YESAYA 5:24 - WUKE SUSI WATTI'U AL᷊AL᷊USASSA

²⁴ I yamiu buatte nanol᷊a'u al᷊aṛṛa'u Mawu Apan Lembontaṛṛino, wuṛṛu mallobbossa parentan Duata susin Israel. Ana waugu udde, naal᷊ihidda laṛṛami wuṛṛu nannal᷊o mamara nasue natutungnga sulal᷊ummu putungnga, aroddi lai manga ṛamunnu sarun mabbal᷊i mawukku'a, manga wunganu maṛṛagassa wuṛṛu masue italla'u anginna.

YESAYA 5:24 Referans Kwoze

YESAYA 30:12

Ana waugu udde Ruata na'ukkassa su Israel nabbisara arendi, “I yamiu nanol᷊a'u wisara-U wuṛṛu mangngasakku ara'e tinumantaṛṛimanna pangangallanga wuṛṛu pamamahia.

AYUB 18:16

Manga ṛamunne namara wuṛṛu naal᷊umpissa; manga rannane naṛṛangu wuṛṛu naaṛṛiunnudda.

LUKAS 3:17

Su lima-Ne pia niṛṛu ipattappa ammene ma'oman sara mawaresi. Amme sarun iammulla su wal᷊ingkakka, arawe anambon wal᷊aane sarun tutunganna su putungnga apan tawe mapadumma!”

YOEL 2:5

I mangitou sussassolo'a su puiddu panenteanna, tingikke ere haṛṛagittu keretan pangalo wuṛṛu ere rente'u putungnga apan mannoṛṛobba raen amme. I mangitou uawarissa naal᷊ihidda ammul᷊annu tantara waṛṛani, apan nariahite inai mapapangalo.

YESAYA 47:14

Pa'ellege; i mangitou ere laṛṛami apan niepoddu putungnga; i mangitou tawe mapaanal᷊amatta watanganni mangitou sassane! Ṛenggammu putungnga udde tumaniten masal᷊ihangnga si mangitou, wal᷊inewe putungnga masal᷊ihangnga panningiṛṛanna.

YESAYA 30:9

Ana waugu, i mangitou udde walahanna apan apulunne lullawangnga su saruannu Ruata, apulune mammahia wuṛṛu mangke maddiri maddaringikka al᷊aṛṛa'u Mawu.

SASABANGNGA 15:7

Ringannu awawantuga apan bahewalla I'o namate sarangkanambone apan lullawangnga Si'o. Asasa'u-Nu sussal᷊oi naal᷊ihidda putungnga, wuṛṛu nanutungnga si mangitou naal᷊ihidda laṛṛami.

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

WATTI'U MANGA RASUL 13:41

‘Panutukka paapia-pia, ei yamiu manga taumata apan ma'apulu mangal᷊uandaga! I yamiu sarun maherangnga see mate! Ana waugu su tempo indi ya'u tantal᷊anna ma'ola'a manga apa apan tawe pangimananni yamiu sassane salaiwe pia taumata mannal᷊a'a si yamiu.’ ”

YOHANES 12:48

Taumata apan mannol᷊a-U wuṛṛu maddiri maddaringikka wisara-U, piate mallaṛṛuungnge. Wisara apan Ta'u iapaasingkatta, eteudde sarun ipamarikissa si tou su Allong Kiamatta.

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

LUKAS 7:30

Arawe manga taumatan Farisi wuṛṛu manga hurun agama maddiri manengkamma ṛiinnu Ruata su wadangngi mangitou. I mangitou maddiri saṛṛanianni Yohanes.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

AMOS 2:9

Salaiwe aroddi, ei uma-U, ete ana waugu i yamiu i Ya'u namate taumatan Amori apan mal᷊angkassa ere punnu cemara wuṛṛu matohassa ere punnu terpentin.

HOSEA 9:16

Taumatan Israel sarun Ta'u iṛṛuummanna. I mangitou sarun mabbal᷊i ere sasuanna apan tawe mabbua, wuṛṛu manga ṛamunne naṛṛangute. I mangitou sarun tawe maasomba ana'a; arawe salaiwe i mangitou uatahuanna ana'a, sarun Ta'u pateanna al᷊aṛṛana'a apan arangnguanni mangitou udde.”

HOSEA 5:12

Ana waugu udde i Ya'u sarun makkimunsa'a walahannu Israel, wuṛṛu mamate taumatan Yehuda.

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

YEREMIA 6:19

Panutukke, ei runia! Uma-U maddiri manengkamma al᷊aṛṛa-U wuṛṛu maddiri tumuṛṛutta si Ya'u. Maola'a pangillul᷊eannu hol᷊agi mangitou i Ya'u nandantan asasilaka si mangitou.

YESAYA 8:6

wisara-Ne, “Walahanna indi nanol᷊a'u ua'e apan matilangnga wuassu ana'u Sal᷊ukku Syiloah, wuṛṛu mal᷊uassa ringanni Ratu Rezim wuṛṛu i Ratu Pekah.

DARALO 50:17

Ana waugu i'o maddiri maddaringikka tatagu-Ku, wuṛṛu mannol᷊a'u manga parenta-Ku.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

1 SAMUEL 15:26

Arawe i Samuel sinumimbakka, “I ya'u maddiri mabbelengnga suadio'a ringanni Tuangnga. I Tuangnga buatte nilumawangnga parentan Mawu, ne orassa indi i Tou tate manga'u si Tuangnga maola'a ratun Israel.”

1 SAMUEL 15:23

Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

2 MARARATU 19:22

Masingkate i'o manungku isai apan lallelanna wuṛṛu lallobbosannu udde? I Ya'u, Ruatan Israel, Ruata apan susi! I'o tumaniten mawunga su saruang-Ku.

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

YESAYA 7:9

Israel tawe mattohasanna wuassu Samaria, inangngu soane, wuṛṛu Samaria tawe mattohassanna wuassi Ratu Pekah. Amungkangngu i yamiu tawe atonna-tonna mangngimanna si Ya'u, i yamiu sarun tawe maaro'appa.”

YESAYA 9:18

Mawu Apan Lembontaṛṛino tumanite massa'u, wuṛṛu ṛuuman-Ne naal᷊ihidda putungnga apan lukkanganggabba wuṛṛu walahanna udde naola'a alune apan nasue. Tawe saran sangkatou apan umakkannu tuṛṛangnge.

YESAYA 9:19

Su ahewallu wanua udde taumata maṛṛanggotta wuṛṛu u'anna wiakka apan botongnge iwo'o, arawe tawe maapendamma mal᷊aidda. Ewe'e i mangitou u'inassa manga hawe mangitou sassane!

YESAYA 24:6

Ana waugu Mawu buatte namontoga runia wuṛṛu nakkuumannu tumanangnge ana waugu inolaanni mangitou. I mangitou nitutungnga, wuṛṛu tumba'u matul᷊u suwallatti mangitou apan nasal᷊amatta.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

HOSEA 11:9

I'o sarun tawe Ta'u iṛṛuumanna sulal᷊ummu asasa-U; i'o tate Ta'u ṛimunsaanna apia. Ana waugu ete i Ya'u Ruata, wal᷊ine taumata. I Ya'u, Apan Susi, uarundinganna si'o, wuṛṛu maddirite lai masa'u si'o.”

SASABANGNGA 5:12

Ne manga taumatan Israel inaite mammal᷊intaddu ahewallu leta'u Mesir madea'a mangammulu laṛṛami.

TAHIUL᷊E 28:24

Mawu tawe manossokku uranna ua'e, ewe'e uranna awu wuṛṛu anne ma'oman sara i yamiu mate.

AYUB 8:17

Ṛamunne mangngal᷊i'uppa manga leta'a; uawa'issa matohassa, i tou tawe hampa umal᷊ore.

YEHEZKIEL 15:6

Ana waugu udde Mawu Apan Atanggaṛṛanne nabbisara, “Naal᷊ihidda punnu alu anggore apan nial᷊appa wuassu mahurangnge wuṛṛu nitutungnga, aroddi lai sarun Ta'u olaanna su tumana'u Yerusalem!

AMOS 2:4

Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.