YESAYA 5:30 - WUKE SUSI WATTI'U AL᷊AL᷊USASSA

³⁰ Su allo udde su ahewallu Israel niaringikka hahuressa ara'e hiom pangalo aikkanne ere lua'a mabbasse. Pa'ellege, ahewallu wanua udde marandumma wuṛṛu napenen asasuṛṛippitta. Asasemakka naola'e wasa tuudda.

YESAYA 5:30 Referans Kwoze

YESAYA 8:22

ara'e mangngintanno, i mangitou tawe maasilo manga apa tumba'u asasuṛṛipitta wuṛṛu ararandumma se'e lai asasul᷊aubba apan mangngaitta. I mangitou sarun iramme sutampa apan marandumma udde.

YOEL 2:10

Tantal᷊anna i mangitou inai, runia nangindo, wuṛṛu langitta lai mangngiladda. Ana see naddandumpe matannallo wuṛṛu wul᷊anna, wuṛṛu semakku manga anumpitanna nawul᷊ite.

SONDAPPA 6:12

See i ya'u naasilo Ana'u Domba udde namesangnga segele aiannume. Nariaddite linukka apan masaddata. Matannallo nabbal᷊i ma'itumma ere mal᷊aṛṛenessa ma'itumma hal᷊agga, wuṛṛu wul᷊anna nabbal᷊i maṛṛamu ere ṛaṛṛa.

MATIUS 24:29

“Tawe nal᷊annu wuassu asasusa su tempo udde, matannallo sarun maddandumma, wuṛṛu wul᷊anna tate lai semakke. Manga anumpitanna sarun manawo wuassu langitta, wuṛṛu manga tembonannu winalanganna sarun massal᷊iawukka.

YEREMIA 6:23

Ahiddi mangitou ana'anna wuṛṛu sambeangnga; i mangitou maṛṛagissa wuṛṛu wagga mangonggollu ampungnga. Ere tingikku tahal᷊oangnga apan mattandi'a etearoddi tingikku lal᷊empangngu awal᷊o mangitou apan tantal᷊anna iappatal᷊angnga inai mamangalo Yerusalem.”

YESAYA 13:10

Suapan anumpitanna wuṛṛu ammul᷊annu anumpitanna sarun umaddo manemakka; matannallo sarun maddandumma sutempo i tou sumabbangnga, wuṛṛu wul᷊anna sarun tate semakke lai.

AMOS 8:9

Sarun a'omanna tempone i Ya'u sarun mapaatuppu matannallo sutempo allattune wuṛṛu runia mabbal᷊i marandumma sutempo allo. I Ya'u, Mawu Apan Atanggaṛṛanne, buatte nabbisara.

LAL᷊ALLU 3:2

Maddau i ya'u wabbol᷊engan-Ne watukku tampa marandumma wasa tuudda.

YEREMIA 50:42

Ahiddi mangitou anaanna wuṛṛu tambakka; i mangitou maṛṛagissa wuṛṛu wagga mangampungnga. Ere tingikku tahal᷊oangnga mattandi'a aroddi lai tingikku lempangngu awal᷊o i mangitou apan tantal᷊anna sassasanna inai mamangalo Babel.

MANNANASE 12:2

Napewe nia'omante tempo udde matanu tate lai masemakka, na'oman sara mal᷊abbukke semakku matannallo, wul᷊anna wuṛṛu anumpitanna. Winabbawa pia rallamme uaapiddu uranna, sidutu uarundinganna si'o ere asasilaka.

YESAYA 13:4

Paddaringikke tingikku hio su panenteanna, naal᷊ihidda tingikku ammul᷊annu taumata apan tumanite manambo. Paddaringikke hio manga araratuanna wuṛṛu manga walahanna apan tantal᷊anna uaammulla. Mawu Apan Lembontaṛṛino mammarikissa tantaran pangalo.

YESAYA 17:12

Manga walahanna apan matohassa tantal᷊anna maggio; tingikke maddallu'a naal᷊ihidda tingikku lua'a mabbasse.

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

YESAYA 59:9

Pabbawalaga udde nabbisara Ruata, “Orassa indi i yami masingkatte anio I'o tawe nanal᷊amatta si yamiu wuassu manga taumata apan mangngallanga si yamiu. I yami uaṛṛaddo semakka, arawe tumba'u pia ararandumma.

YEREMIA 13:16

Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

YEREMIA 30:5

“I Ya'u buatte naaringikka auaren taumata apan sussinggawanga, auaren taumata apan matta'utta apan tawe uatahuanna paddarame.

YEHEZKIEL 26:3

Mawu Apan Atanggaṛṛanne nabbisara, “I Ya'u indi seennu, ei Tirus! I Ya'u sarun mangapiddu manambo walahanna iapapangalo si'o, wuṛṛu i mangitou sarun dumanta naal᷊ihidda lua'a su tahal᷊oangnga.

AMOS 5:18

Mangke atonna nasilakate i yamiu apan uaṛṛaddo allon Mawu! Apa hunane allo udde si yamiu? Allo udde tumba'u allo apan marandumma, wal᷊ine allo apan masemakka si yamiu.