YESAYA 49:22 - WUKE SUSI WATTI'U AL᷊AL᷊USASSA

²² Mawu Apan Atanggaṛṛane nabbisara uman-Ne, “i Ya'u sarun mangonggollu tiala su manga walahanna wuṛṛu i mangitou sarun mapaapul᷊e manga anangngu; manga anangngu esakka sarun bawananna, wuṛṛu manga anangngu wawine sarun pasannananna su wambangnga.

YESAYA 49:22 Referans Kwoze

LUKAS 13:29

Manga taumata sarun rumanta wuassu ra'i wuṛṛu waṛṛatta, wuassu sawannakka wuṛṛu timukka, wuṛṛu sarun lumuassa sulal᷊ummu Runia Wakku Ruata.

DARALO 86:9

Anambon walahanna apan niolang-Ngu sarun rumanta, oh Mawu, tadea'u massubba Si'o wuṛṛu maddalo awawantu-Gu.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

YESAYA 66:20

Wuassu manga wanua udde i mangitou sarun mangapidda apia manga tuṛṛangngi yamiu sambalahanna maola'a aonggolla si Ya'u. I mangitou sarun mangapiddu manga taumata udde su wui-U apan susi su Yerusalem ringannu uasa'e awal᷊o, keledai wuṛṛu unta, wuṛṛu ringannu kereta see roda, ere inanaramannu taumatan Israel mangngapidda su Wal᷊en Mawu sasamba gandumma sulal᷊ummu tampane apan baresi.

YESAYA 49:12

Wuassu marau uma-U pasi rantate, wuassu sawannakka, waṛṛatta wuṛṛu Sinim su timukka.”

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

DARALO 72:8

Araratuanne sarun mahewalla wuassu tahal᷊oangnga maddatingu tahal᷊oangnga, uawannada wuassu ra'i maddatingu waṛṛata.

DARALO 22:27

Taumata asiangnga sarun umanna ma'oman sara mal᷊aidda; taumata apan rumanta ringannu Mawu sarun maddalo si Tou. Antimanna i yamiu su lal᷊umanna'a saran mal᷊annu-l᷊annu!

DARALO 102:22

Ne aran-Ne sarun iapasingkatta su Sion, ne i Tou sarun raloanna su Yerusalem,

YESAYA 18:3

Ei, i yamiu sarangkanambone apan uatana'a su runia! Pa'ellege amungkangngu manga waneṛṛa iruitte su puiddu manga wowone! Paddaringikke napawe trompetta tiupanna!

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YESAYA 62:10

Tumana'u Yerusalem, sabbangke amattu ngaran soa, saddiate lal᷊anna su manga taumata apan mapul᷊e. Ola'e lal᷊anna mal᷊oangnga, rammea'e watune, pasia'e manga waneṛṛa tadea'u manga araratuanna masingkatta.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

ZAKARIA 8:22

Ana see manambo taumata wuṛṛu manambo walahanna apan mangkatohassa sarun dumanta su Yerusalem massubba si Ya'u Mawu Apan Lembontaṛṛino wuṛṛu sumal᷊ande al᷊ama-U.