YESAYA 49:21 - WUKE SUSI WATTI'U AL᷊AL᷊USASSA

²¹ Ne i'o sarun mabbisara sulal᷊ummu naungnga, ‘Isaite apan nanungkangngu manga ana'a udde si ya'u? Wal᷊inewe i ya'u buatte niawul᷊iannu manga ana'u, wuṛṛu tate mapanungkangnga apia? I ya'u niapidda sulal᷊ummu pamamuanganna wuṛṛu niṛṛae wuṛṛu nitantangnga sassane. Nariaddi wuassuapa manga ana'a udde, wuṛṛu isaite apan nabbuwunna si mangitou?’ ”

YESAYA 49:21 Referans Kwoze

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

ROMA 11:24

Tuṛṛangnga apan wal᷊ine wuassu walahannu Yahudi udde, naal᷊ihida rannan alu zaitun apan lul᷊u. Ei, amungkangngu i'o uatata'ae sulal᷊ummu pallal᷊agunu, wotongnge ireeta su alu zaitun tutune, lembonete manga taumatan Yahudi apan nisumandingnga su manga rannan alu zaitun tutune udde. Natantunna malluasanne Ruata mamelengngi mangitou su punnu alun zaitunni mangitou sassane.

YESAYA 64:10

Manga soa-Nu apan na'ukkassa naal᷊ihidda wadda'u anne, Yerusalem naola'a wadda'a maṛṛasa wuṛṛu mal᷊annabba.

YESAYA 62:4

Arannu wal᷊ine lai ‘Apan Nitantangnga’, wanuanu wal᷊ine lai ‘Apan Mal᷊annabba’. I'o sarun isaggo, ‘Apan Arangnguannu Ruata’, wuṛṛu wanuanu sarun isaggo, ‘Apan Buatte Naawingnga,’ ana waugu Mawu mappulunu, i Tou ere sangkatou awingnga su wanuanu.

YESAYA 60:15

I'o sarun tawe itantangnga wuṛṛu iarantinna, wuṛṛu tawe iwala maola'a mal᷊anna-l᷊annabba. I'o Ta'u olaanna al᷊al᷊uassa sarangkal᷊o'enge, tampa ilallala'a saran mal᷊annu-l᷊annu.

YESAYA 52:2

Darisikke wuassu awu, ei Yerusalem, tontonga'e awu apan uareetta si'o. Luatte ṛate apan uaiitta ullekkanu, ei tumana'u Sion apan niatawanna!

YESAYA 5:13

Ana waugu udde uma-U apan waggan napa sarun ehetanna inai maola'a taumata niatawanna. Manga mamamiaṛṛa'a wuṛṛu tumana'u soa sarun mate amal᷊unusanna wuṛṛu amarouanna.

YESAYA 3:26

Su manga pasallangannu soa taumata sarun lumal᷊o wuṛṛu lumuai, wuṛṛu soa udde sassane sarun maola'a ere wawine apan nitantol᷊ete wuṛṛu ua'ianna su leta'a.

YESAYA 1:8

Tumba'u Yerusalem nallambe, arawe naola'a soa apan lal᷊iwunanna wuṛṛu tate maa'al᷊iore, naal᷊ihidda rasanna su waillu anggore ara'e sambengessa su waillu katimu.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

YESAYA 27:10

Soa pia tanda'a watune udde nabbal᷊ite lallangoanna wuṛṛu nitantangnga ere wadda'a mal᷊alangnga apan tawe loṛṛone. Ammul᷊annu winatangnga papadul᷊iananna u'anna wuṛṛu mangngillol᷊o isudde lapiddu mangnginsue manga rongnga wuassu manga rannan kalu.

YESAYA 29:23

Ana waugu napawe i yamiu naasilo manga anangngu apan Ta'u nionggolla si'o, ne i yamiu sarun manga'u manungku ete i Ya'u Ruata na'ukkassu Israel. I yamiu sarun mangaddatta si Ya'u wuṛṛu mata'u-U.

YESAYA 60:8

Apate udde apan tuttalla'a ere winabbawa naal᷊ihidda merpati apan tantal᷊anna tuttalla'a mapul᷊e?