YESAYA 49:8 - WUKE SUSI WATTI'U AL᷊AL᷊USASSA

⁸ Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

YESAYA 49:8 Referans Kwoze

2 KORINTUS 6:2

Sulal᷊ummu Wuke Susi, Ruata nabbisara, “Su tempo apan ipaapulu, i Ya'u buatte naddaringikka Si'o, wuṛṛu su allon pananal᷊amatta, i Ya'u buatte nantul᷊ungngu.” Naunge paapia-pia, ete orassa indi tempo apan ipaapulu-U udde. Ete orassa indi tempone ipanal᷊amatta.

YESAYA 42:6

“I Ya'u, Mawu, namaggo wuṛṛu mapamanaranu mapaamattu atatul᷊idda. I'o i Ya'u ehetanna wuṛṛu paddul᷊ianang-Ku tadea'u maola'a pa'aire su umattu taumata, wuṛṛu semakka su anambon walahanna.

DARALO 69:13

I ya'u nabbal᷊i ipaal᷊umeme su tampa taumata uaammula, wuṛṛu antarin manga taṛṛa wu'anna su ola'u riri'u.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

YESAYA 61:4

I mangitou sarun mapararisikku manga soa apan mal᷊annute nahohakka wuṛṛu manul᷊e manga tampa apan mal᷊annute mal᷊annabba.

YESAYA 58:12

Soa apan mal᷊annute naola'a winalal᷊anna sarun iapararisikki yamiu apia su rapappake tabbe. I yamiu sarun isaggo ‘Walahanna apan napararisikku apia manga tanda'a batu wuṛṛu nanaṛṛupia manga wal᷊en apan nangkahohakka.’ ”

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

YESAYA 51:16

Ete i Ya'u apan namilattu langitta wuṛṛu nangaddon manga mal᷊ita'u runia. Ya'u nabbisara si Sion: Ete i'o uma-U; i Ya'u mangonggollu al᷊aṛṛa-U si'o wuṛṛu manillumma si'o ringannu taṛṛino-U.”

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

YESAYA 54:3

I'o sarun aatambanna ahewalle watukku aikkatanna ara'e lai aiṛṛi, tumanangngu sarun mangintaṛṛe su leta'u manga walahanna wuṛṛu matana'a su manga soa apan orassa indi mal᷊annabba.

YESAYA 49:19

Wanuanu apan mamara wuṛṛu mal᷊annabba, orassa indi nabbal᷊ite maṛṛipusi'a su manga taumata apan mappulu mamanua isudde. Wuṛṛu manga taumata apan maapulu mamate si'o, maraute wua dingannu.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 26:3

Mawu, I'o nangonggollu paddarame wuṛṛu lal᷊umanna'a su taumata apan naungnge matammudda, ana waugu i tou mangngimanna Si'o.

DARALO 75:3

Ruata nabbisara, “Sutempo apan Ta'u nitantunna, i Ya'u sarun makkungnga ringannu atatul᷊idda.

DARALO 2:8

Padorongke, ne anambon walahanna Ta'u ionggola Si'o, wuṛṛu ahewallu runia Ta'u olaanna pussaanu.

IBRANI 8:6

Arawe orassa indi Mawu Yesus naasomba manaran imam apan lembon awantuhanne wuassu apan nimmanara manga imam udde. Ana waugu paaire apan niola'a su wallatu Ruata wuṛṛu taumata, eteudde pa'aire apan lembon apianne ana waugu pinangianannu paaire hunane su manga inolaanna apan lembon apianne.

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

YESAYA 57:13

Napawe i yamiu mangintul᷊i, wala'e manga paal᷊uanna udde manal᷊amatta si yamiu! I mangitou sarun mawul᷊i italla'u anginna wuṛṛu mahangginna ringannu tiupanna paassa sumangngo! Arawe taumata uatullindumma si Ya'u sarun maapussa'a wanua udde wuṛṛu massubba Si ya'u su Wal᷊e-U.”

YESAYA 58:5

Napawe i yamiu mappuasa, i yamiu mannansara watangannu, i yamiu uaru'uttu puanu ere rongngan wal᷊abbuka. I yamiu mammilattu kaingnga karongnga wuṛṛu mannal᷊iawukku awu, see natiilla rosone. Eteudde apan isassaggon kami mappuasa? Sunannu i Ya'u mal᷊uassa su inolaanni yamiu udde?

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

YESAYA 65:9

Sambageanganna taumatan Israel wuassu ṛuanganni Yehuda sarun Ta'u al᷊amatanna, wuṛṛu papapulunni mangitou sarun maapussa'a leta'u panenteang-Ku. Manga taumata nipile-U apan mattaṛṛamawu si Ya'u sarun matana'a poiaroddi.