YESAYA 5:16 - WUKE SUSI WATTI'U AL᷊AL᷊USASSA

¹⁶ Arawe Mawu Apan Lembontaṛṛino namasilon awawantu-Ge ringannu ma'ola'a manara apan atonna. I Tou sarun mamasilon asasusi-Ne ringannu makkuungngu walahanna.

YESAYA 5:16 Referans Kwoze

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

YESAYA 12:4

Sarun a'omanna tempone i yamiu mabbisara, “Pa'adiangkamante su Mawu, wuṛṛu passubbate si Tou. Pasingkata'e su manga walahanna awawantuga wuṛṛu al᷊awo'u inolaan-Ne.

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

1 PETRUS 2:15

Ana waugu Ruata maapulu tadea'u ringannu manga inolaannu apan mapia i yamiu maṛṛapinga moṛṛongu taumata apan wagga maggahatto.

YEHEZKIEL 36:23

I Ya'u sarun mapal᷊iatta'u awawantugu arang-Ku apan bahewalla udde, aranna apan buatte nilal᷊eong kamiu suwallattu manga walahanna, ne i yamiu masingkatte manungku i Ya'u Mawu. I Ya'u Mawu Apan Atanggaṛṛanne buatte nabbisara. I Ya'u sarun mappaatti yamiu tadea'u iapa'ellega su manga walahanna manungku i Ya'u indi na'ukkassa, Mawu Apan Lembonna'ukkassa.

YESAYA 29:23

Ana waugu napawe i yamiu naasilo manga anangngu apan Ta'u nionggolla si'o, ne i yamiu sarun manga'u manungku ete i Ya'u Ruata na'ukkassu Israel. I yamiu sarun mangaddatta si Ya'u wuṛṛu mata'u-U.

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.

YESAYA 33:5

Mawu tumanite mawantuga; i Tou uataṛṛino al᷊awo'a. I Tou sarun manduittu tita wuṛṛu atatul᷊idda su Yerusalem

YESAYA 8:13

Naungete manungku i Ya'u, Mawu Apan Lembontaṛṛino uddewe susi. Tumba'u i Ya'u apan ṛinone iaata'unnu.

YEHEZKIEL 38:23

Ringannu olangnge udde sarun Ta'u iapal᷊iatta'a si mangitou al᷊awo'u walahanna manungku i Ya'u indi mawantuga wuṛṛu na'ukkassa. Ne i mangitou masingkatte manungku ete i Ya'u Mawu.”

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 2:17

Taumata mawunga sarun iapawawo, wuṛṛu taumata matanggakka iapasuṛṛubbawa. Tumba'u Mawu sassane apan wantuhanna.

SONDAPPA 4:8

Siri appata riadianna udde, sambau-sambau pia papaidde annuma, wuṛṛu su ahewallu wadange, wuṛṛu sulal᷊umme napene mata. Allo ṛabbi manga riadianna udde tawe illol᷊one mangngantari, “Susi, susi, susi arannu Mawu, Ruata Lembon Taṛṛino; apan nirumanta, suete nirumanta, wuṛṛu nirumantate sarangkal᷊o'engnge.”

YESAYA 61:8

Mawu nabbisara, “I Ya'u marangngu atatul᷊idda wuṛṛu maddantinnu pangangallanga se'e lai al᷊al᷊eo. I Ya'u sarun mangonggollu hadinu ringannu uaatokka, wuṛṛu mangiittu paddariandi sarangkal᷊o'enge ringanni yamiu.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

DARALO 21:13

I Tou sarun mamiti'u anaan-Ne, na'oman sara i mangitou mabbelengnga wuṛṛu tumal᷊angnga.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

1 PETRUS 1:16

Sulal᷊ummu Wuke Susi uawoṛṛetta, “Ṛinone i yamiu susi, ana waugu i Ya'u susi.”

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

YEHEZKIEL 28:22

Pasingkata'e su tumanangnge manungku i Ya'u Mawu Apan Atanggaṛṛanne mabbisara si mangitou, ‘I Ya'u indi seennu, ei Sidon. Manga taumata sarun maddalo si Ya'u ana waugu inolaang-Ku su saruannu. Sutempo i Ya'u nakkuumannu tumanangngu, i mangitou sarun maasingkatta manungku ete i Ya'u Mawu apan na'ukkassa.

1 PETRUS 3:15

Arawe sulal᷊ummu naungngu, ṛinone i yamiu mangonggolu addatta si Kristus sassane ana waugu i Tou Mawu. Wuṛṛu ṛinone i yamiu siddutu uasaddia sumimbaka anambon taumata apan maiwal᷊o si yamiu su ola'u antimma apan tatahuannanni yamiu.

YESAYA 33:10

Mawu nabbisara su walahanna udde, “Orassa indi Ya'u sarun dumarisikka wuṛṛu mammanarate mapal᷊iatta'u taṛṛino-U.

YEHEZKIEL 20:41

Napawe i yamiu Ta'u niapidda sinumabbangnga wuassu manga wanua sutampa i yamiu nisal᷊iawukka, i Ya'u sarun mangammulli i yamiu wuṛṛu manengkamma al᷊awo'u sasambanu itattambunna. Ne anambon balahanna maasingkatte manungku i Ya'u indi Ruata Apan na'ukkassa.

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

REENGANNA 20:13

Eteudde al᷊immatan ua'e su Meriba. Su tampa udde manga taumatan Israel sussamboṛṛe su Mawu, wuṛṛu isudde lai Mawu napal᷊iatta'u taṛṛino-Ne apan susi su walahanna udde.

YESAYA 2:9

Suapan taumata sarun pansilianna wuṛṛu iapawawo. Arie pa'ampungewe i mangitou oh Mawu!

YEHEZKIEL 28:25

Mawu Apan Atanggaṛṛanne nabbisara, “I Ya'u sarun mangammullu manga taumatan Israel wuassu manga wanua marau sutampa i mangitou apan buatte Ta'u nisal᷊iawukka, wuṛṛu anambon balahanna sarun maasingkatta i Ya'u na'ukkassa. Walahannu Israel sarun matana'a apia su leta'i mangitou sassane, leta'a apan buatte Ta'u nionggolla si allang-Ku Yakub.