YESAYA 50:1 - WUKE SUSI WATTI'U AL᷊AL᷊USASSA

¹ Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

YESAYA 50:1 Referans Kwoze

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

MATIUS 18:25

wuṛṛu tate maawaekka. Nariaddi, ratu namarentate tadea'u allangnga udde iwal᷊u'a su sampunna ringannu al᷊aṛṛanangnge wuṛṛu awingnge, wuṛṛu al᷊awo'u manga rarotongnge ipamaekka utangnge.

NEHEMIA 5:5

Wal᷊inewe i yami lai taumatan Yahudi? Wal᷊inewe ana'i yami nassul᷊ungngu manga ana'u Yahudi waine? Salaiwe aroddi i yami nipabbawata'a namalan manga ana'i yami naola'a allangnga. Ewe'e lai pia ana'a maṛṛualan kami apan buatte niwal᷊u'a maola'a allangnga. I yami tate maal᷊ore ana waugu wawail᷊anna wuṛṛu waillu anggori yami buatte nihadde.”

2 MARARATU 4:1

Su allo sambau wawine inawal᷊uannu sangkatou nabi inaite ringanni Elisa wuṛṛu naiwal᷊o, “Papa, awingku natete! Wuṛṛu i Papa masingkatta manungku i tou lai taumata apan matuṛutta Ruata, arawe i tou pia awallassa su sangkatou taumata. Orassa indi taumata udde nirumanta manganu ana'u darua, wuṛṛu itarua olaanna allanga, maola'a wawaekku awallassu awingku apan natete udde.”

YESAYA 52:3

Mawu nabbisara uman-Ne, “I yamiu niwal᷊u'a ringannu tawe bawaekke, nariaddi orassa indi ipallosse ringannu tawe bawaekke lai.

YEREMIA 4:18

Yehuda, ete i'o sassane apan nandantan asasilaka udde su watangannu. Ola'u pabbiaṛṛannu wuṛṛu manga inolaannu naawawa anambon asasusa udde mangngusu'a naungngu.

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

DARALO 44:12

I'o namalan kami niṛṛata ere domba, wuṛṛu I'o nanal᷊iawukki yami suwallatu manga walahanna.

2 MARARATU 17:17

I mangitou mangngonggolu manga al᷊aṛṛana'i mangitou maola'a sasamba itattambunna su monganna. I mangitou mappaattu wal᷊iimata wuṛṛu ma'itantiro su manga tararoti apan wotonge maaukku manga ghaṛṛaho. I mangitou aroddi aṛṛimadde ma'ola'a inolaanna apan tawe maal᷊uassa naungngu Mawu

ESTER 7:4

Ana waugu allangnga wuṛṛu walahannu allangnga buatte niwal᷊u'a tadea'u pateanna. Unnuwisara i yami tumba'u niwal᷊u'a olaanna allangnga, allangngu sidutu mal᷊annabba wuṛṛu tawe manal᷊asa'i Tuangnga. Arawe orassa indi i yami pateanna wuṛṛu ṛadaanna!”

1 MARARATU 21:25

Tawe saran paassa pia taumata apan ringannu na'utulla ma'ola'a al᷊al᷊eo su aellegu Mawu ere apan niola'i Ahab. Anambon al᷊al᷊eo udde niolangnge wuassu darolokki Izebel, awingnge.

SASABANGNGA 21:7

Amungkangngu sangkatou wawinen Ibrani niwal᷊u'u iamangnge maola'a allangnga, wawine udde tawe iapallossa napawe anumpe su tonnane, nariaddi uapapaṛṛalan allangnga esakka.

IMAMATTA 25:39

Amungkangngu taumata sambalahannu apan uatana'a su wallati yamiu naasiangnga na'oman sara i tou nabbal᷊u'u watanganne maola'a allangnga si'o, taumata udde tawe wotongnge irolokka iapamanara ere sangkatou allangnga.

YESAYA 1:28

Arawe manga taumata marosa apan lullawangnga Mawu sarun patean-Ne, wuṛṛu sarangkanambone apan nanantangngu Mawu sarun iapawinasa.

YESAYA 27:8

Mawu nakkuumannu uman-Ne ringannu nandamme mangitou watukku wanua awagananna. I Tou nallimbuakka si mangitou ringannu anginna lal᷊eo wuassu ra'i.

YESAYA 43:27

Iupungngu al᷊amonanu paarorone buatte na'ola'a rosa, manga piaṛṛangngu buatte namangalo si Ya'u,

YESAYA 46:8

Naungete wuṛṛu ṛingira'e, ei manga taumata mapontol᷊osanna!

YESAYA 54:6

Israel, i'o naal᷊ihidda sangkatou awingnga maṛṛuala apan massusa ana waugu nitantangngu iamangngu ana'a. Arawe Ruata namaggo si'o apia wuṛṛu nabbisara,

YESAYA 54:7

“Tumba'u tal᷊angkadio'a i Ya'u manantangngu ringannu napenen darangngu i'o Ta'u al᷊apanna apia.

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

HOSEA 4:5

Allo ṛabbi i yamiu ma'ola'a pasasal᷊a, aroddi lai manga nabi. Ana waugu udde i Ya'u sarun manginsue Israel, inangngu.