YESAYA 49:19 - WUKE SUSI WATTI'U AL᷊AL᷊USASSA

¹⁹ Wanuanu apan mamara wuṛṛu mal᷊annabba, orassa indi nabbal᷊ite maṛṛipusi'a su manga taumata apan mappulu mamanua isudde. Wuṛṛu manga taumata apan maapulu mamate si'o, maraute wua dingannu.

YESAYA 49:19 Referans Kwoze

ZAKARIA 10:10

Wuassu Mesir wuṛṛu Asyur, i mangitou sarun Ta'u iapaapul᷊e. Su wanuane sassane i mangitou sarun Ta'u iapaatana'a. Ta'u niapidda i mangitou watukku Gilead wuṛṛu lai Libanon, Ma'oman sara ahewallu wanua mapenen mangitou.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

ZAKARIA 2:11

Sutempo udde manambo walahanna sarun dumanta ringannu Mawu tadea'u maola'a uman-Ne. I Tou sarun matana'a suwallatti yamiu, wuṛṛu i yamiu sarun maasingkatta manungku Mawu buatte nandolo'u ringanni yamiu.

ZAKARIA 2:4

Mala'ekatta paarorone nabbisara su mala'ekatta aruane, “Roote paal᷊ihakka ringannu umbasanna udde, wuṛṛu wal᷊oa'a si tou manungku Yerusalem sarun masaddattu taumata wuṛṛu winatangnga papadul᷊iananna na'oman sara tawe mariaddi olaanna darandungnga ipamaliwutta.

YEREMIA 51:44

Bel, mongannu wanua Babel, sarun Ta'u iṛṛuumanna. I tou sarun Ta'u olaanna mapawelengngu apa apan buatte niaṛṛone. Manga walahanna tate massubba si tou apia. Manga darandungngu Babel naṛṛaate.

YEREMIA 51:33

Tate mal᷊annu lai i mangitou iawaddo wuṛṛu mangke ṛindannu seetta ere gandumma su tampa pallaṛṛindanna. I Ya'u, Mawu Apan Lembontaṛṛino, Ruatan Israel, buatte nabbisara.”

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.

YESAYA 49:17

Manga taumata apan mamu'o si'o mal᷊ihakke rumanta, wuṛṛu iapa nandal᷊eo si'o napul᷊ete.

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

YESAYA 5:6

I Ya'u sarun mamalane tuwoannu ahuranganna waine. Punnu anggorene tawe Ta'u tontoanna, wuṛṛu tawe Ta'u wabbasanna. Ewe'e Ta'u iwala tataapannu ahuranganna ṛoaanna wuṛṛu nannal᷊o, ewe'e lai manga winabbawa Ta'u isingadda mangema'u uranna su wailla udde.”

AMSAL 1:12

Orassa indi i mangitou mabbiakka su al᷊al᷊uassa wuṛṛu wadangnga mapia, arawe sal᷊immurine i mangitou sarun maola'a ere taumata apan tumaniten susa.

DARALO 124:3

ne i ite buatte niallupi mangitou wiakka, ana waugu asasa'un mangitou apan lukkenggama.

YESAYA 1:7

Wanuanu buatte nihohakka; manga soanu nitutungnga na'oman sara nepodda. Su saruannu matanu taumata raho mangnganu letangngu wuṛṛu mandomba al᷊awo'a.

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

YESAYA 54:3

I'o sarun aatambanna ahewalle watukku aikkatanna ara'e lai aiṛṛi, tumanangngu sarun mangintaṛṛe su leta'u manga walahanna wuṛṛu matana'a su manga soa apan orassa indi mal᷊annabba.

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,