YESAYA 49:16 - WUKE SUSI WATTI'U AL᷊AL᷊USASSA

¹⁶ Yerusalem, i Ya'u sidutu uanaungnga si'o; arannu Ta'u ni'uitta su pal᷊addu lima-U.

YESAYA 49:16 Referans Kwoze

HAGAI 2:23

Su allo udde i'o Zerubabel, allang-Ku, sarun Ta'u itenega mamarenta ringannu arang-Ku. Ana waugu ete i'o apan buatte Ta'u nipile.” Mawu Apan Lembontaṛṛino buatte nabbisara.

YESAYA 62:6

Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

ANTARI MAWANTUGA 8:6

Ola'ewe i ya'u lal᷊engke doonu, ariete maṛṛa'uppa si sai-sai tumba'u i ya'u; ana waugu paapulu udde ere atatohassu papate, wuṛṛu apulu mamarenta ere papate. Ṛenggamme naal᷊ihidda ṛenggammu putungnga apan sussal᷊oi ringannu wahewalla.

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

SASABANGNGA 13:9

Ramea indi maola'a pananaunganna si yamiu naal᷊ihidda tatiala apan niwa'issa si ta'iakka ara'e su pakkannu. Ramea indi mapaanaungnga si yamiu tadea'u sidutu mabbatti'a wuṛṛu mangngurumma manga Tita Mawu, ana waugu Mawu napaasabbangngi yamiu wuassu Mesir ringannu taṛṛino-Ne apan bahewalla.

YESAYA 54:12

Manga tanda batu Ta'u iapararisikka wuassu watun delima, manga ngara pasallangannu ahewalla wuassu watu permata, manga darandungngu wuassu ratna mutu manikam.

YEREMIA 22:24

Mawu nabbisara si ratu Yoyakhin, ana'i Yoyakim ratun Yehuda, “Ringannu arang-Ku, Ruata apan biakka, i Ya'u mabbisara manungku salaiwe i'o si Ya'u ere sinsingnga meterai su lima uanang-Ku, arawe i'o sarun Ta'u sawutanna

YESAYA 62:7

I mangitou tawe wotongnge mamal᷊an Tou mal᷊annabba tantal᷊anna i Tou taambe namangunna apia Yerusalem, wuṛṛu olaanne tumelengnga su ahewallu runia.

YEREMIA 17:1

Mawu nabbisara, “Ei walahannu Yehuda, rosanu buatte ni'uitta su naungngu wuṛṛu su anambon pappi'uannu manga mezbahnu ringannu pena atta'a apan matane wuassu intanna.