YESAYA 48:17 - WUKE SUSI WATTI'U AL᷊AL᷊USASSA

¹⁷ Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YESAYA 48:17 Referans Kwoze

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

DARALO 25:12

Taumata mangngaṛṛa'a taumata mangngimanna lal᷊anna apan ṛinone amatanni mangitou.

YESAYA 30:20

Mawu nangonggollu tempon bawono'a apan mawakkatta si yamiu tadea'u ipangaṛṛa'a si yamiu. Arawe orassa indi i Tou sassane uarundinganna si yamiu na'oman sara i yamiu naapendamma daranta-Ne.

DARALO 73:24

I'o nangehetta si ya'u ringannu tatantiro, wuṛṛu I'o nanengkamma si ya'u ringannu addata.

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

AYUB 36:22

Pannaungke, Ruata lembon wahewalla taṛṛino-Ne. Piawe guru apandene ere i Tou?

YOHANES 6:45

Sulal᷊ummu Wuke Manga Nabi uawoṛṛetta arendi, ‘Anambon taumata sarun tantiroannu Ruata.’ Nariaddi anambon taumata apan madaringikka Iamangnga wuṛṛu mangngurumma wuassi Tou, rumanta ringang-Ku.

MIKHA 4:2

I mangitou sarangkanambone sarun mabbisara, “Wette i ite umawitte watukku wuiddu Mawu watukku Wal᷊en Duatan Israel! I Tou sarun manantiro si ite apa apan ṛinone olaani ite. I ite sarun tumantalongnga lal᷊an-Ne ana waugu al᷊aṛṛa'u Mawu nirumanta wuassu Yerusalem; wuassu Sion i Tou nabbisara su uman-Ne.”

DARALO 71:17

Oh Ruata, I'o mangangaṛa'a si ya'u ro'en i ya'u ta'e dario'a, naddatingngu orassa indi ta'u iwabbatti'a manara-Nu apan maatiangnga.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

1 MARARATU 8:36

antimanna wuassu surga I'o maddaringikka si mangitou. Wuṛṛu ampungewe rosan uman-Nu Israel wuṛṛu ratun mangitou. Aṛṛa'ete i mangitou ma'ola'a apa apan mapia. Wua'udde, oh Mawu, panossokken uranna su wanua-Nu indi, wanua apan buatte nionggollu Mawu su uman-Nu maola'a pussaane saran mal᷊annu-l᷊annu.

YESAYA 43:16

Mawu buatte na'ola'a sambau lal᷊anna sumabbi tahal᷊oangnga, sumabbi ua'e apan matandi'a.

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

EFESUS 4:21

Yamiu suete naaringikka su ola'i Tou! Wuṛṛu naola'a sangkatou mallal᷊aṛṛenggen-Ne, i yamiu suete niaṛṛaanna lai su ola'u pallal᷊agu Duata apan tatahuannanni Tou!

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 48:20

Roote wuṛṛu tal᷊angke su Babel, al᷊iata'e watti'a indi su al᷊awo'u tampa. Pasingkata'e ringannu aintul᷊in al᷊al᷊uassa: “Mawu buatte nanal᷊amatta Israel, allang-Nge!

YESAYA 43:14

Mawu mananal᷊amannu, Apan Na'ukkassa su Israel, nabbisara, “Ana waugu i yamiu, i Ya'u nandolokku tantara watukku Babel, wuṛṛu Ta'u nihohakka manga papal᷊e ngaran tuttupanna; manga hion taumatan Kasdim Ta'u niwal᷊u nabbal᷊i lal᷊uai.

PANDARIADDI 24:48

I ya'u niumal᷊intudda nassubba wuṛṛu naddalo Mawu, Ruatan mawu'u Abraham. I Tou buatte nangehetta si ya'u naddatingngu tampa indi, ringannu manga alahannu mawu'u, na'oman sara i ya'u naasomba maṛṛuala indi maola'a paren anangnge.

YESAYA 28:9

I mangitou sussal᷊iomanna su ola'u riri'u, wisarane, “Su sunnane i tou mangngaṛṛa'a sisai? Isai lai apan mappandumma tal᷊aane? Su ṛingidde i ite indi ana'a addio'a apan wakkutte iapasusu?

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YESAYA 45:11

Mawu, Ruata na'ukkassu Israel nabbisara, “Pa'iwal᷊ote si Ya'u su ola'u tempo addantane. Arawe arie maiwal᷊o ola'u manga ana-U, ara'e mandolo-U ma'ola'a manga apa.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 54:8

Tumba'u tal᷊angkadio'a i Ya'u manantangngu ana waugu asasa'u-U apan bahewalla. Arawe ringannu darangngu tutune i Ya'u mandangngu si'o.” Ete aroddi wisaran Duata Mananal᷊amannu.

YOSUA 3:4

arawe imbaṛṛangnga umamatta tumaniten maranin Wantala udde; tantalongke wuassu liudde ringannu wallanne sangkilo araune. Ringannu aroddi yamiu sarun maasingkata lal᷊anna apan ṛinone amatanni yamiu, ana waugu i yamiu taambe wuasu wanua indi.”