YESAYA 49:4 - WUKE SUSI WATTI'U AL᷊AL᷊USASSA

⁴ Arawe i ya'u nabbisara, “Asasaha'u tawe gunane; ikka'u niinsue ringannu tawe gunane!” Arawe i ya'u mangimanna Mawu mannamba'a si ya'u, Ruata mabbal᷊issa si ya'u tumuṛṛuttu inolaangku.

YESAYA 49:4 Referans Kwoze

YESAYA 35:4

Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

GALATIA 4:11

I ya'u sussinggawangnga, aṛṛengenne asasaha'u indi si yamiu tawe gunane.

2 KORINTUS 12:15

Ana waugu udde ringannu naungnga mal᷊uassa i ya'u manantillu al᷊awo'u darotongku si yamiu, ewe'e wadangku sassane lai. Amungkangngu i ya'u aroddi arangngune si yamiu apa i yamiu tawe mandangngu si ya'u?

2 KORINTUS 2:15

Ana waugu i yami naal᷊ihida hal᷊urun amania apan mawangngi, apan tinutungngu Mawu Yesus hunane su Ruata. Su saruannu manga taumata apan mattudan papate, i yami indi naal᷊ihida hal᷊urun papate apan maapate; arawe su taumata nambo apan tantal᷊anna iapaasal᷊amatta, i yami indi naal᷊ihida hal᷊uru mawangngi apan mandantan pabbawiakka. Ei, isai wotongnge maasuungngu manara indi?

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

MATIUS 17:17

Mawu Yesus sinumimbakka, “Wal᷊ine hampa i yamiu indi! I yamiu atonna tonna taumata apan wengkolla wuṛṛu tawe mangngimanna. Ma'oman sara tingngera i Ya'u ṛinone uatana'a ringanni yamiu wuṛṛu manabare su al᷊al᷊eong kamiu? Apira'e ana'a udde inawarea!”

YEHEZKIEL 3:19

Amungkangngu i'o mapanaungngu taumata lal᷊eo udde wuṛṛu i tou maddiri umaddo ma'ola'a al᷊al᷊eo, i tou sarun mate ere sangkatou taumata marosa, arawe i'o sassane sarun masal᷊amatta.

YESAYA 65:23

Sarangkanambone apan a'olaanni mangitou sarun mahessi, wuṛṛu al᷊aṛṛana'i mangitou tawe aṛṛombanganne mate. I mangitou wuṛṛu papapulunni mangitou sarun Ta'u al᷊amatanna saran mal᷊annu-l᷊annu.

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”

YESAYA 40:10

Pa'ellege, Mawu Ruata nirumanta ringannu taṛṛino mapaamattu manarane ringannu awawaṛṛani. I Tou tatantalongannu manga taumata apan buatte nipallossi Tou.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

ROMA 10:21

Arawe su ola'u walahannu Israel Yesaya nabbisara, “Arendite unnu Ruata, ‘Su al᷊o'engngu allo i Ya'u mangngul᷊ukku lima-U su sambau walahanna apan mal᷊awangnga wuṛṛu tawe tumuṛṛutta.’ ”

YOHANES 1:11

I Tou nirumanta su wanua-Ne sassane, arawe pabbawala-Ge maddiri manarimmatti Tou.

LUKAS 24:26

Wal᷊inewe Ratum Punnu Sal᷊amatta udde sarun mamendamma asasusa rorone, wua'udde na'omate su awawantug-Ge?”

YESAYA 65:2

I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.

IMAMATTA 26:20

Anambon inasaharannu tawe gunane, ana waugu letangu tawe mangonggolu hessine wuṛṛu manga sasuannu sarun tawe mabbua.

AMSAL 29:26

Manambo taumata apan maddea'a aranna su tembonanne, arawe mangonggollu atatul᷊idda tumba'u Mawu sassane.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

YESAYA 40:27

Nariaddi Israel, anio i'o sussal᷊iomanna, ere ola'u Mawu Ruatanu wagga i'o massusa? Ere ola'u i Tou tawe pandumme su pal᷊addu pabbiaṛṛannu wuṛṛu tawe ma'ellega hakkanu?

YESAYA 57:21

Tawe atatammudda su taumata marosa,” wisara Mawu.

YESAYA 59:18

I tou nabbal᷊issa manga seen-Ne uasul᷊ungngu inolaanni mangitou. Ewe'e lai manga araratuanna su manga taṛṛanusa apan marau tawe mal᷊iudda wuassu ṛuuman-Ne.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”