulu matatiakka ringangku? Wette i ite rumante suadio'a. Isaite apan lumawangnga si ya'u? Doloṛṛa'e i tou mangundani'u.

YESAYA 50:8 Referans Kwoze

SONDAPPA 12:10

See i ya'u naaringikka tingikka apan ma'ikkatta su surga mabbisara, “Ete orassa indi tempone Ruata manal᷊amatta pabbawala-Ge! Orassa indi Ruata napaal᷊iatta'u taṛṛino-Ne ere sangkatou Ratu! Orassa indi Ratum Punnu Sal᷊amatta apan suete pina'ire udde suete napaal᷊iatta'u taṛṛino-Ne! Ana waugu apan nangansila manga tuṛṛangi ite su saruannu Ruata, allo wuṛṛu ṛabbi, suete niapaasabbanga wuassu surga.

YESAYA 41:1

Wisaran Duata, “Paal᷊annabe wuṛṛu paddaringikke si Ya'u, ei tumana'u manga wanua apan marau. Panaddiate rumanta ringannu mallaṛṛuunga, inaite wuṛṛu apira'e hattonu. Wette i ite makkuungnga su sambau, ipakkawessu tanne isai naṛṛino wuṛṛu isai nassal᷊a.

YESAYA 43:26

Paanaungete i Ya'u, wette i ite inaite su mallaṛṛuunga, alaea'e hattonu tadea'u lumiatta'a manungku i'o ṛinone.

YESAYA 41:21

Mawu, ratun Israel, nabbisara su manga monganna, “Alaea'e hattonu, pasabbanga'e manga wisara tatahekke!

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

MATIUS 5:25

Amungkangngu pia taumata mangalaeng kamiu su mallaṛṛuungnga, paddameten tou tal᷊abe ta'e pia tempone, tantal᷊anna taambe na'oma su mallaṛṛuungnga. Amungkangngu tawe, taumata udde sarun manantilli yamiu su mallaṛṛuungnga apan manantilli yamiu su polisi. See polisi sarun mapaasuttang kamiu sulal᷊ummu tuttupanna.

TAHIUL᷊E 19:17

itarua ṛinone inai su tampan pattataṛṛamawuanna apan tinantunnu Mawu, tadea'u parikisannu manga imam, wuṛṛu mallaṛṛuungnga apan mammanara orassa udde.

SASABANGNGA 22:9

Sulal᷊ummu al᷊awo'u pattatatiakka su ola'u darotongnga, mawae ete sapi, keledai, domba, laubba ara'e al᷊awo'a apan nawul᷊i ana see niasombanganna apia, manga taumata apan nanga'u naola'a tatahuanne ṛinone iapidda su tampan patataṛṛamawuanna. Taumata apan nita'en Duata nassal᷊a, ṛinone mamaekka paarua anambone su tatahuanne.

AYUB 13:19

Mawu, napawe I'o rumanta wuṛṛu mangansilla si ya'u, i ya'u uatinnanangnga wuṛṛu uaṛṛaddo papate'u.

DARALO 119:151

Arawe I'o marani, oh Mawu, al᷊awo'u parenta-Nu naṛṛino.

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

YESAYA 45:25

Arawe papapulunni Yakub sarun iapaasal᷊amatta, wuṛṛu i mangitou sarun maddalo si Ya'u, Mawu.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.