YESAYA 50:4 - WUKE SUSI WATTI'U AL᷊AL᷊USASSA

⁴ Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

YESAYA 50:4 Referans Kwoze

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

YEREMIA 1:9

Wua'udde Mawu nangul᷊ukku lima-Ne, wuṛṛu namita moṛṛongku see nabbisara, “Paddaringikke wuṛṛu al᷊iata'e manga wisara apan Ta'u niapasingkatta indi.

AMSAL 25:11

Addapatta apan niwisara naṛṛino sutempone naal᷊ihidda wuan bul᷊awanna su lal᷊ummu lama'a sal᷊a'a.

AMSAL 15:23

Manga wisara apan niwisara naṛṛino sutempone, mandantan al᷊al᷊uassa.

DARALO 119:147

Marua allo i ya'u napu'o wuṛṛu sussal᷊ande ma'iontola; i ya'u uaantimma su paaire-Nu.

DARALO 143:8

Suapan marua allo i ya'u paanaungaawe darangngu-Nu, ana waugu ete Si'o i ya'u uaantimma. Pantingiraawe si ya'u lal᷊anna apan ta'u amatanna, ana waugu ete Si'o i ya'u umal᷊iomanna.

DARALO 5:3

Daringiṛewe sasal᷊ande'u wuṛṛu ontol᷊ewe i ya'u, oh Ratu'u wuṛṛu Ruata'u.

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”

MATIUS 13:54

see nabelengke su wanua-Ne. Poi sindi i Tou mangngaṛṛa'a su wal᷊em pattataṛṛamawuanna, wuṛṛu manga taumata apan maddaringikka si Tou isudde, mangke naherangnga. I mangitou nabbisara, “Wuassu apa taumata indi naasomba apande ereudde? Wuṛṛu wuassu apa i Tou naasomba taṛṛino ma'ola'a al᷊aṛṛindu'a udde?

MATIUS 11:28

Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

MATIUS 22:46

Tawe saran sangkatou wotongnge naasimbakka Mawu Yesus. Wuṛṛu nanattakka allo udde, tawedu lai waṛṛani maiwal᷊o manga apa si Tou.

YOHANES 7:46

Manga mandariaga udde sinumimbakka, “Ah, taambe saran paassa pia taumata mabbisara naal᷊ihida ere i Tou!”

DARALO 45:2

Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

DARALO 88:13

Apa piaddu maasingkatta al᷊aṛṛindu'u Mawu sulal᷊ammu ararandumma, ara'e apapia-Nu su wanuan taumata apan tinimbul᷊iananna?

AMSAL 12:25

Apendamma sussinggawangnga maapaddi apulun naungnga, arawe manga wisara masaṛṛionto'a maahewalla naungnga.

YESAYA 8:16

I yamiu, mallal᷊aṛṛenggengku ṛinone manahipunna wuṛṛu mappadul᷊i manga tanata apan nionggollu Ruata si ya'u.

YESAYA 28:9

I mangitou sussal᷊iomanna su ola'u riri'u, wisarane, “Su sunnane i tou mangngaṛṛa'a sisai? Isai lai apan mappandumma tal᷊aane? Su ṛingidde i ite indi ana'a addio'a apan wakkutte iapasusu?

YESAYA 28:19

I yamiu sarun aṛṛiaannu asasusa mal᷊annu-l᷊annu wuṛṛu ṛinone maola'a bawawanna mamiallo, maruallo, allattune wuṛṛu ṛabbi. I yamiu sarun mangindon atata'utta napawe i yamiu maasunna tanatan Duata.

YESAYA 35:5

Sutempo udde taumata wuta sarun maasilo, wuṛṛu taumata wengella sarun maaringikka.

YESAYA 40:29

I tou mannohassa taumata apan nal᷊otakka, mangngonggollu sasasa su taumata apan tawe maal᷊iore.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

YEHEZKIEL 46:13

Mawu nabbisara, “Miallo-miallo sutempo marua allo, sambau ana'u domba apan uukke santonna wuṛṛu tawe sangkulle ṛinone ionggolla maola'a sasamba itattambunna su Mawu.

TAHIUL᷊E 18:17

Ana waugu Mawu nabbisara si ya'u, ‘Darorongngi mangitou udde mapia.

TAHIUL᷊E 18:18

Wuassu walahanni mangitou sassane i Ya'u sarun mandolokka inai ringanni mangitou sangkatou nabi ere lai i'o. I Ya'u sarun mamasingkatta si tou apa apan ṛinone iwisarane, ana see i tou sarun mamasingkatta su walahanna udde apa apan Ta'u nirolokka.

AYUB 4:4

Manga wisaranu apan maasaṛṛimbuatta, maatimpu'o taumata nitara, nal᷊ammissa wuṛṛu nal᷊otakka.

DARALO 40:7

Sasamba wuṛṛu aonggola ipaadiri-Nu, sasamba itattambunna wuṛṛu sasamba papappassa rosa tawe dorongan-Nu. Arawe I'o buatte nangonggolu tal᷊inga si ya'u, apan wotongnge maaringikka tingikku Mawu.