YESAYA 48:14 - WUKE SUSI WATTI'U AL᷊AL᷊USASSA

¹⁴ Paammulle i yamiu sarangkanambone wuṛṛu paddaringikke! Suwallattu manga monganna taweddu maasi'tta manungku taumata nipile-U sarun mamangalo Babel; i tou sarun mapaamattu apulu-U.

YESAYA 48:14 Referans Kwoze

YESAYA 43:9

Doloṛṛa'e anambon walahanna ma'ammulla wuṛṛu anambon ṛuanganna masemodda. Isaite suwallattu manga monganni mangitou buatte namasingkatta apa apan mariaddi orassa indi? Isaite suwallatti mangitou wotongnge maasi'attu tempo addantane? Wala'e manga tiala mangitou dumarisikka, wuṛṛu mapal᷊iatta'a manungku i mangitou naṛṛino, tadea'u sarangkanambone apan naaringikka si mangitou mabbisara, manungku atonna aroddi!

YESAYA 41:22

Rantate, wuṛṛu si'ata'e apa apan sarun mariaddi, tadea'u i yami masingkattu panginsueanne sal᷊immurine. Wattia'e manga arariadianna dorone, tal᷊aa'e atappassane tadea'u i yami masingkatta.

YESAYA 44:28

Ete i Ya'u apan nabbisara si Kores, ‘Ete i'o apan mamarenta uma-U, wuṛṛu mapaamattu anambon apulu-Ku. Parentaite tadea'u Yerusalem olaanna apia, wuṛṛu Wal᷊en Mawu isarite rapappake.’ ”

YESAYA 44:7

Isaite ere i Ya'u? Doloṛṛa'a i tou manga'u! Wala'e i tou mamasingkatta wuṛṛu mapal᷊iatta'a si Ya'u! Isaite buatte nani'attu tempo addantane ro'en paarorone maddatingngu panginsueannu tempo?

MARKUS 10:21

Mawu Yesus nanaile taumata udde ringannu aakkanna see nabbisara, “Ete inolaanna sambau lai apan sarun olaannu. Roote wal᷊ua'a anambon darotongngu; onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate ṛundingante si Ya'u.”

YESAYA 13:19

Wuassu anambon araratuanna, ete Babel udde aṛṛansanganne wuṛṛu naola'a ilalluassu tumanangnge. Arawe i Ya'u, Mawu, sarun makkimunsa'a, ere buatte Ta'u niola'a su Sodom wuṛṛu Gomora.

YESAYA 21:9

Pa'ellege, uddete i mangitou! Tantara uasa'e awal᷊o nirumanta pattaṛṛa darua. Wua'udde mandariaga udde nabbatti'a, “Babel nanawote! Manga paal᷊uanna sassubbanni mangitou naṛṛimunsa'a uatal᷊eṛṛongnga su leta'a.”

PANDARIADDI 49:1

Wua'udde i Yakub namago manga anangnge wuṛṛu nabbisara, “Paammule isindi, marani'u. I ya'u sarun mamasingkatta si yamiu apa sarun apendamanni yamiu su allon sal᷊immurine;

PANDARIADDI 49:2

Pa'ammule, manga ana'i Yakub, Paddaringikke si Israel, iamangngu.

YESAYA 45:13

Ete i Ya'u apan nangal᷊oren Kores iapaamattu pandumang-Ku wuṛṛu mamasi'u atatul᷊idda. I Ya'u apan sarun maparatakku anambon dal᷊anna apan amatanne. I tou sarun mapararisikku api soa-U Yerusalem wuṛṛu mamallossu uma-U apan niatawanna, ringannu tawe doitta nionggolla wuṛṛu tawe bawaekke.” Mawu Apan Lembontaṛṛino buatte nabbisara.

YEREMIA 50:44

Ere singa apan sinumabbangnga wuassu mahurangnge maappalla maranin Sal᷊ukku Yordan wuṛṛu nirumanta su wadda'a tampa manga domba mannioma, aroddi lai Ya'u, Mawu, sarun dumanta wuṛṛu ma'ola'a taumatan Babel tumal᷊angnga wuassu manga soa mangitou ringannu namaṛṛoro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai apan botongnge isul᷊ung-Ku? Isai waṛṛani ma'ola'a parakara ringang-Ku? Apa pia piaṛṛa'a apan botongnge mando'appa si Ya'u?