YESAYA 5:23 - WUKE SUSI WATTI'U AL᷊AL᷊USASSA

²³ Arawe tumba'u ana see maasomba roitta sasoggokka, i yamiu namallossu taumata nassal᷊a, wuṛṛu mammal᷊aatta taumata tawe sal᷊ane apan maddea'a atatul᷊idda.

YESAYA 5:23 Referans Kwoze

YESAYA 10:2

Ringannu olangnge udde i yamiu mannal᷊awa'u taumata asiangnga maasomba hakkane wuṛṛu atatul᷊idde, wuṛṛu nangaṛṛo darotongngu manga wawine wal᷊u asisitimpal᷊ussa.

YAKOBUS 5:6

I yamiu maṛṛuumanna wuṛṛu mammate manga taumata apan tawe sal᷊ane, wuṛṛu i mangitou tawe lumawangnga si yamiu.

AMSAL 17:15

Taumata maddantinnu taumata apan mappaṛṛinon taumata lal᷊eo, wuṛṛu mapasal᷊an taumata apan tawe sal᷊ane.

DARALO 94:21

I mangitou suadio'a lumawangnga taumata matul᷊idda, wuṛṛu nakkuumanna pateanna taumata apan tawe sal᷊ane.

MIKHA 7:3

Sarangkanambone pande sulal᷊ummu ma'ola'a al᷊al᷊eo. Tembonanne wuṛṛu mallaṛṛuungnga maddorongnga roitta aonggolla, wuṛṛu matatimmaddu wanua mammata'u apulune, etearoddi i mangitou nabbaidda suadio'a.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

AMSAL 24:24

Amungkangngu taumata nassal᷊a iwal᷊one tawe nassal᷊a, ne mallaṛṛuungnga udde sarun wontohanna wuṛṛu lelannu anambon taumata.

AMSAL 17:23

Mallaṛṛungnga apan mangngempe, mannengkamma roitta aonggolla ringannu mal᷊annabba wuṛṛu tawe mangamattu atatul᷊idda.

2 TAWARIKH 19:7

I yamiu ṛinone mata'uttu Mawu, wuṛṛu mammanara matammudda, ana waugu Mawu Ruatan kite maddantinnu taumata apan inolaanne mallinga, apan inolaanne mangngempe ara'e mannengkamma aongolla.”

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

MATIUS 23:35

Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

1 MARARATU 21:13

Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

YESAYA 10:1

Nasilakate i yamiu apan nakkiinnu manga tita apan wengkolla ipangallangnga pabbawala-U.

YESAYA 32:7

Arawe sangkatou taṛṛa awusu maṛṛingidda wuṛṛu ma'ola'a al᷊al᷊eo. I tou maddea'a ṛingidda ipanilaka taumata asiangnga ringannu manga wisara awusu wuṛṛu mannal᷊awa'a si mangitou tadea'u tawe maasomba hakkane.

YESAYA 59:15

Tate lai taumata apan tawe mamahia, wuṛṛu isai apan mangngindaun al᷊al᷊eo, i tou sassane maola'a sol᷊eng kal᷊al᷊eo.” Mawu buatte naasilo udde, wuṛṛu i Tou tawe mal᷊uassa manungku tate lai atatul᷊idda.

AMOS 5:12

I ya'u masingkatta aroddi ahewalle al᷊al᷊aeonu wuṛṛu aroddi anambone rosanu. I yamiu mangngallangnga taumata mapia; i yamiu mannengkamma roittu aonggolla wuṛṛu namalan taumata asiangnga a'olaanna ringannu tawe atatul᷊idda su pallaṛṛuunganna.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

YESAYA 29:21

taumata apan apulune mangngal᷊uandaga, taumata apan tawe mapaṛṛuumannu taumata lal᷊eo, wuṛṛu taumata apan mannal᷊iawukku manga watti'a awusu tadea'u taumata mapia tawe maasomba atatul᷊idda.