YESAYA 49:23 - WUKE SUSI WATTI'U AL᷊AL᷊USASSA

²³ Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 49:23 Referans Kwoze

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

YESAYA 60:3

Manga walahanna nirumanta mangngelekka watukku asasemakku, manga ratu ninumemman asasemakka apan nirumanta si'o.

MIKHA 7:17

I mangitou sarun umomangnga su leta'a ere atoanna. Ringannu matta'utta wuṛṛu mangngindo i mangitou sarun sumabbangnga wuassu tanda'a watu mangitou, wua'udde rumanta ringa-Nu, oh Mawu Ruatan kami.

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

ROMA 10:11

Sulal᷊ummu Wuke Susi uawoṛṛetta, “Taumata apan mangngimanna tawe iapaasusa.”

DARALO 25:3

Taumata apan nandal᷊eo Si'o sarun pansilianna, arawe apan mangngimanna Si'o sarun tawe sumassila.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.

YESAYA 64:4

Taambe saran paassa piaddu naaringikka, wuṛṛu taambe saran paassa piaddu naasilo manungku wal᷊ine wuas-Si'o, pia mawu apan mammanara, su taumata apan uaantimma si tou.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

DARALO 34:22

Taumata lal᷊eo sarun mate ana waugu al᷊al᷊eone, taumata apan maddantinu taumata susi sarun iṛṛuumanna.

1 PETRUS 2:6

Ana waugu sulal᷊ummu Wuke Susi uawoṛṛetta arendi, “I Ya'u suete namile sambau watu maarega, apan Ta'u niaddo su Sion maola'a watu apianne; wuṛṛu taumata apan mangngimanna si Tou tawe iapaasusa naungnge.”

ROMA 9:33

Su ola'u watu udde sulal᷊ummu Wuke Susi uawoṛṛetta arendi, “Paanaunge indi: Su Sion buatte Ta'u niaddo sambau watu apan sarun atarannu taumata; eteudde sambau watu wahewa apan sarun mangema'u taumata. Arawe taumata apan mangngimanna si Tou tawe sumassilla.”

YESAYA 62:2

Ei Yerusalem, manga walahanna naasilote auntungannu, manga ratu ua'ellegga awawantugu. I'o sarun isaggo ringannu aranna wakku, Mawu sassane apan mangonggollu aranna udde.

REENGANNA 11:12

Apa i ya'u nangilloṛṛo ara'e nanungkangngi mangitou udde? Anio I'o nandolo'u naola'a na'al᷊ihidda sangkatou inangnga uawawa ana'a addio'a, na'oman sara i ya'u sidutu mappadul᷊i si mangitou su al᷊o'engngu amatanna watukku leta'a apan nipa'ire-Nu su al᷊amona mangitou?

ROMA 5:5

Pangangantimma ereindi tawe mapaaddio'u naungngi ite, ana waugu naungngi ite nilloṛṛoannu Ruata ringannu darangngu-Ne. Ruata nammanara udde ringannu Ghaṛṛaho-Ne, apan suete nionggola si ite.

YESAYA 52:15

Arawe orassa indi manambo walahanna apan niolangnge tinumiangnga, manga ratu nimoune tinangngone. I mangitou sarun maasilo wuṛṛu maasunna, apan dorone awagananni mangitou.”

DARALO 138:4

Anambon ratu su runia sarun maddalo Si'o, oh Mawu, ana waugu i mangitou naaringikke paaire-Nu.

DARALO 68:31

Limbuaṛṛete Mesir, winatangnga mal᷊aṛṛaga udde wuassu pattangngannu tiwo. Tagguete manga walahanna, ammul᷊annu bantenga udde ringannu al᷊aṛṛanangnge, apan ual᷊aṛinda tadea'u maasomba sal᷊a'a. Ruata nanal᷊iawukku manga walahanna apan apulune uapapangalo.

YOEL 2:27

Ne i yamiu masingkatte, Israel, manungku i Ya'u udde su pattangngannu, wuṛṛu manungku i Ya'u, Mawu, uddewe Ruatanu. Tawe Duata waine, tumba'u i Ya'u sassane. Uma-U tate pansilianna apia!”

DARALO 69:6

Oh Ruata, I'o masingkattu manga pasasal᷊a'u rosa'u tawe iawuni Si'o.

PANDARIADDI 43:26

Napawe i Yusuf na'omate su wal᷊en, i mangitou nangonggolu manga aonggola udde si Yusuf apiddu niumal᷊intudda si tou.

PANDARIADDI 27:29

Antimanna manga walahanna maola'a allangngu wuṛṛu manga ṛuangannu walahanna uasuṛṛubawa si'o. Antimanna i'o uataṛṛino manga tuṛṛangngu, wuṛṛu pallaṛṛiten inangngu massubba su saruannu. Antimanna awontohana anambon taumata apan mammontoga si'o wuṛṛu al᷊amatan anambon taumata apan mangngal᷊amatta si'o.”

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

YESAYA 26:8

I yami uatantalongnga laṛṛawen-Nu, oh Mawu, wuṛṛu sidutu ual᷊aṛṛaddo Si'o; ete I'o raddaloanna wuṛṛu ilaṛṛintulu naungngi yami.

YESAYA 29:22

Ana waugu udde Mawu, Ruatan Israel apan namallossi Abraham, orassa indi nabbisara, “Pabbawala-U, i yamiu tate lobbosanna lai wuṛṛu hatinu tate mamillossa lai ana waugu massili.

YESAYA 41:20

Ne anambon taumata sarun maasilo wuṛṛu maasingkatta manungku i Ya'u, Mawu, apan na'ola'a udde. I mangitou sarun manutukka wuṛṛu maasunna, Ruata na'ukkassu Israel na'ola'a udde nariaddi.”

YESAYA 43:10

Ei uma-U, ete i yamiu manga tiala-U, i yamiu Ta'u nipile maola'a manga allang-Ku, tadea'u masingka-U wuṛṛu mangngimanna si Ya'u, wuṛṛu maasunna manungku ete i Ya'u Ruata. I Ya'u Ruata Apan Tinggassa taweddu wal᷊ine ro'en al᷊amonane wuṛṛu piate i Ya'u.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YESAYA 52:6

Ana waugu udde i yamiu sarun manga'u manungku i Ya'u Ruata, wuṛṛu sutempo udde i yamiu sarun maasingkatta manungku ete i Ya'u apan nabbisara si yamiu.”

YEHEZKIEL 37:6

Ta'u iaddo lantikka wuṛṛu ṛemessa si'o wuṛṛu i yamiu Ta'u wa'isannu pisi. I yamiu Ta'u onggol᷊annu singangu ma'oman sara mabbiakka. Ne i yamiu masingkatte manungku ete i Ya'u Mawu.”

YESAYA 50:7

Ana waugu Mawu Ruata nantul᷊ungku, ne i ya'u tawe nipansilianna. I ya'u mannohassa naungku tadea'u masabbare; i ya'u masingkatta manungku i ya'u tawe pansilianna.

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.