YESAYA 50:10 - WUKE SUSI WATTI'U AL᷊AL᷊USASSA

¹⁰ Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 50:10 Referans Kwoze

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

DARALO 23:4

Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

1 PETRUS 5:7

Tantila'e anambon asasinggawangngu su Ruata, ana waugu i Tou uapaddul᷊i si yamiu.

DARALO 42:11

Naungku naṛṛimunsa'a ana waugu aal᷊uandagu seetta. I mangitou sidutu ma'iwal᷊o, “Suapate Ruatanu?”

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

MALEAKHI 3:16

Ana see manga taumata apan matta'uttu Mawu uahahatto sangkatou ringannu sangkatou. Mawu maddaringikka wuṛṛu mannutukka apa apan iwabbisaran mangitou. Manga taumata apan mangngaddatta si Tou wuṛṛu matta'utti Tou, aranne iwoṛṛetta sulal᷊ummu buken pamoṛṛetanna su saruan-Ne.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

DARALO 25:12

Taumata mangngaṛṛa'a taumata mangngimanna lal᷊anna apan ṛinone amatanni mangitou.

AYUB 29:3

I Tou sidutu mangnggollu aontolla si ya'u, I Tou sidutu mannemakka si ya'u sutempo u'amatta sulal᷊ummu ararandumma.

DARALO 128:1

Aantarin patatembo. Lal᷊umanna'a su taumata apan ma'imanna wuṛṛu mabbiakka tuttuṛṛutta parentan Duata.

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

DARALO 145:21

I ya'u maapulu maddalo Mawu sidutu, antimanna anambon riaddian-Ne maddalo Mawu saran mal᷊annu-l᷊annu.

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

AYUB 13:15

I ya'u nauutulle ana waugu niasueanten ṛingidda! Amungkangngu Ruata mappulute mamate si ya'u, i ya'u manantilla, arawe i ya'u sarun manahekku pallal᷊agu'u su saruan-Ne.

2 TAWARIKH 20:12

Ete I'o Ruatan kami! Ṛuumana'e i mangitou, ana waugu yami indi inasueanten ikkatta sumaruanna tantara anambone ereudde, apan mammangalote si yami. Yami waggate tanne yami maola'e apa, ana waugu udde yami rumanta ringannu Mawu maiontolla.”

1 TAWARIKH 5:20

Manga tantara udde mangngimanna Ruata wuṛṛu ma'iontolla si Tou, ne Ruata naddaringikka darorongngi mangitou wuṛṛu nangonggolu auntunganna si mangitou su manga taumatan Hagri wuṛṛu manga hawene.

1 SAMUEL 30:6

Tantaran Daud lembon nasusa ana waugu niawul᷊ianten ana'a wuṛṛu awingngi mangitou. Ana waugu udde i mangitou nanuntungngu watu si Daud. Nariaddi i Daud sulal᷊umme asasusa apan bahewalla, arawe naungnge nitohassu Mawu Ruatane.

YESAYA 59:9

Pabbawalaga udde nabbisara Ruata, “Orassa indi i yami masingkatte anio I'o tawe nanal᷊amatta si yamiu wuassu manga taumata apan mangngallanga si yamiu. I yami uaṛṛaddo semakka, arawe tumba'u pia ararandumma.

LAL᷊ALLU 3:2

Maddau i ya'u wabbol᷊engan-Ne watukku tampa marandumma wasa tuudda.

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

YESAYA 10:20

Tempone sarun dumanta lamben walahannu Israel apan naralukka tate lai mangantimmu wiakke su walahanna apan uaparenta apan maranite mamate si mangitou, ewe'e lai Mawu, Ruata susin Israel.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 26:9

Ṛimuu'u luṛṛintulu-Nu sutempo ṛabbi, naungku mangngantimma Si'o sutempo marua allo. Napawe I'o makkuungngu runia indi, tumana'u runia sarun maasingkatta apan apan ṛinone.

DANIEL 3:28

Ana see ratu nabbisarate, “Paddalote Ruata apan sassubbanni Sadrakh, Mesakh wuṛṛu Abednego. I Tou buatte nandolokku mala'ekan-Ne iapasal᷊amatta siri tallu allang-Nge apan mangngimanna si Tou. I mangitou buatte nilumawangnga parenta'u wuṛṛu mappianne nate wuassu massubba ara'e maddalo al᷊awo'u monganna tabbene'e Ruatan mangitou sassane.

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.

HAGAI 1:12

Wua'udde Zerubabel wuṛṛu Yosua see anambon umattu Israel buatte nabbelengnga wuassu pamamuanganna su Babel, tinumuṛṛutta manga wisaran Hagai, daroloṛṛannu Mawu udde. I mangitou tinumuṛṛuttaapa apan buatte niparentan Mawu si mangitou, ana waugu matta'uttu Mawu.

2 SAMUEL 22:29

I'o nande'omma sasol᷊oangku; Mawu Ruata'u nanemakka ararandungku.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

NAHUM 1:7

Mawu udde mapia, i Tou uasirungnga uman-Ne sutempo i mangitou susa, i Tou uariaga taumata apan uasirungnga si Tou.