YESAYA 5:2 - WUKE SUSI WATTI'U AL᷊AL᷊USASSA

² I tou mammasolla letangnge wuṛṛu mandamme manga watune. I tou nassuannu anggore apan nipilene i tou napararisikku wal᷊en matanggakka pandiagganna. I tou naal᷊i sambau loṛṛangnga tampa pamakkannu anggore, ana see i tou naṛṛaddo wuane mal᷊aha arawe wuane ewe'e anggore apan mapakkadda.

YESAYA 5:2 Referans Kwoze

YEREMIA 2:21

I'o Ta'u nisuanna ere punnu anggore apan Ta'u nipile wuassu wualanna apan apianne. Arawe orassa indi i'o nawal᷊ute, naola'a sasuanna lul᷊u wuṛṛu tawe gunane.

1 KORINTUS 9:7

Taweddu sangkatou tantara apan ṛinone madea'a pabbawiakke sassane sulal᷊ummu amul᷊annu tantara udde! Tawe mabbawailla apan massuannu anggore su waille see tawe umanna wuan anggore wuassu waille udde! Tawe mandariaga apan mappadul᷊i domba, see tawe ma'inumma susu wuassu manga dombane udde!

MARKUS 11:13

Ro'en marau i Tou naasilote sangkalu alu ara rongnganne masindumunna. Nariaddi Tou inaite ringannu alu ara udde ma'ellega tanne pia buane ara'e tala. Arawe su tempo i Tou na'omate su alu udde, i Tou tawe naasilo apa-apa, tumba'u rongngane sassane, ana waugu tempo udde taambe tempone ara mabbua.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

MARKUS 12:2

Napawe nia'omante tempone mangitingnga wuan anggore, taumata udde nandolokku sangkatou allangnge ringannu mammamanaram waillu anggore udde, iapatarimmattu wageangnge.

MATIUS 21:34

Napawe nia'omante pangangitingngu wuan anggore udde, tatahuannu leta'a nandolokku manga ralol᷊oṛṛanne ringannu mamamanaram bailla udde, iapatarimmatta wageangnge.

MATIUS 21:19

I Tou naasilo sangkalu alu ara su winggin dal᷊anna. I Tou inaite su al᷊ungngu alu udde, arawe tawe naasomba wuane saran sambau, tumba'u rongngane sassane. See Mawu Yesus nabbisarate alu udde, “I'o sarun tate mabbua!” alu ara udde lapiddu tinumolangnga.

MIKHA 4:8

Wuṛṛu i'o Yerusalem, tampan Duata uariagga uman-Ne ere mallal᷊u'adda uataṛṛapa ammul᷊annu dombane, i'o sarun masul᷊e apia maola'a inangngu soan araratuannu ere paarorone.

HOSEA 10:1

Israel naal᷊ihidda punnu anggore apan wuane nabbelle'a. Lembon aatambanna awawantuge, lembon aatambanna mezbah apan niolangnge. Lembon manambo anna, lembon mapia lai manga palen paal᷊uanna apan sassubbanne.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

YESAYA 1:8

Tumba'u Yerusalem nallambe, arawe naola'a soa apan lal᷊iwunanna wuṛṛu tate maa'al᷊iore, naal᷊ihidda rasanna su waillu anggore ara'e sambengessa su waillu katimu.

NEHEMIA 13:15

Sutempo udde i ya'u naasilo manungku su allon Sabat manga pira taumata su Yehuda mammakkan anggore. Pia taumata waine lai apan mallurannu gandumma, anggore, wuan ara wuṛṛu manga saranapa waine su keledaine wuṛṛu niapidde watukku Yerusalem. I mangitou ta'u nisingadda mabbal᷊u'a su Yerusalem.

MAL᷊AṚṚUUNGNGA 16:4

Wua'udde i Simson piate naungnga su sangkatou wawine wuassu Wawal᷊annu Sorek. Arannu wawine udde i Delila.

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

REENGANNA 23:9

Wuassu puiddu manga wowone i ya'u ma'asilo si mangitou; wuassu manga wuidda i ya'u ma'ellega si mangitou. Pa'ellega sambau walahanna apan uaṛṛae tawe nasutta su wageangngu walahanna waine.

SASABANGNGA 33:16

Ereapa taumata sarun maasingkatta manungku I'o mal᷊uassa si ya'u wuṛṛu su walahanna indi amungkangngu I'o tawe mantul᷊ungngi yami? Darantan Mawu su pattangnganni yami sarun paṛṛalane si yami wuassu manga walahanna waine su runia.”

MATIUS 21:33

“Daringiṛṛe sasumandingnga sambau indi lai,” unnu Mawu Yesus. “Sangkatou tatahuannu leta'a nassuanna su sambau waillu anggore. I tou na'ola'a paggala pinamal᷊iwutta, wuṛṛu na'al᷊i, loṛṛangnga pangadoannu pamamakannu anggore, wua'udde niapararisikke wal᷊em pandariaganna. Wua'udde i tou napasewatem baillu anggore udde su mamamanarane, see i tou nangingkatte su wanua waine.

MARKUS 12:1

Wua'udde Mawu Yesus nanattakke mangngaṛṛa'a ringannu sasumandingnga su manga imam tembonanne, manga hurun agama wuṛṛu manga piaṛṛa'u Yahudi udde. Mawu Yesus nabbati'e, “Pia sangkatou nassuanna su sambau waillu anggore, see wailla udde pinal᷊iwutannu paggala. Wua'udde i tou naal᷊i loṛṛangnga pa'olaanna pamakkannu anggore, see i tou napararisikku wal᷊em pandariaganna. Wua'udde i tou napasewan waillu anggore udde su sire pira mammamanara, see inaite su wanua waine.

2 SAMUEL 7:10

See lai pabbawala-U Israel buatte Ta'u nisaddianna tampa wuṛṛu Ta'u nirolokka i mangitou mamanua isudde, tadea'u i mangitou wotongnge mabbiakka ringannu matammudda, taweddu manal᷊awa'a lai. Ro'en i mangitou naranta su leta'a indi dorone, wuṛṛu lai Ta'u nitenega manga piaṛṛa'i mangitou, i mangitou buatte nipangaloannu manga taumata apan maapulun araṛṛagissa, arawe olangnge udde tawe nariaddi apia. I Ya'u maddiandi manungku i'o sarun marau wuassu al᷊awo'u hatin seetta, wuṛṛu i Ya'u lai sarun mangonggollu papapulunna si'o.

DARALO 80:8

Oh Ruata Apan Lembontaṛṛino, uwusewe i yami; ellehe i yami ringannu naungnga mal᷊uassa, tadea'u i yami masal᷊amatta.

DARALO 80:9

Uman-Nu naahil᷊idda punnu anggore apan niingkan-Nu wuassu Mesir. Manga walahanna waine nilimbuaṛṛan-Nu, ana see alu udde nisuan-Nu su wanuan mangitou.

YEREMIA 11:17

Ete i Ya'u apan napararisikku Israel wuṛṛu Yehuda, i Ya'u, Mawu Apan Lembontaṛṛino. Arawe, orassa indi i Ya'u buatte nakkiinna mandantan asasilaka si mangitou. Ete i mangitou sassane apan naarantaran sarangkanambone udde, ana waugu i mangitou buatte na'ola'a al᷊al᷊eo, eteudde mangngonggollu sasamba si Baal na'oman sara i Ya'u nasa'u.”