YESAYA 5:21 - WUKE SUSI WATTI'U AL᷊AL᷊USASSA

²¹ Nasilakate i yamiu apan mammendamma watangannu pande wuṛṛu lembon masingkatta!

YESAYA 5:21 Referans Kwoze

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

AMSAL 26:12

Taumata woddo ta'e lai mappianne wuassu taumata apan massunna watanganne pande.

ROMA 1:22

I mangitou mammendamma manungku i mangitou pandete, wutte'e i mangitou woddo.

YOHANES 9:41

Mawu Yesus sinumimbakka, “Unnu wisara i yamiu wuta, i yamiu tawe marosa. Arawe ana waugu i yamiu mabbisara, ‘I yami ma'asilo,’ udde atappasanne i yamiu ta'e marosa.”

AMSAL 26:16

Iapa malassa massunna watangnge mannamboanne apande wuassu siri pitu taumata apan sinumimbakka naṛṛino.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

AYUB 11:12

Amungkangngu inangngu keledai lul᷊u maṛṛana'u keledai maṛṛaro, wakkute udde taumata woddo mabbal᷊i pande.

YESAYA 37:23

Masingkattawe i'o isai apan lallelannu wuṛṛu aal᷊uandahannu udde? I Ya'u, Ruatan Israel, Ruata apan na'ukkassa.

YESAYA 40:23

I tou na'ola'a manga tembonanne tawe naal᷊iore, wuṛṛu manga ahewal᷊anne niawul᷊iannu taṛṛinone.

YESAYA 47:10

I'o uapendamma matammudda sulal᷊ummu al᷊al᷊eonu, unnu pahinu inolaannu tawe ellehanna. I'o iaal᷊iwun apandenu wuṛṛu asingkannu, su sunnanu taweddu ere i'o.

YESAYA 10:13

Ratun Asyur mammunga, wisarane, “Sarangkanambone udde ta'u olaanna ringannu taṛṛino'u sassane. I ya'u masiṛṛongnga wuṛṛu pande. I ya'u mamappassa passarannu manga walahanna, wuṛṛu i ya'u nangaṛṛo saddia mangitou. Ere bantenga i ya'u naṛṛinda manga taumata apan uaparenta.