YESAYA 48:13 - WUKE SUSI WATTI'U AL᷊AL᷊USASSA

¹³ Lima-U nangaddon mal᷊ita'u runia wuṛṛu namil᷊attu winalanganna. Napawe i Ya'u mamaggo aranne, ringannu mal᷊ihakka i mangitou rumanta.

YESAYA 48:13 Referans Kwoze

YESAYA 40:26

Paningngarate langitta, wuṛṛu panutukke! Isaite apan nallanginnu manga anumpitanna? I Tou apan mangngatokki mangitou naal᷊ihidda ere barisanna, i Tou masingkattu anambon mangitou sarangkanambone, wuṛṛu mammaggo sambau-sambau ringannu aranne. Tawe saran sambau apan mawul᷊i ana waugu ahewallu taṛṛinon Mawu!

YESAYA 45:18

Ete Mawu apan nandiaddi langitta, Ete i Tou Ruata! Ete i Tou nandiaddi wuṛṛu namungkangu runia, niola'a matohassa wuṛṛu sidutu uarisikka. I tou tawe na'ola'a sambau tampa apan mal᷊anna-l᷊annaba, arawe tampa apan atatanaanna. Ete i Tou apan nabbisara, “Ete i Ya'u Mawu, wuṛṛu taweddu bal᷊ine.

DARALO 102:25

Ana see i ya'u nabbisara, “Oh Ruata ariewe mangal᷊appa niawa'u su pattangngannu pabbiaṛṛangku.” Mawu, I'o wiakka saran mal᷊annu-l᷊annu,

SASABANGNGA 20:11

Sulal᷊ummu tempo annummu allo, i Ya'u, Mawu, na'ola'a runia, langitta, tahal᷊oangnga, wuṛṛu al᷊awo'a sulal᷊umme, arawe su allo appitune i Ya'u nangillol᷊o. Ana waugu udde i Ya'u, Mawu, nangal᷊amatta allon Sabat wuṛṛu niṛṛae passubanna si Ya'u.

YESAYA 42:5

Mawu Ruata nandiaddi wuṛṛu namilattu langitta; i Tou na'ola'a runia wuṛṛu al᷊awo'a apan tuttuwo su leata'a. I Tou nangonggollu sasangngo ipabbiakka wuṛṛu niawa. I Tou nangonggollu tanata indi su allang-Nge.

YESAYA 40:12

Isai mannupa'u tahal᷊oangnga ringannu pal᷊addu limane, ara'e nanguukka winalanganna ringannu rangone? Isai mannupa'u leta'a runia ringannu sasupa'a ara'e mannimbangu wowone wuṛṛu wuidda ringannu tatimbanganna?

YESAYA 40:22

Iapa nandiadi uaṛṛamba'a roso su al᷊imboin dunia, tumanangnge a'asiloanna maraddio'a ere taṛṛangassa. I tou namilattu langitta ere mal᷊aṛṛenessa, wuṛṛu namasen langitta naola'a ere rasanna apan atanaanna.

DARALO 147:4

I Tou nanantunnu anambon anumpitanna su winalanganna, wuṛṛu i Tou nangonggolu aranne sambau-sambau.

AYUB 37:18

Wotongnge i'o ere Ruata apan namilattu winalanganna wuṛṛu niapaattikka ere atta'a iwabboso ara'e kaca?

ROMA 4:17

Ana waugu Ruata nabbisara arendi si Abraham, “I Ya'u suete nandiaddi si'o iamangngu al᷊awo'u walahanna.” Aroddite Ruata nangonggolu paaire udde si Abraham. Wuṛṛu Abraham mangngimanna si Tou. Ete i Tou Ruata apan mapaawiakku taumata nate; ete i Tou lai Ruata apan ringannu tumba'u mabbisara ma'ola'a apa apan taambe naola'a su runia, mariaddi su runia.

YESAYA 40:21

Ṛatadde i'o wagga wuṛṛu tawe naaringikka, wuṛṛu tawe niapasingkatta si'o ra'en paarorone? ṛatadde i'o tawe ma'asunna wuassu paarorone ereapa tattakku runia indi?

YESAYA 45:12

Ete i Ya'u Mawu apan nandiaddi runia, wuṛṛu nandiaddi taumata mamanua isudde. Ringannu taṛṛino-U i Ya'u namilattu langitta, wuṛṛu namarenta matannallo, wul᷊anna wuṛṛu manga anumpitanna.

YESAYA 51:13

Ṛatadde i'o naabul᷊ite Mawu Mandariadinu apan namilattu langitta wuṛṛu nangaddo mal᷊ita'u runia? Anio su al᷊o'engngu allo i'o matta'utta? su araṛṛagissu taumata lal᷊eo apan nasaddiate makkadda'a? Mangke atonna, araṛṛagissi mangitou udde tawe ma'autinga si'o.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YEREMIA 51:15

Mawu nandiaddi runia ringannu taṛṛino-Ne, nallanginnu saṛṛen dunia ringannu asingkan-Ne, wuṛṛu namilattu langitta ringannu asasirrong-Nge.