YESAYA 49:15 - WUKE SUSI WATTI'U AL᷊AL᷊USASSA

¹⁵ Mawu sinumimbakka, wisara-Ne, “Wotongngewe sangkatou inangnga maabul᷊in anangnge, wuṛṛu tawe mandangngu anangnge sidutu? Salaiwe i tou maabul᷊ine i Ya'u tawe maabul᷊inu!

YESAYA 49:15 Referans Kwoze

YESAYA 44:21

Mawu nabbisara, “Naungete sarangkanambone indi, ei Israel, ana waugu ete i'o allang-Ku. I Ya'u nandiaddi si'o, wuṛṛu i'o allang-Ku, Israel, i Ya'u sarun tawe maabbul᷊inu!

DARALO 103:13

Ere sangkatou iamangnga mandangngu manga anangnge, aroddi lai Mawu mandangngu taumata ma'imanna.

MATIUS 7:11

Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

HOSEA 11:1

Mawu nabbisara, “I Ya'u u'akkannu Israel ro'en i tou ta'e addio'a, Ta'u niwaggoanna ana-U udde sinumabbangnga wuassu Mesir.

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

MALEAKHI 3:17

Mawu Apan Lembontaṛṛino nabbisara, “I mangitou sarun mabbal᷊i uma-U. Su allo udde i Ya'u mammanara, i mangitou sarun maola'a pussa'a arangnguang-Ku. I Ya'u sarun umakkanni mangitou, ere sangkatou iamangnga u'akkannu anangnge apan matuṛṛutta si tou.

LAL᷊ALLU 4:10

Tumaniten bahewalla asasilaka udde apan naṛṛia'a su uma'u na'oman sara manga inangnga apan masaṛṛionto'a nantunnu anangnge su urinna ipalloṛṛo tianna.

LAL᷊ALLU 4:3

Sumbal᷊i inangngu serigala mammasusu anangne, arawe umaku tumaniten maṛṛagissa ere manu'a unta su wadda'a.

ROMA 1:31

i mangitou maddiri massunna taumata waine; i mangitou mal᷊awangnga wuṛṛu tawe apedamma mantul᷊ungngu taumata.

IMAMATTA 26:29

I yamiu sarun amal᷊unusanna, na'oman sara uminassa manga anangu sassane.

AYUB 24:20

Inangngene sassane naabul᷊iten tou, wuṛṛu manga ul᷊idda niuminassa watanganne. Aranne tate lai naunganna; i tou niinsue naal᷊ihidda alu apan nasuatta.

DARALO 27:10

Salaiwe iamangnga wuṛṛu inangnga manantangku, Mawu sarun mappadul᷊i si ya'u.

DARALO 77:9

Apa i Tou nangillol᷊ote mandangngu si yami? Apa i Tou tate manipussa paaire-Ne apia?

AMSAL 31:2

“Ana'u, tatunonaungku, apan ta'u niasungkanga maola'a sasimbakku aal᷊iomangku. Apate apan ta'u olaanna si'o?

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

YESAYA 49:14

Arawe tumana'u Yerusalem nabbisara, “Mawu buatte nanantangngi ite, Mawu naabul᷊iten kite.”

1 SAMUEL 12:22

Mawu buatte nassalu, manungku i Tou sarun tawe manantangngi yamiu ana waugu i Tou buatte nakkawessa ma'ola'a si yamiu al᷊aṛṛanang-Nge sassane.

YESAYA 54:10

Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

YEREMIA 51:5

I Ya'u, Mawu, Ruata Apan Lembontaṛṛino, Ruata Israel susi, sarun tawe manantangu Israel wuṛṛu Yehuda, salaiwe i mangitou buatte na'ola'a rosa su saruang-Ku.