YESAYA 47:6 - WUKE SUSI WATTI'U AL᷊AL᷊USASSA

⁶ Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YESAYA 47:6 Referans Kwoze

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

2 TAWARIKH 28:9

Sangkatou Nabi Mawu aranne i Oded uatana'a su Samaria. Sutempo tantaran Israel nabelengnga uaapiddu taumata niatawanna wuassu Yehuda, Oded naisasomban mangitou sutempo i mangitou sumuttate su soa. I tou nabbisara, “I yamiu buatte namaddon taumatan Yehuda ana waugu Mawu Ruatan al᷊amonanu nasa'ute si mangitou. Arawe Mawu naddaringikka tumaniten maṛṛagissa i yamiu namate tantaran Yehuda udde.

TAHIUL᷊E 28:50

I mangitou mal᷊aṛṛaga wuṛṛu tawe aakkanne su manga timmade wuṛṛu al᷊aṛṛana'a.

OBAJA 1:10

“Inolaannu tumaniten maṛṛagissa su saruannu manga tuṛṛangngu papupulunni Yakub. Ana waugu udde i'o sarun pateanna, wuṛṛu aal᷊uandahannu taumata su al᷊o'engngu tempo.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

DARALO 69:26

Wala'e paddasananni mangitou mal᷊annaba, wuṛṛu manga rasanni mangitou taweddu matana'a.

OBAJA 1:16

Su puiddu wowone-U apan susi uma-U buatte na'inumma ua'e apan nammasingkattu ṛuumanne. Arawe ua'en manga walahanna su runia indi mappetanna lai. Ṛuumanna udde tawe ial᷊asso'i mangitou. I mangitou sarun ma'inumma ma'iman sara masue, wua'udde i mangitou sarun mawul᷊i tawe lannangnge.”

YESAYA 14:17

Ete i tou apan nakkimunsa'a manga soa wuṛṛu namal᷊u runia naola'a wadda'u anne? Ete i tou indi apan taambe saran paassa tawe nawallossu manga taumata niatawanne ara'e namala mangitou mapul᷊e?’

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

YEHEZKIEL 28:16

I'o tawe atanaanne mabbal᷊u'a, wuṛṛu eteudde apan nangapiddu watukku araṛṛagissa wuṛṛu rosa. Ne i'o Ta'u nilimbuaṛṛanna wuassu wowone-U apan na'ukkassa, wuṛṛu mala'ekatta uariaga si'o nallimbuakka si'o wuassu pattangngannu permata apan lullendappa udde.

YEHEZKIEL 24:21

iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.

LAL᷊ALLU 2:2

Suapan wadda'u nannal᷊o su wanua Yehuda, nihohakku Mawu ringannu tawe napau. Sulal᷊ummu asasa'u-Ne i Tou namela'a sara naṛṛa'a manga tanda'a watu apan ual᷊indumma wanua udde. Araratuanna udde suadio'a ringannu manga piaṛṛangnge niemang-Nge na'oman sara nabbal᷊i addio'a.

YESAYA 43:28

manga imammu buatte nandal᷊eo Wal᷊e-U. Ne Israel Ta'u itantilla iapal᷊obbossa, papapulunni Yakub Ta'u iwala ṛaddaanna.”

YESAYA 13:16

I mangitou sarun mabbiala ana'i mangitou ta'e maṛṛamutta ṛimunsaanna, manga wal᷊e mangitou anuanna wuṛṛu manga awingnge laṛṛampasanna.”

2 SAMUEL 24:14

I Daud sinumimbakka, “Uare! Nasilakate i ya'u! Arawe wuassu i ya'u iṛṛuumannu taumata, mappianne i ite sarangkanambone iṛṛuumannu Mawu, ana waugu wahewalla darangngu-Ne.”

YESAYA 14:6

apan ringannu massa'u mangngallanga manga walahanna wuṛṛu sidutu mannansara si mangitou.

YEREMIA 50:42

Ahiddi mangitou anaanna wuṛṛu tambakka; i mangitou maṛṛagissa wuṛṛu wagga mangampungnga. Ere tingikku tahal᷊oangnga mattandi'a aroddi lai tingikku lempangngu awal᷊o i mangitou apan tantal᷊anna sassasanna inai mamangalo Babel.

LAL᷊ALLU 1:14

I Tou nanganu anambon rosa'u, wua'udde niwa'issa nabbal᷊i sambau, ana see nipul᷊issa su ullekka'u, na'oman sara awakkanne naal᷊ome si ya'u. Mawu nananti'u su seetta; i ya'u tawe ikkatta lumawangnga si mangitou udde.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

LAL᷊ALLU 5:12

Manga piaṛṛa'i yami nisametta wuṛṛu nihantonga, manga matatimmadi yami tate lai addatanna.

2 TAWARIKH 10:11

Iamangku nangonggolu winabbawa apan mawakkatta si ya'u, arawe i ya'u sarun mangonggolu awakkatanne lai. I tou nanggesekka si yamiu ringannu sambokka, arawe i ya'u sarun manggesekka ringannu sambokka ṛoangnge atta'a!’ ”

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

2 TAWARIKH 36:20

Tumanangnge apan ta'e wiakka niapidde watukku Babel. Poiaroddi i mangitou nabbal᷊i allangnge wuṛṛu allangngu papapulunne naddatingngu tempon araratuannu Persia mamarenta.

EZRA 5:12

Arawe ana waugu manga al᷊amonan kami buatte napaasabbangngu asasa'un Duata uataṛṛino surga, ne i Tou namantilli mangitou su taṛṛinon Nebukadnezar, ratun Babel wuassu papapulunnu Kasdim. I Tou nakkimunsa'a Wal᷊en udde wuṛṛu naṛṛootta walahanni yami watukku Babel.

LAL᷊ALLU 4:16

Mawu tate lai mannaungnga uman-Ne; i Tou sassane apan nanal᷊iawukki mangitou wuṛṛu na'ola'a manga imam tate lai iaregga; manga piaṛṛangnge tateddu umakkanna.

ZAKARIA 1:12

Wua'udde mala'ekatta udde nabbisara, “Mawu Apan Lembontaṛṛino, pitun pul᷊o su tonnane al᷊annune I'o nasa'u su Yerusalem wuṛṛu su manga soa su Yehuda. Maddatingngu tingngera I'o sidutu massa'u wuṛṛu tawe mangampungnga si mangitou?”