YESAYA 49:26 - WUKE SUSI WATTI'U AL᷊AL᷊USASSA

²⁶ Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 49:26 Referans Kwoze

YESAYA 9:20

Taumatan Manasye wuṛṛu taumatan Efraim uapapangalo, see na'aukka nilumawangnga Yehuda. Arawe Mawu ta'e massa'u wuṛṛu sidutu makkuumanna.

SONDAPPA 16:6

I mangitou suete napaaturon ṛaṛṛam walahannu Ruata wuṛṛu ṛaṛṛa manga nabi; orassa indi I'o mappa'inummu ṛaṛṛa si mangitou. Atonna, naṛṛinote udde maola'a si mangitou!”

YEHEZKIEL 39:7

Arawe supattangngannu taumatan Israel, sarun Ta'u iapasingkatta arang-Ku apan na'ukkassa, wuṛṛu arang-Ku udde tate lai lal᷊eoanna. Ne manga walahanna masingkatte manungku ete i Ya'u Mawu, Ruata apan na'ukkassa wuassu Israel.”

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

YESAYA 43:3

Ana waugu ete i Ya'u Mawu, Ruatanu, Ruata na'ukkassu Israel, Mananal᷊amannu. Mesir Ta'u nionggolla maola'a tatubbussa si'o, Sudan wuṛṛu Syeba maola'a hahantinu.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

SONDAPPA 14:20

Manga wuan anggore udde nihilingnga su liuddu soa, wuṛṛu wuassu hahilingannu anggore udde mangngelekke ṛaṛṛa naal᷊ihida sal᷊ukka, araune tallu ṛasutta kilometeṛṛe, wuṛṛu al᷊al᷊umme marani n dua meteṛṛe.

YESAYA 45:6

Sarangkanambone udde Ta'u olaanna tadea'u wuassu ra'i maddatingngu waṛṛatta anambon taumata masingkatta manungku ete i Ya'u Mawu, tawe mawu waine tumba'u i Ya'u.

DARALO 83:18

Wala'ewe i mangitou sarangkal᷊o'engnge pansilianna wuṛṛu matta'utta, wala'ewe i mangitou mate sulal᷊ummu asasili.

MAL᷊AṚṚUUNGNGA 7:22

Su tempo i Gideon wuṛṛu manga taumatane tantal᷊anna mattiuppa trompeta, na'ola'a manga tantaran seetta uapapangalo rundussa i mangitou, i mangitou uapapilitte sangkatou ringannu waine. I mangitou tinumal᷊angnga watukku Zerera araune maddatingngu Bet-Sita wuṛṛu soa Abel-Mehola maranin Tabat.

PANDARIADDI 49:24

Arawe i Yusuf sidutu matohassa ta'iakke, sidutu matohassa anaanne, ana waugu taṛṛinon Mallal᷊u'adda Lembon Matohassa, Ruatan i Yakub, Mamamadul᷊in Israel.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 14:4

Napawe Mawu ma'ola'a udde, i mangitou sarun mangal᷊uandaga ratun Babel arendi, “Ratu maṛṛagissa nanawote! I tou tate mapangallangnga apia.

YESAYA 16:4

Wala'e i yami mattindaho su wanuanu. Lu'arewe i yami wuassu manga taumata apan mappulu mamate si yami.” (Pangangallangnga wuṛṛu pamamate sarun masue, wuṛṛu manga taumata apan makkimunsa'a wuṛṛu mangngallangnga wanua Israel sarun mawul᷊i.

YESAYA 19:20

Mezbah wuṛṛu diṛṛi udde naola'a sambau papasingkatta Mawu Apan Lembontaṛṛino udde su Mesir. Amungkangngu walahanna udde allanganna, wuṛṛu i mangitou umui maiontolla su Mawu, i Tou sarun mandolokku sangkatou iapasal᷊amatta si mangitou.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 51:23

Asasusa udde Ta'u nionggolla su mangangallangu, apan buatte nandolokku niapaatiilla su leta'a, wua'udde nakkinda si yamiu, ere ola'u i yamiu lal᷊anna apan a'amatannu taumata.”

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YEHEZKIEL 34:16

Iapa nawul᷊i Ta'u reaanna, iapa nilamammiṛṛane sarun Ta'u iapidda mapul᷊e, iapa nal᷊essa Ta'u wa'isanna, wuṛṛu iapa maradda'a ta'u undamanna; arawe iapa matawa wuṛṛu matohassa sarun Ta'u pateanna, ana waugu i Ya'u mallal᷊u'adda apan ma'ola'a apapia.

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.