YESAYA 50:2 - WUKE SUSI WATTI'U AL᷊AL᷊USASSA

² Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YESAYA 50:2 Referans Kwoze

YESAYA 59:1

Imbaṛṛangnga massunna manungku tumaniten lome manal᷊amatta si yamiu, ara'e tumaniten bengella maddaringikka sasal᷊andenu.

REENGANNA 11:23

Mawu sinumimbakka, “Apa taṛṛino-U pia patta'al᷊anne? I'o sarun mal᷊ihakka maasilo sarangkanambone apan Ta'u niwisara udde atonna mariaddi ara'e tawe!”

YESAYA 66:4

Ana waugu udde i Ya'u ma'ola'a walate apulu-U wuṛṛu mangema'a si mangitou manga asasilaka apan iaata'utti mangitou. Anawe sutempo i Ya'u mammaggo, taweddu sumimbakka; sutempo i Ya'u mabbisara, taweddu maddaringikka. I mangitou apulune lullawangnga si Ya'u i Ya'u sarun ma'ola'a al᷊al᷊eoanne.”

YOSUA 3:16

orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.

PANDARIADDI 18:14

Apa piadu sambau apan maatiangnga su Mawu? Ere buatte niwisara'u tanginna, sio wul᷊anna lai ya'u sarun mabelengnga isindi. Wuṛṛu su tempo udde i Sara sarun manungkangngu ana'a esakka.”

HOSEA 11:7

wuṛṛu mangke mappulu manantang-Ku. Ne i mangitou sarun allanganna, arawe taweddu mamallossi manitou salaiwe i mangitou mangngintul᷊i ma'iontolla.”

AMSAL 1:24

I yamiu buatte niawagoangku, arawe i yamiu nanol᷊a'a wuṛṛu maddiri maddaringikka.

YOHANES 1:11

I Tou nirumanta su wanua-Ne sassane, arawe pabbawala-Ge maddiri manarimmatti Tou.

NAHUM 1:4

I Tou namansagu tahal᷊oangnga wuṛṛu naapamarane, al᷊awo'u sal᷊ukka niapaatti ua'ene. Wowon Karmel wuṛṛu manga wadda'a su Basan nabbal᷊i lol᷊okka wuṛṛu su Libanon tinumolangke al᷊awo'u wantin bunga.

HOSEA 11:2

Arawe lembon Ta'u wabbagoang ana-Ku udde i tou lembon mangnginda-U lai. I tou nangapiddu sasamba wuṛṛu mannambunnu amania hunan Baal wuṛṛu manga mongana waine.

DANIEL 3:29

Anna waugu udde i ya'u mamarenta manungku suapan taumata wuassu walahanna, ṛuangannu walahanna ara'e al᷊awo'u wahasa, apan nabbisaran asal᷊uandaga su surannu Ruata apan sassubbanni Sadrakh, Mesakh wuṛṛu Abednego, sarun tattaranna wuṛṛu wal᷊ene sarun iapaṛṛa'a wuṛṛu olaanna ombon sapadda. Ana waugu tawe monganna apan wotongnge maaola'a apan buatte niola'u Ruata udde.”

DANIEL 3:15

Ne, orassa indi, i yamiu mappulu umal᷊intudda wuṛṛu massubba paal᷊uanna udde sutempo musikka manuntingikka? Amungkangngu i yamiu maddiri, i yamiu sarun ituntungnga sulal᷊ummu pandu'u putungnga pan tantal᷊anna lukkenggamma. Wuṛṛu monganna suapa apan wotongnge manal᷊atta si yamiu wuassu taṛṛino'u?”

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YESAYA 65:12

I yamiu sarangkanambone sarun mate maola'a sol᷊eng karaṛṛagissa. Ana waugu, sutempo i Ya'u mammaggo, i yamiu tawe sumimbakka, wuṛṛu sutempo i Ya'u mabbisara, i yamiu maddiri maddaringikka. I yamiu mappianne lumawangnga si Ya'u wuṛṛu ma'ola'a al᷊al᷊eo.

YESAYA 59:16

I tou nahrangnga manungku taweddu nirumanta wuṛṛu tate laiddu nanamba'a. Ne i Tou nappaattu taṛṛino-Ne sassane ipanal᷊amatta wuṛṛu ipangonggollu auntunganna si mangitou.

YESAYA 43:16

Mawu buatte na'ola'a sambau lal᷊anna sumabbi tahal᷊oangnga, sumabbi ua'e apan matandi'a.

YESAYA 42:15

Wowone wuṛṛu wuidda sarun Ta'u olaanna lol᷊okka, anambon sasuanne Ta'u iapatolangnga. Manga wawal᷊annu sal᷊ukka Ta'u wal᷊uanna mabbal᷊i wadda'u anne, anambon dano Ta'u olaanna mamara.

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

SASABANGNGA 7:21

Manga inassa sulal᷊ummu sal᷊ukka nate, wuṛṛu hal᷊urune mawukku'a atonna, na'oman sara taumata Mesir tawe maainumma ua'e udde. Su ahewallu leta'u Mesir pia daṛṛa.

SASABANGNGA 7:18

Manga inassa sarun mate, sal᷊ukka indi hal᷊urune mawukku'a, na'oman sara balahannu Mesir tawe maainumma ua'ene.’ ”

YOHANES 3:19

I Tou niapaasal᷊a ana waugu inolaanna indi: Asasemakka udde nirumantate su runia, arawe taumata lembo maapulun ararandumma wuassu asasemakka, ana waugu pallal᷊agu mangitou lal᷊eo.

MARKUS 4:39

Mawu Yesus napu'ote see namul᷊o anginna udde, wuṛṛu nabbisarate rano, “Paal᷊annaba, al᷊enakke!” Ne anginna nol᷊ote, wuṛṛu rano nal᷊enakke atonna.

DANIEL 6:20

Sutempo wawallo ratu napu'ote wuṛṛu inaite ringannu nasasaṛṛawutta watukku liangngu singa.

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

YESAYA 63:13

Suapate Mawu apan nangehetta si mangitou u'amatta su ua'e apan mal᷊al᷊umma? Naal᷊ihidda awal᷊o u'amatta su wadda'u anne, i mangitou tawe saran paassa natara.”

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YESAYA 41:28

Sutempo i Ya'u maddea'a suwallattu manga monganna, tawe saran sambau apan wotongnge mangonggollu tatantiro, taweddu botongnge sumimbakka.

YESAYA 36:20

Monganna suapa apan buatte namallossu wanuane wuassu taṛṛino'u? Tawe mariaddi Mawu manal᷊amatta Yerusalem!’ ”

YESAYA 19:5

Ua'en Sal᷊ukku Nil sarun masahatta wuṛṛu mallannu mammara.

DARALO 107:33

Manga sal᷊ukka niwal᷊u-Ne nabbal᷊i wadda'a al᷊imatan kua'e nabbal᷊i leta'a maṛṛasa.

2 TAWARIKH 32:15

Arie pabbala'a ratunu udde mamahia wuṛṛu mamoddo si yamiu! Arie pangimanna si tou! Ana waugu taambe saran paassa mongannu al᷊awo'u walahanna wotongnge mamallossu walahanne wuassu taṛṛinon ratun Asyur. Wuṛṛu mongannu udde lai tawe maapallossi yamiu!”

SASABANGNGA 14:29

Arawe su tempo taumatan Israel malliu tahal᷊oangnga, i mangitou u'amatta su wantane apan mamara, wuṛṛu ua'e naola'a darandungnga su aikkatanna wuṛṛu su aiṛṛine.

YEREMIA 8:6

I Ya'u buatte naddaringikka mapia-pia, arawe i yamiu buatte nabbisara su ereapa olangnge. Tawe saran sangkatou wuassi yamiu sumassillu inolaanna apan dal᷊eo. Taweddu mabbisara, ‘Apate pasasal᷊a'u?’ I yamiu sarangkanambone maddea'a lal᷊annu sassane naal᷊ihidda awal᷊o sinumutta su tampan papangaloanna.

DARALO 106:9

Wuassu parenta-Ne Tahal᷊oangngu Gelagah namara, i Tou nangapiddu al᷊aṛṛanang-Nge niumamatta su tahal᷊oangnga, ere u'amatta su wadda'a.

DANIEL 6:27

I ya'u mamarenta su anambon taumata apan uatana'a su wageangngu araratuangku tadea'u mata'utta wuṛṛu mangaddatta Ruata apan sassubbanni Daniel! I Tou uddewe Ruata apan wiakka saran mal᷊annu-l᷊annu, maddatingngu pangudusannu runia i Tou uaparenta. Araratuan-Ne tawe mariaddi mate. Taṛṛino-Ne mangke tawe masue.

YEREMIA 7:13

Salaiwe ete masokka i Ya'u mabbisara si yamiu, i yamiu maddiri maddaringikka. I yamiu ma'ola'a al᷊awo'u rosa udde, wuṛṛu maddiri sumimbakka napawe i Ya'u mamaggo.

YESAYA 11:15

Mawu sarun mapaamaran Eṛṛesannu Suez. I tou ma'ola'a anginna mal᷊oso tumiuppa na'oman sara Sal᷊ukku Efrat mabbal᷊i pitun bua lal᷊annu ua'e apan mawawo, ne suapan taumata wotongnge tumumbe ringannu uasilope.

YESAYA 23:11

Mawu buatte namataddu lima-Ne su wowon tahal᷊oangnga wuṛṛu namilingngu manga araratuanna. I tou namarenta tadea'u manga tanda batun Funisia iapahohakka.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.

YESAYA 54:6

Israel, i'o naal᷊ihidda sangkatou awingnga maṛṛuala apan massusa ana waugu nitantangngu iamangngu ana'a. Arawe Ruata namaggo si'o apia wuṛṛu nabbisara,

YEREMIA 7:27

Wua'udde Mawu nabbisara, “Ana waugu udde, ei Yeremia, salaiwe i'o mamasingkattu sarangkanambone udde su walahang-Ku, i mangitou maddiri massunna manga wisaranu. Salaiwe i'o mamaggo si mangitou, i mangitou tawe sumimbakka.

YEREMIA 14:9

Anio I'o ere taumata apan niul᷊awune; ere pahlawanna apan tawe ma'ontolla? Arawe, natantunna I'o su pattangnganni yami, Mawu! I yami uman-Nu, ariewe i yami itantang-Ngu!’ ”

YEREMIA 35:14

Yonadab naningaddu papapulunne ma'inumma anggore, wuṛṛu i mangitou tinumuṛṛutta su sasingadda udde. Naddatingngu allo indi tawe saran sangkatou wuassi mangitou apan ma'inumma anggore. Arawe i Ya'u sidutu mabbisara si yamiu, arawe i yamiu maddiri maddaringikka.

HABAKUK 3:8

Oh Mawu, ana wauge ete tahal᷊oangnga I'o nasa'u? Ete manga sal᷊ukka apan naaola'a Si'o mandona? I'o sinuma'e winabbawa naola'a awal᷊o wuṛṛu keretan pangalo, sutempo uman-Nu nionggol᷊a-Nu auntunganna.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.