YESAYA 5:29 - WUKE SUSI WATTI'U AL᷊AL᷊USASSA

²⁹ Manga tantarane mammaṛṛo ere singa apan wakkute nanametta sinangngone, see tinal᷊angnge, wuṛṛu taweddu maapallossa.

YESAYA 5:29 Referans Kwoze

ZAKARIA 11:3

Paddaringikke lal᷊uai manga tembonanne nawul᷊ite awawantugi mangitou! Paddaringikke wawassingngu manga singa su mahurangnge; ana waugu nahohakke atatanaanni mangitou su al᷊o'engngu Sal᷊ukku Yordan.

MIKHA 5:8

Israel sarun mamaddon manga seenne see makkimunsa'a si mangitou sarangkanambone.

YESAYA 42:22

Arawe walahanna udde nasuete pinangaṛṛoanna; i mangitou tinaṛṛanganna su manga wabbo'a sulal᷊ummu leta'a, wuṛṛu nitaṛṛo sulal᷊ummu manga tuttupanna. I mangitou naola'a sol᷊ene wuassu pangangaṛṛo udde, wuṛṛu taweddu nirumanta mangontolla.

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.

AMOS 3:8

Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

HOSEA 11:10

Mawu nabbisara, “Uma-U sarun tumantalongnga si Ya'u napawe i Ya'u mamiṛṛinganna ere singa wuṛṛu mammata'utta seetti mangitou. Uma-U sarun masasaṛṛawutta rumanta wuassu samba'a waṛṛatta tadea'u massubba si Ya'u.

YEREMIA 51:38

Taumatan Babel mammansinga ere singa, wuṛṛu mammansaga ere ana'u singa.

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEREMIA 49:19

Naal᷊ihidda singa sinumabbangnga wuassu mahurangnge maranin Sal᷊ukku Yordan wuṛṛu nirumanta su wadda'a tampa domba u'anna nannal᷊o, aroddi lai Ya'u sarun dumanta wuṛṛu mapatal᷊angngu taumatan Edom wuassu wanua mangitou ringannu mamaroro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai wotongnge isul᷊unga si Ya'u? Isai waṛṛani ma'ola'a hatto ringang-Ku? Apa pia piaṛṛa'a apan botongnge lumawangnga si Ya'u?

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YESAYA 31:4

Mawu nabbisara si ya'u, “Naal᷊ihidda singa sussaṛṛandanga mangngal᷊addu pabbawiakke wuṛṛu tawe apata'utannu aintul᷊i wuṛṛu a'uin ammul᷊annu mallal᷊u'adda winatangnga apan nasaddiate mando'appa si tou, aroddi lai i Ya'u sarun mamangalo wuṛṛu manahekku Wuiddu Sion.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

PANDARIADDI 49:9

I Yehuda naal᷊ihidda singa saṛṛen tumuwo; i tou namate seenne, ana see nabelengnga su sal᷊akke; i tou nagaṛṛuannata ana see nilumallowanga, wuṛṛu tawe saran sangkatou apan baṛṛani manal᷊asa'i tou.

YESAYA 35:9

Su tampa udde tawe singa, ara'e winatangnga mal᷊aṛṛaga waine. Manga taumata apan nisal᷊amattu Mawu sarun umamatta poiaroddi.

YESAYA 47:15

Eteudde huna manga taṛṛa si'atta si'o apan ma'anambo manaranu ro'en i'o ta'e addio'a; sangkatou-sangkatou inaite nanantangngu; taweddu nirumanta mantul᷊ungngu.”

NAHUM 2:11

Suapate soa udde orassa indi? Soa apan naal᷊ihidda liangnga tampan singa massal᷊akka? Tampan manga ana'u singa a'onggol᷊annu anna, tampa pattuddannu singa esakka wuṛṛu singa wawine, tampa apan mal᷊angnganna su manga anangnge?

YEREMIA 2:15

Seenne mammiṛṛonganna ere singa, letangnge niola'a mamara wuṛṛu tawe loṛṛone, manga soane nasue nisoṛṛobbu putungnga, niwala aroddi tawe tumanangnge.