YESAYA 5:13 - WUKE SUSI WATTI'U AL᷊AL᷊USASSA

¹³ Ana waugu udde uma-U apan waggan napa sarun ehetanna inai maola'a taumata niatawanna. Manga mamamiaṛṛa'a wuṛṛu tumana'u soa sarun mate amal᷊unusanna wuṛṛu amarouanna.

YESAYA 5:13 Referans Kwoze

HOSEA 4:6

I yamiu, manga imam, tate maddaringikka si Ya'u, ne uma-U lai tate maddaringikka si Ya'u na'oman sara i mangitou nasilaka. I yamiu mannola'u manga al᷊aṛṛa-U. Nariaddi, i Ya'u sarunmanol᷊a'i yamiu, wuṛṛu manga anangu tawe Ta'u a'uanna maola'a manga imammu Mawu.

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

YESAYA 1:7

Wanuanu buatte nihohakka; manga soanu nitutungnga na'oman sara nepodda. Su saruannu matanu taumata raho mangnganu letangngu wuṛṛu mandomba al᷊awo'a.

2 PETRUS 3:5

I mangitou atonna tawe manga'u manungku su al᷊amonane Ruata nandiaddi langitta wuṛṛu runia wuassu ṛengtan-Ne. Runia niriaddi-Ne wuassu ua'e, wuṛṛu ringannu ua'e;

LAL᷊ALLU 4:9

I mangitou nasansara wuṛṛu nate u'onggamma, ana waugu atonna-tonna tawe anna; iapa nate su papangaloanna, ma'untunganna wuassu nate namal᷊unusanna.

YEREMIA 14:18

Napawe i ya'u inai watukku wadda'a, i ya'u naasilo manga winal᷊unanna sol᷊on pangalo. Sulal᷊ummu soa i ya'u naasilo asasusa, taumata mateten al᷊al᷊unussa. Nabi wuṛṛu imam mappaamattu manarane ringannu tawe apa apan a'olaanni mangitou.”

YEREMIA 14:3

Manga mangangimbe taumata ala nirolokka maddea'a ua'e su al᷊awo'u tampa; tate loṛṛone wensadda apan niapiddi mangitou apia. Ringannu u'al᷊iwu wuṛṛu tate antimma i mangitou massili wuṛṛu nallindumma hati.

YEREMIA 8:7

Waṛṛoa lai masingkatta tempone i tou mabbelengnga; tekukur, tal᷊umpiso'a wuṛṛu murai lai masingkattu tempone mangingkatta. Arawe i yamiu, uma-U, tawe maaillal᷊a manga tita apan Ta'u nionggolla si yamiu.

LUKAS 19:44

I mangitou sarun maṛṛimunsa'a si'o wuṛṛu anambon tumanangngu; wuṛṛu tawedu saran sambau itantangngi mangitou watu uaatokka su tampane, ana waugu i'o tawe manutukka tempone Ruata rumanta manal᷊amatta si'o!”

AMOS 8:13

Su allo udde ewe'e lai manga taumata saṛṛen tumuwo apan lal᷊umannangnge lai mapia sarun mawantingnga ana waugu narou.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

YESAYA 3:1

Mangke atonna, Mawu Apan Lembontaṛṛino sarun manganu wuassu Yerusalem wuṛṛu Yehuda al᷊awo'u anna wuṛṛu ua'e apan sasahipunanna. Aroddi lai anambon taumata apan ia'bansakki mangitou:

YESAYA 3:3

perwira, taumata piaṛṛangnge wuṛṛu mapapanden araratuanna, taṛṛa wal᷊i'in mata wuṛṛu taṛṛa si'atta.

YESAYA 23:9

Mawu Apan Lembontaṛṛino, ete i Tou apan makkawessa wuṛṛu manguddussu awawungan tumanangnge su anambon hessi manara apan buatte niola'i mangitou, wuṛṛu namawo manga taumata apan aaddatanna su runia.

YESAYA 44:19

Ma'aola'a paal᷊uanna udde tawe na'oma maṛṛingidda, “Alu udde sambageanganna tutungangku, wuṛṛu waṛṛane ta'u ipaatta ipallol᷊o roti wuṛṛu ipattapan ṛemessa maola'a wia'u. Ana see lamben kalu udde ta'u niola'a paal᷊uanna. Nariaddi orassa indi i ya'u massubba alu sangkabbuwu!”

YESAYA 49:21

Ne i'o sarun mabbisara sulal᷊ummu naungnga, ‘Isaite apan nanungkangngu manga ana'a udde si ya'u? Wal᷊inewe i ya'u buatte niawul᷊iannu manga ana'u, wuṛṛu tate mapanungkangnga apia? I ya'u niapidda sulal᷊ummu pamamuanganna wuṛṛu niṛṛae wuṛṛu nitantangnga sassane. Nariaddi wuassuapa manga ana'a udde, wuṛṛu isaite apan nabbuwunna si mangitou?’ ”

YESAYA 65:13

Mangke atonna, taumata apan massubba si Ya'u sarun umanna, wuṛṛu i yamiu amal᷊unusanna. I mangitou sarun ma'inumma, arawe i yamiu amarouanna. I mangitou sarun lumuassa, arawe i yamiu pansilianna.

YEHEZKIEL 7:12

Tempone mal᷊ihakke rumanta, allone maranite! Mamamalli wuṛṛu mabbawal᷊u'a tawe naasomba auntunganne apa-apa, ana waugu ṛuumannu Ruata maṛṛia su anambon taumata.

AMSAL 10:21

Wisaran taumata apan mapia, maola'a al᷊amatta su anambon taumata; awawoddon taumata woddo mammate watanganne sassane.