YESAYA 48:20 - WUKE SUSI WATTI'U AL᷊AL᷊USASSA

²⁰ Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YESAYA 48:20 Referans Kwoze

YEREMIA 51:45

Ana waugu udde pangingkatte wua isudde, ei umattu Israel! Panal᷊amatte watangannu wuassu asasa'u-U apan bahewalla.

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

YEREMIA 51:6

Panal᷊amatte watangannu! Tal᷊angke wuassu Babel, arie i yamiu lai iapate ana waugu paddarosane! Ana waugu indete tempone i Ya'u mabbal᷊issa al᷊al᷊eon Babel, wuṛṛu makkuumanni tou uasul᷊ungngu inolaanne.

YEREMIA 50:8

Ei uma-U Israel, tal᷊angke watukku Babel! Ete i yamiu apan ṛinone paarorone inai, tadea'u ingana'a waine manantuṛṛutta.

SONDAPPA 18:4

See i ya'u naaringikka tingikka waine wuassu surga nabbisara, “Sabbangke, al᷊aṛṛana-U! Sabbangke wuassu lal᷊umme! Imbaṛṛanga i yamiu tumantalongnga manga rosane, wuṛṛu tumuṛṛutta mamasanna ṛuumanne!

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

YEREMIA 51:48

Al᷊awo'u saranapa su langitta wuṛṛu su runia sarun lumuassa napawe Babel manawo su liman balahanna wuassu sawannakka apan nirumanta mapa'unone.

YEREMIA 50:2

“Pasea'e tatiala wuṛṛu al᷊iata'e su manga walahanna manungku Babel nanawote! Arie pa'adappinga'a olangnge udde! I Merodakh monganne naṛṛimunsa'e, wuṛṛu manga paal᷊uanne apan masandaga napesangke nattal᷊eṛṛonga, see manga mawune lembon haggeloanna.

YEREMIA 31:10

Mawu nabbisara, “Paddaringikka ei manga walahanna! Wal᷊oa'e tanata-U su samba'an tahal᷊oangnga: Uma-U apan buatte Ta'u nisal᷊iawukka sarun Ta'u ihemonna wuṛṛu paddul᷊iananna ere mallal᷊u'adda uataṛṛapa dombane.

YESAYA 52:11

Roote! Tantanga'e soan Babel, ei i yamiu apan uaapiddu aola'u wal᷊en Duata! Imbaṛṛangnga mangindinga saranapa tawe waresi, ukkasse watangannu tantal᷊anna taambe umamatta.

YESAYA 48:6

Anambon nubbua-U apan niaringiṛṛannu natipusse; i'o ṛinone manga'u manungku wisara-U udde atonna. Orassa indi Ya'u mamasingkattu manga inolaanna apan bakku, manga addapingnga apan ta'e awaganannu.

DARALO 126:1

Aantarin patatembo. Napawe Mawu nanul᷊en ola'u Yerusalem, i ite naal᷊ihidda nabbal᷊iawa!

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

2 SAMUEL 7:23

Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.

TAHIUL᷊E 30:4

Salaiwe i yamiu uasal᷊iawukka su al᷊awo'u tampa su ahewallu runia, Mawu Ruatanu sarun mangammulli yamiu wuṛṛu mangapiddi yamiu apia.

YESAYA 12:4

Sarun a'omanna tempone i yamiu mabbisara, “Pa'adiangkamante su Mawu, wuṛṛu passubbate si Tou. Pasingkata'e su manga walahanna awawantuga wuṛṛu al᷊awo'u inolaan-Ne.

YESAYA 24:14

Manga taumata apan nasal᷊amatta sarun mangngantarin lal᷊uassa. Taumata su samba'an waṛṛatta sarun mabbatti'u awawantugu Mawu,

YESAYA 42:10

Pangantariten antari wakku su Mawu, paddalote si Tou, ei ahewallu runia! Paddallu'e, ei tahal᷊oangnga wuṛṛu anambon lal᷊oṛṛone, manga wanua apan marau wuṛṛu anambon tumanangnge!

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 51:14

Manga atawanna sarun mal᷊ihakke ipallossa; i mangitou sarun tawe asueannu anna, wuṛṛu sarun tawe mate wuṛṛu ilabbinga.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”

YEREMIA 31:11

Umattu Israel buatte Ta'u niapasal᷊amatta, wuṛṛu Ta'u nipallossa wuassu taṛṛinon balahanna apan matohassa.

YEREMIA 31:21

Tialaite manga lal᷊anna, pasia'e manga tatialane paddea'e lal᷊anna apan amatannu paarorone. Ei, Israel, apul᷊ete! Apul᷊ete su manga soanu apan dorone.

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

EZRA 2:1

Manambo wuassu wallattu manga taumata niwuangnga nanantangngu leta'u Babel ana see nabbelengke watukku Yerusalem wuṛṛu Yehuda, sangkataou-sangkatou watukku soane sassane. I mangitou buatte nabbiakka sulal᷊ummu pamamuanganna su Babel ro'en i mangitou niṛṛootti Ratu Nebukadnezar.

ZAKARIA 2:10

Mawu nabbisara, “Pangantarite ringannu lullala'a ei tumana'u Yerusalem! I ya'u sarun matana'a su pattangngannu!”

ZAKARIA 10:8

Uma-U sarun Ta'u waggoanna wuṛṛu iammulla mabbal᷊i sambau. I mangitou Ta'u ipallossa wuṛṛu anambon Ta'u olaanna dorone.