YESAYA 49:24 - WUKE SUSI WATTI'U AL᷊AL᷊USASSA

²⁴ I yamiu ma'iwal᷊o, “Wotongngewe saranapa niaṛṛampassa aṛṛoanna wuassu ta'iakku taumata matohassa, wuṛṛu atawanna anuanna wuassu angkummu taumata maṛṛagissa?”

YESAYA 49:24 Referans Kwoze

MATIUS 12:29

Ereapa taumata wotongnge maasutta sulal᷊ummu wal᷊en sangkatou apan matohassa wuṛṛu mangaṛṛo darotongnge, amungkangngu i tou tawe maṛṛapussa dorone taumata matohassa udde? Wua'udde i tou wotongngete mangaṛṛo darotongnge.

YEHEZKIEL 37:3

Mawu naiwal᷊o si ya'u, “Ei taumata apan mattate, wotongngewe manga duṛṛi indi mabbiakka apia?” I ya'u sinumimbakka, “Mawu Apan Atanggaṛṛanne, tumba'u I'o apan masingkatta.”

YESAYA 42:22

Arawe walahanna udde nasuete pinangaṛṛoanna; i mangitou tinaṛṛanganna su manga wabbo'a sulal᷊ummu leta'a, wuṛṛu nitaṛṛo sulal᷊ummu manga tuttupanna. I mangitou naola'a sol᷊ene wuassu pangangaṛṛo udde, wuṛṛu taweddu nirumanta mangontolla.

EZRA 9:13

I yami buatte na'ola'a rosa wuṛṛu nilumawangnga tita-Nu, wuṛṛu I'o buatte nakkuumanni yami. Arawe yami masingkatta, oh Ruatan kami, manungku ṛuumanna apan nionggollu Mawu udde tawe tumanin mawakkatta apan ṛinone sengkamanni yami, ewe'e I'o ta'e lai nanalamatta si yami.

EZRA 9:9

Sutempo i yami ta'e su patataṛṛuallanga, I'o tawe nanantangngi yami. I'o na'ola'a si yami raddangnguannu manga ratun Persia wuṛṛu niwala mabbiakka see na'ola'a apia Wal᷊en-Nu apan ete winal᷊alanna udde. I'o nangongonggolla si yami atanaanna isindi, su Yehuda wuṛṛu Yerusalem.

YEHEZKIEL 37:11

Ruata nabbisara si ya'u, “Ei taumata apan mattate, manga duṛṛi indi atappasanne walahannu Israel. I mangitou sussal᷊iomanna manungku i mangitou naaiga, tawe antimma wuṛṛu tate allo addantane.

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

NEHEMIA 9:37

Al᷊awo'u hessin leta'a indi ṛinone itantilla su manga ratun banua. Manga tembonanne udde nipile-Nu wuassu uman-Nu maola'a ṛuumannu rosan kami su saruan-Nu. I mangitou mammrenta walate apulun naungnge su watanganni yami wuṛṛu winatangnga apan tatahuananni yami. Ana waugu udde orassa indi i yami uatataṛṛangnga, napenen sasassilla wuṛṛu asasusa!”

NEHEMIA 9:33

Manara-Nu matul᷊idda, niṛṛuuman-Nu i yami apan marosa; I'o sidutu satia salaiwe i yami napenen sangkulla.

MARKUS 3:27

Tawe saran sangkatou wotongnge maasutta sulal᷊ummu wal᷊en sangkatou taumata matohassa wuṛṛu mangaṛṛo darotongnge amungkangngu i tou tawe malliu ṛoro maṛṛapussa taumata matohassa udde. Wua'udde i tou wotongngete mangaṛṛo darotongnge.

YESAYA 5:29

Manga tantarane mammaṛṛo ere singa apan wakkute nanametta sinangngone, see tinal᷊angnge, wuṛṛu taweddu maapallossa.

NAHUM 2:13

“I Ya'u indi seennu,” unnu Mawu Apan Lembontaṛṛino. “Manga keretanu sarun Ta'u soṛṛowanna abbi. Tantaranu sarun mate sulal᷊ummu pangallo, wuṛṛu i Ya'u sarun manganu al᷊awo'u saranapa apan buatte nianunu wuassu taumata waine. Manga darongngu daroloṛṛannu sarun aringiṛṛanna apia.”