YESAYA 5:22 - WUKE SUSI WATTI'U AL᷊AL᷊USASSA

²² Nasilakate i yamiu apan pande ma'inumma anggore! I yamiu apan waṛṛani wuṛṛu pande mallo'an ua'e ma'awu'anna!

YESAYA 5:22 Referans Kwoze

YESAYA 5:11

Nasilakate i yamiu! Wuassu rua'allo maddatingngu ṛabbi manaranu tumba'u ma'inumma ua'e ma'awu'anna wuṛṛu mabbu'anna.

HABAKUK 2:15

Niawontohante i'o! I'o mallobbossa wuṛṛu mammansili al᷊indongannu; i'o na'ola'a si mangitou sussansendekka ere taumata wu'anna.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

YESAYA 56:12

Manga mabbawu'anna udde mabbisara, ‘Wette i ite ma'inumma anggore wuṛṛu ma'inumma sara mawusa! Tiṛṛabbi sarun mappianne wuassu allo indi!’ ”

SASABANGNGA 23:8

Imbaṛṛangnga manengkamma roitta aonggolla, ana waugu roitta aonggolla udde ma'awuta su ola'u inolaanna mapia wuṛṛu ma'arugi manga taumata apan tawe sal᷊ane.

AMSAL 20:1

Ua'e apan maawu'anna maaola'a taumata tawe atoranne wuṛṛu mahio. Nawoddote taumata apan ma'inumma ma'oman sara iwu'anne.

AMSAL 23:29

Masingkatawe i'o apa apan sarun mariaddi su taumata apan ma'inumma anggore tumaniten manambo, wuṛṛu masokka mattemma ua'e maawu'anna? Taumata udde susa wuṛṛu uatataṛṛangnga. I tou sidutu uatatiakka wuṛṛu sussal᷊iomanna. Matane maṛṛamutta wuṛṛu awangnge nangkal᷊essa, salaiwe sarangkanambone udde wotongnge ial᷊inda'i tou.

AMSAL 31:4

Paanaungete, Lemuel! Ma'inumma anggore wuṛṛu nanamitannu minumanna maawu'anna, tawe ṛinone su tembonanne.

YESAYA 22:13

Arawe mappianne, i yamiu pallal᷊umanna'e wuṛṛu papesetta. I yamiu pakkata sapi wuṛṛu domba, uminassa ṛemessa wuṛṛu ma'inumma ua'e anggore lapiddu mabbisara, “Wette i ite umanna wuṛṛu ma'inumma, ana waugu tiṛṛabbi i ite matete!”

YESAYA 24:9

Tate lai taumata ma'inumma anggore ringannu mangngantari, tate lai taumata apan mamendamma temangngu ua'e ma'awu'anna.

1 MARARATU 20:16

Pamamangalo nitattakka allo sutempo i Benhadad wuṛṛu tallun pul᷊o dua ratu apan naola'a hawene udde tantal᷊anna ma'inumma na'oman sara niwu'anne sulal᷊ummu rasanni mangitou.

AMSAL 31:5

Ana waugu, amungkangngu ratu ma'inumma ua'e maawu'anna, i tou naabul᷊iten tita wuṛṛu tate maddaringikka taumata lal᷊ebbone.