YESAYA 49:9 - WUKE SUSI WATTI'U AL᷊AL᷊USASSA

⁹ Taumata apan nitaṛṛo su tattupanna Ta'u iapasabbanga; apan su tampa marandumma Ta'u iapidda su asasemakka. Ewe'e lai wuidda apan lol᷊okka i mangitou tawe atalanne, su al᷊o'engngu lal᷊anna nasaddiate anna.

YESAYA 49:9 Referans Kwoze

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YESAYA 41:18

I Ya'u na'ola'a manga sal᷊ukka mangngelekka su manga wuidda apan lunggukka; matan kua'e sarun umal᷊iwombonga su pattangngannu ammaranne. Wadda'a mal᷊alangnga sarun Ta'u olaanna rano; ua'e sarun ṛumawiassa wuassu leta'a apan mamara.

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

DARALO 102:20

Mawu ual᷊ellega wuassu tampa-Ne apan matanggakka, wuassu surga i Tou nangintanno runia

DARALO 69:33

Naasilo udde, taumata niallangnga lulluassa, taumata apan massubba Ruata naungnge wahewalla.

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

YOHANES 10:9

Ete i Ya'u ngara. Isai apan sumutta sumabbi si Ya'u, sarun masal᷊amatta; i tou sumabangnga wuṛṛu sumutta sarun maasomba wiakka.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

LUKAS 1:79

aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

YEHEZKIEL 34:29

I Ya'u sarun mapaasuwukku manga wawail᷊anni mangitou ma'oman sara tate tempon ṛutumma lai su wanua udde. I mangitou tate al᷊uandahannu manga walahanna waine.

YEHEZKIEL 34:23

I Ya'u sarun manenegu sangkatou ratu apan ere allang-Ku Daud, tadea'u maola'a mallal᷊u'addi mangitou, wuṛṛu i tou sarun mappadul᷊i si mangitou.

YESAYA 65:13

Mangke atonna, taumata apan massubba si Ya'u sarun umanna, wuṛṛu i yamiu amal᷊unusanna. I mangitou sarun ma'inumma, arawe i yamiu amarouanna. I mangitou sarun lumuassa, arawe i yamiu pansilianna.

YESAYA 5:17

Su winal᷊alannu soa ana'u ambingnga wuṛṛu domba sarun umanna nannalo wuṛṛu tawe asueannu pabbawiakka.

DARALO 146:7

I Tou nangambanga manga taumata apan niallangnga, wuṛṛu nangonggolu anna su taumata apan mal᷊unussa. Mawu namallossu manga taumata apan tataṛṛanganna,

DARALO 22:26

Supattangannu ammul᷊annu taumata i ya'u maddalo Si'o, ana waugu sarangkanambone apan buatte niolang-Ngu. Su saruannu taumata apan mangngimanna i ya'u nangonggolu sasamba apan ta'u pina'ire.

TAHIUL᷊E 32:13

I Tou na'ola'a si mangitou uataṛṛino manga wowone; i mangitou u'anna hessin manga wawail᷊anna wuṛṛu ma'inumma pul᷊an ahuranganna wuassu wuiddu watu. I mangitou naasomba lana wuassu punnu alun zaitun apan tinumuwo su leta'a wabbatuanna.

LUKAS 2:32

naal᷊ihida semakka apan mannemakka lal᷊annu manga walahanna waine, ana see rumanta ringan-Nu; eteudde asasemakka apan mandantan awawantuga su al᷊aṛṛanang-Ngu Israel.”

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

IMAMATTA 25:54

Amungkangngu i tou tawe atubbusanna ringannu sambau lal᷊anne udde, i tou wuṛṛu manga anangnge ṛinone ipallossa sulal᷊ummu Tonna Pamamelenganna manansunna.