YESAYA 47:8 - WUKE SUSI WATTI'U AL᷊AL᷊USASSA

⁸ Ana waugu udde paddaringikke si Ya'u, ei i'o apan tumba'u apulune maddea'a lal᷊umanna'a! I'o massunna manungku wiakku matammuda, wuṛṛu taweddu ere i'o. I'o maṛṛingidda tawe maola'a inawaluanna, wuṛṛu papapulunnu tawe mate.

YESAYA 47:8 Referans Kwoze

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

YESAYA 32:9

Paddaringikka, ei manga wawine apan mabbiakka matemangnga, nal᷊iudda wuassu asasusa!

YEREMIA 50:11

Mawu nabbisara, “Ei taumatan Babel, i yamiu mangngaṛṛo uma-U. I yamiu sussolo'u al᷊al᷊uassa ere awal᷊o manuntingi, wuṛṛu ere sapi apan tantal᷊anna u'anna.

YESAYA 47:10

I'o uapendamma matammudda sulal᷊ummu al᷊al᷊eonu, unnu pahinu inolaannu tawe ellehanna. I'o iaal᷊iwun apandenu wuṛṛu asingkannu, su sunnanu taweddu ere i'o.

YESAYA 45:6

Sarangkanambone udde Ta'u olaanna tadea'u wuassu ra'i maddatingngu waṛṛatta anambon taumata masingkatta manungku ete i Ya'u Mawu, tawe mawu waine tumba'u i Ya'u.

2 TESALONIKA 2:4

Ringannu mawunga i tou sarun lumawangnga wuṛṛu mananggaku watangan-Ne su anambon inolaanna apan sassubbannu taumata, ara'e anambon paal᷊uanna apan sassunnannu taumata udde Ruata. Ewe'e lai i tou sarun uma'ianna sulal᷊ummu Wal᷊e Duata wuṛṛu mamasingkata manungku eteudde i tou Ruata.

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 5:30

Su rabbi udde lai nippatete Belsyazar ratun Babel udde.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

DANIEL 4:30

i ya'u nabbisara, “Pa'ellege, apiawe eteapa soa Babel! Eta i ya'u apan na'ola'a nabbal᷊i inangngu araratuanna ipammasingkattu taṛṛino wuṛṛu atatoha'u, awawantuga wuṛṛu atatelengku!”

DANIEL 4:22

Oh Tuangku, ete i Tuangku punnu alu apan matanggakka wuṛṛu matohassa udde. Awawantugi Tuangku aatambanna maddatingngu langitta wuṛṛu taṛṛinon Tuangku aatambanna sara pentakku runia.

YEREMIA 51:53

Salaiwe Babel ma'asaa langitta wuṛṛu ma'ola'a tanda'a apan tawe a'omanna, i Ya'u sidutu sarun mandolokku taumata inai manggohakka. I Ya'u, Mawu, buatte nabbisara.”

YESAYA 45:18

Ete Mawu apan nandiaddi langitta, Ete i Tou Ruata! Ete i Tou nandiaddi wuṛṛu namungkangu runia, niola'a matohassa wuṛṛu sidutu uarisikka. I tou tawe na'ola'a sambau tampa apan mal᷊anna-l᷊annaba, arawe tampa apan atatanaanna. Ete i Tou apan nabbisara, “Ete i Ya'u Mawu, wuṛṛu taweddu bal᷊ine.

MAL᷊AṚṚUUNGNGA 18:27

Napawe manga taumatan ruanganni Dan udde buatte nantal᷊angngu imam wuṛṛu manga saranapa tattaṛamawuanna niola'i Mikha udde, i mangitou inaite namangalo Lais, su soa apan tumanangnge mabbiakka matammuda wuṛṛu mal᷊angnganna. (Soa udde addone sulal᷊ummu wawal᷊anne sambau ringannu soa Bet-Rehob). Manga taumatan Dan udde namate anambon tumana'u Lais ana see nanutungnga soa udde. Taweddu nirumanta nangontola manga taumatan Lais udde ana waugu atatanaanni mangitou uaṛṛae marau wuassu Sidon. Wua'udde manga taumatan Dan na'ola'a apia soa udde ana see natana'e poiaroddi.

MAL᷊AṚṚUUNGNGA 18:7

Ana see ingana'a siri lima udde inaite watukku Lais. Isudde i mangitou mannaṛasidda tumana'u soa. Niasingkatanna manungku ola'u pabbiaṛannu tumana'u Lais udde naal᷊ihidda ola'u pabbiaṛannu walahannu Sidon. Salaiwe i mangitou uaṛae, wuṛṛu marau wuassu walahannu Sidon, i mangitou mabbiakka matammuda wuṛṛu mal᷊angnganna, tawe seetta, mabbiakka su lal᷊umanna'a, wuṛṛu tawe urangnge saran sambau.

YESAYA 14:14

I'o mabbisara, manungku i'o sarun umawitta roso ere atanggakku winabbawa wuṛṛu maola'a ere Apan Lembon Atanggaṛṛanne.

YESAYA 32:11

Maddatingngu orassa indi i yamiu mabbiakka matemangnga, nal᷊iudda wuassu asasusa. Arawe orassa indi, mangngiladden atata'utta! Luatte laungngu wuṛṛu reṛṛota'e nasa su lawannu.

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.

YEREMIA 49:31

‘Otte inaite! Wette mamangalo manga taumata apan uapendamma mal᷊angnganna wuṛṛu matammudda udde. Soa mangitou tawe lal᷊indumme ana waugu tate ngaran pasallanganne wuṛṛu tate papal᷊ene.’ ”

YEHEZKIEL 28:2

“Ei taumata apan mattate, wal᷊oa'e si ratun Tirus, apa apan i Ya'u Mawu Apan Atanggaṛṛanne mabbal᷊o si tou, ‘Ringannu mawunga i'o mangngantimma i'o monganna apan ua'ianna su pattangngannu tahal᷊oangnga. Wotongnge lai i'o mamunga ere monganna, arawe paanaunge, i'o tumba'u taumata wiasa.

YEHEZKIEL 30:9

Napawe allo udde nia'omante, wuṛṛu Mesir naṛṛimunsa'e, i Ya'u sarun mandolokku manga daroloṛṛanna ringannu manga apalla ipamaṛṛindu'a manga taumatan Sudan apan tawe antage udde, ne i mangitou sarun mata'utta. Atonna, allo udde sarun dumanta!”

DANIEL 4:4

I ya'u uatana'a ringannu paddarame sulal᷊ummu wal᷊en araratuangku wuṛṛu mabbiakka ringannu nasuungnga.

YEHEZKIEL 16:49

Sodom wuṛṛu manga ampunge mawunga ana waugu uatahuanna manambo walingakku anna see wotongnga mabbiakka ringannu matammudda wuṛṛu paddarame. Arawe i mangitou tawe ma'ellega taumata asiangnga wuṛṛu taumata lal᷊ebone.

DANIEL 4:27

Ana waugu udde rinone Tuangku maddaringikka tatantiron allangnga. Ariete Tuangku ma'ola'a rosa apia, arawe pa'ola'a inolaanna apan mapia wuṛṛu matul᷊idda, wuṛṛu aakkanten taumata asiangnga. Ringannu aroddi Tuangku sidutu sarun su lal᷊ummanna'a.”

NAHUM 3:4

Niniwe sumasandaga apan tantal᷊anna a'onggol᷊annu ṛuumanna. Araṛṛamage mangke maanemma. Manambo walahanna buatte niawono'anne, wuṛṛu nisal᷊o'a ringannu wisarane.

HABAKUK 1:7

Su al᷊awo'u tampa i mangitou mandantan atata'utta; ringannu mawunga i mangitou mannol᷊a'u anambon tita tabbene'e nasul᷊ungngu apulun mangitou.